|
ບົດລາຍງານຂອງອົງການອະນາໄມໂລກກ່າວວ່າ ຢູ່ປະເທດພວມພັດທະນາມີສະພາບການຂາດເຂີນແພດຢ່າງໜັກໜ່ວງ
cri
Author: cai
ຕາມຂ່າວCRI:ວັນທີ 7 ເມສາແມ່ນວັນອະນາໄມໂລກ.ໃນມື້ດຽວກັນ,ຢູ່ເຊີແນວ,ອົງການອະນາໄມໂລກໄດ້ປະກາດບົດລາຍງານໂດຍຊີ້ອອກວ່າ,ປະຈຸບັນ,ໃນທົ່ວໂລກ,ຂາດເຂີນແພດປະມານ 4 ລ້ານຄົນ,ໃນນັ້ນ,57 ປະເທດພວມພັດທະນາຂາດເຂີນແພດຢ່າງໜັກໜ່ວງທີ່ສຸດ.
ບົດລາຍງານຂຽນວ່າ,ປະຈຸບັນ,ໃນທົ່ວໂລກມີແພດເປັນອາຊີບເກືອບ 60 ລ້ານຄົນ,ແຕ່ມີແຕ່ 2 ສ່ວນ 3 ປະຕິບັດໜ້າທີ່ປິ່ນປົວແລະພະຍາບານ,ພວກເຂົາເຈົ້າໄດ້ແຈກຢາຍຢູ່ເຂດຕ່າງໆຢ່າງບໍ່ສະໝ່ຳສະເໝີທີ່ສຸດ,ຢູ່ທະວີບອາຟຼິກາທີ່ມີອັດຕາເປັນພະຍາດສູງກວ່າໝູ່ມີແພດພຽງແຕ່3%ຂອງທົ່ວໂລກ.ອັນຍິ່ງເຮັດໃຫ້ຄົນທັງຫຼາຍເປັນຫ່ວງນຳນັ້ນແມ່ນ,ຍ້ອນສາຍເຫດຕ່າງໆ,ແພດຂອງປະເທດພວມພັດທະນາຈຳນວນໜຶ່ງພວມໄຫຼເຂົ້າປະເທດພັດທະນາຢ່າງບໍ່ຢຸດຢັ້ງ.
ບົດລາຍງານສະເໜີໃຫ້ປະຕິບັດ"ແຜນການດຳເນີນງານ 10 ປີ"ໃນທົ່ວໂລກກ່ອນປີ 2015,ເພື່ອບຳລຸງສ້າງແລະຈ້າງແພດໃຫ້ເພີ່ມອີກ4 ລ້ານຄົນ.
|
|
