ຕາມ​ຂ່າວ CRI: ຮອດ​ປີ 2010, ມູນ​ຄ່າການ​ຄ້າຂາເຂົ້າຂອງ​ຈີນ​ຈະ​ລື່ນ​ກາຍ 1000 ຕື້​ໂດ​ລາ.

​ທ່ານ​ມາ​ຄາຍ ປະທານ​ຄະນະ​ກຳມະການ​ພັດທະນາ​ແລະ​ປະຕິ​ຮູບ​ແຫ່ງ​ລັດ​ຈີນ​ໄດ້​​ໃຫ້​ການ​ຄາດ​ຄະ​ເນ​ດັ່ງກ່າວ​ຢູ່​ທີ່ປັກ​ກິ່ງ​ໃນ​ວັນ​ທີ 30 ຕຸລາ.

ທ່ານ​ມາ​ຄາຍ​ກ່າວ​ວ່າ, ຈີນ​ຈະ​ປະຕິບັດ​ຍຸດ​ທະ​ສາດ​ເປີດ​ປະຕູ​ສູ່​ພາຍ​ນອກ​ທີ່​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ, ​ໃນ​ຂະນະ​ທີ່ປັບປຸງ​ອົງ​ປະກອບ​ຂອງການ​ສົ່ງ​ອອກ​ໃຫ້​ດີ​ຂຶ້ນ​ນັ້ນ, ຍັງ​ຕັ້ງ​ໜ້າ​ເປີດ​ກວ້າງ​ການ​ນຳ​ເຂົ້າອີກ. ທ່ານ​ມາ​ຄາຍ​ຍັງ​ກ່າວ​ວ່າ, ຈີນ​ຈະ​ປັບປຸງ​ສະ​ພາບ​ແວດ​ລ້ອມ​ການ​ລົງ​ທຶນ, ປົກ​ປັກ​ຮັກສາ​ສິດ​ແລະ​ຜົນ​ປະ​ໂຫຍ​ດອັນ​ຊອບດ້ວຍ​ກົດໝາຍ​ຂອງ​ຜູ່​ລົງ​ທຶນ​ທັງ​ພາຍ​ໃນ​ແລະ​ຕ່າງປະ​ເທດ, ​ແລະ​ເພີ່ມ​ທະວີ​ການ​ອະນຸລັກ​ສິດ​ຊັບ​ສິນ​ທາງ​ປັນ​ຍາ, ​ແລະ​ພະ​ຍາ​ຍາມ​ຍົກ​ຄຸນ​ນະ​ພາ​ບ​ຂອງ​ການ​ນຳ​ໃຊ້​ທຶນ​ຕ່າງປະ​ເທດ.

ຈີນ​ແມ່ນ​ປະ​ເທດ​ທີ່​ຕະຫຼາດການ​ນຳ​ເຂົ້າ​ເພີ່ມ​ຂຶ້ນ​ໄວ​ກວ່າ​ໝູ່​ໃນ​ໂລກ. ​ໃນ​ປີ 2005, ການ​ຄ້າ​ຂາ​​ເຂົ້າຂອງ​ຈີນ​ມີ​ມູນ​ຄ່າ 660 ຕື້​ກວ່າໂດ​ລາ.