ນີ້ເປັນການວາດພາບຊາຕາກຳຂອງຊາວຈີນໃນຕົ້ນສະຕະວັດທີ20.ການຄົ້ນພົບຄູຫາຮັກ
ສາຄຳພີປີດົກສາມາດເຮັດໃຫ້ປະຊາຊາດຈີນຮູ້ຈັກອາລະຍະທຳຈີນຍິ່ງຮອບດ້ານແລະ
ເລິກເຊິ່ງ.ຮູບແຕ້ມຝາຜະ ໜັງຂອງຕຸ່ນຮວງມີເນື້ອທ່ີກວ້າງ4ຫມື່ນ5ພັນແມັດຕາ,ມີຮູບ
ຄວັດສີ2ພັນກວ່າອົງ,ໄດ້ຜ່ານໄລຍະເກືອບ10ລາດຊະວົງຂອງຈີນ,ມີປະຫວັດພັນກວ່າປີ
ເຊິ່ງແຕ່ສະຕະວັດທີ4ຮອດສະຕະວັດທີ14.ເຖິງວ່າໄດ້ປ່ຽນລາດຊະວົງມາຫລາຍສະໄໝ,
ແຕ່ການແຕ້ມຮູບພັດບໍ່ໄດ້ເຊົາ,ພຽງແຕ່ວ່າສີສັນມີອັນຕ່າງກັນທໍ່ນັ້ນ.ທ່ານຈ່າງຕ້າຊຽນ
ນັກແຕ້ມຮູບຜູ່ມີຊື່ສຽງຂອງຈີນເວົ້າວ່າ,ຮູບແຕ້ມຝາຜະໜັງຕຸ່ນຮວງມີສີສັນພິເສດຄືຫນຶ່ງ
ມີຂະຫນາດໃຫຍ່ໂຕມະໂຫຖານ,ສອງ ມີສີສັນຕ່າງກັນ,ສາມ ມີເນື້ອໃນອຸດົມສົມບູນ,
ສີ່ ຮັກສາໄວ້ຍາກ.ທ່ານເຊເສິງສຸຍທ່ີຮັບຄຳເຊີນໃຫ້ດຳເນີນການຄົ້ນຄວ້າວິຈິຕະກຳຢູ່
ສະຖາບັນຄົ້ນຄວ້າຕຸ່ນຮວງກໍ່ມີຄວາມຮູ້ສຶກຢ່າງເລິກເຊິ່ງວ່າໃນສິລະປະດັ້ງເດີມອັນດີເລີດ
ຂອງຈີນຍັງມີຫລາຍອັນບໍ່ໄດ້ຂຸດຄົ້ນອອກມາ.ເມື່ອເວົ້າເຖິງຕຸ່ນຮວງ,ພວກເຮົາກໍ່ຈະຄິດ
ເຖິງເສັ້ນທາງຜ້າໄຫມ,ເສັ້ນທາງຜ້າໄຫມແມ່ນເສັ້ນທາງສ້າງມິດຕະພາບກັບຕ່າງປະເທດ.
ສ່ວນສິລະປະວັດທະນະທຳຕຸ່ນຮວງກໍ່ໄດ້ເປັ່ງລັດສະໝີທ່ີປະຫວັດວັດທະນະທຳປະເທດ
ຝ່າຍຕາເວັນຕົກກັບຝ່າຍຕາເວັນອອກເຊື່ອມໂຍງເຂົ້າກັນ.
(ຮູບແຕ້ມຝາຜະໜັງ)
ປີ1943,ຈີນໄດ້ສ້າງຕັ້ງສະຖາບັນຄົ້ນຄວ້າສິລະປະຕຸ່ນຮວງ,ເພື່ອເຮັດວຽກງານບູລະນະ
ຮັກສາແລະຄົ້ນຄວ້າ,ພາຍຫຼັງປົດປ່ອຍປະເທດຈີນແລ້ວ,ໄດ້ປ່ຽນຊື່ເປັນສະຖາບັນຄົ້ນ
ຄວ້າວັດຖຸບູຮານຕຸ່ນຮວງ,ແລະໄດ້ປະຕິສັງຂອນຄູຫາຕຸ່ນຮວງຢ່າງຮອບດ້ານ,ແລ້ວໄດ້
ຈໍ່ຕົວຂຶ້ນເປັນຕຸ່ນຮວງວິທະຍາ.
1 2 3
|
