|
|
(GMT+08:00)
2008-04-08 16:23:19
|
|
ສ.ປ.ປ.ເກົາຫຼີກັບອາເມລິກາຈັດການເຈລະຈາຮອບໃໝ່ ບັນຫານີວເຄຼຍແຫຼມເກົາຫຼີພວມມີການປ່ຽນແປງ
cri
Author: cailin
ວັນທີ 7 ເມສານີ້,ທ່ານກິມກຸຍກວນ ຫົວໜ້າຄະນະຜູ້ແທນສ.ປ.ປ.ເກົາຫຼີແລະທ່ານຮີວ ຫົວໜ້າຄະນະຜູ້ແທນອາເມລິກາທີ່ເຂົ້າຮ່ວມການເຈລະຈາ 6 ຝ່າຍກ່ຽວກັບບັນຫານີວເຄຼຍແຫຼມເກົາຫຼີໄດ້ເດີນທາງໄປຮອດສິງກະໂປ,ເພື່ອເຂົ້າຮ່ວມການເຈລະຈາທີ່ຈັດຂຶ້ນຢູ່ສິງກະໂປໃນວັນທີ 8 ເມສານີ້ເປັນເວລາ 1 ວັນ,ຫາລືບັນຫາກ່ຽວກັບສ.ປ.ປ.ເກົາຫຼີລາຍງານແຜນການນີວເຄຼຍ.ນີ້ແມ່ນສອງຝ່າຍຫາລືບັນຫານີວເຄຼຍແຫຼມເກົາຫຼີອີກເທື່ອໜຶ່ງພາຍໃນຂອບການເຈລະຈາ 6 ຝ່າຍພາຍຫຼັງເຈລະຈາກັນຢູ່ເຊີແນວໃນວັນທີ 13 ມີນາແລ້ວນີ້,ດັ່ງນັ້ນ,ຈຶ່ງເຮັດໃຫ້ຝ່າຍຕ່າງໆສົນໃຈນຳຫຼາຍ.
ອີງຕາມ"ເອກະສານຮ່ວມ 3 ຕຸລາ"ຂອງ《ການປະຕິບັດຖະແຫຼງການຮ່ວມໄລຍະທີ 2》ໃນປີກາຍຂອງການເຈລະຈາ 6 ຝ່າຍກ່ຽວກັບບັນຫານີວເຄຼຍແຫຼມເກົາຫຼີ,ສ.ປ.ປ.ເກົາຫຼີຄວນສຳເລັດການເສື່ອມສະມັດຖະພາບຂອງສິ່ງກໍ່ສ້າງນີວເຄຼຍ 3 ແຫ່ງຢູ່ເຂດເຢິງປຽນກ່ອນວັນທີ 31 ທັນວາປີ 2007,ແລະລາຍງານແຜນການນີວເຄຼຍທັງໝົດຂອງສ.ປ.ປ.ເກົາຫຼີຢ່າງຄົບຖ້ວນແລະຖືກຕ້ອງ.ພ້ອມກັນນັ້ນ,ອາເມລິກາຄວນປະຕິບັດຄຳໝັ້ນສັນຍາຂອງຕົນຕໍ່ສ.ປ.ປ.ເກົາຫຼີຕາມການເຄື່ອນໄຫວຂອງສ.ປ.ປ.ເກົາຫຼີ,ຝ່າຍຕ່າງໆທີ່ກ່ຽວຂ້ອງຈະໃຫ້ຄວາມຊ່ວຍເຫຼືອດ້ານເສດຖະກິດ ພະລັງງານແລະມະນຸດສະທຳແກ່ສ.ປ.ປ.ເກົາຫຼີ.ແຕ່ວ່າ,ຍ້ອນສ.ປ.ປ.ເກົາຫຼີກັບອາເມລິກາມີຄວາມຂັດແຍ່ງໃນບັນຫາລາຍງານແຜນການນີວເຄຼຍ,ຈຶ່ງເຮັດໃຫ້"ເອກະສານຮ່ວມ 3 ຕຸລາ"ບໍ່ໄດ້ຮັບການປະຕິບັດຕາມເວລາກຳນົດ.
ສື່ມວນຊົນສ.ເກົາຫຼີເຫັນວ່າ,ທີ່ຈິງແລ້ວ,ປະຈຸບັນ ຝ່າຍອາເມລິກາພວມຂຸ້ນຂ້ຽວຢາກໄດ້ຮັບຄວາມຄືບໜ້າໃນດ້ານການລາຍງານແຜນການນິວເຄຼຍ,ເພື່ອສະແດງໃຫ້ເຫັນຜົນງານທາງການທູດຂອງລັດຖະບານບຸສ. ຍ້ອນວ່າພາຍຫຼັງກຳນົດຜູ່ສະໝັກຮັບເລືອກຕັ້ງປະທານາທິບໍດີອາເມລິກາໃນເດືອນສິງຫາປີນີ້ແລ້ວ,ລັດຖະບານບຸສຢາກເສີມຂະຫຍາຍບົດບາດກໍ່ຍາກແລ້ວ,ສະນັ້ນ ເວລາບໍ່ເຫຼືອຫຼາຍແລ້ວ.ສ່ວນສປປເກົາຫຼີພັດປະເຊີນກັບການກົດດັນໃຫ້ລາຍງານນິວເຄຼຍແລະທິດທາງນະໂຍບາຍຕໍ່ສປປເກົາຫຼີຂອງປະທານາທິບໍດີຊຸອາເມລິກາຊຸດໜ້າ,ປະຈຸບັນກໍ່ທຳການຕັດສິນໃຈຍາກ.ນັກວິເຄາະຊີ້ອອກວ່າ,ຫວ່າງມໍ່ໆນີ້ ທ່າທີຕິຕຽນອາເມລິກາແລະສ.ເກົາຫຼີຂອງສປປເກົາຫຼີແຂງຂຶ້ນແມ່ນຍ້ອນຢາກສ້າງຄວາມກົດດັນຕໍ່ຜູ່ນຳໃໝ່ຂອງສ.ເກົາຫຼີ,ຮຽກຮ້ອງໃຫ້ປ່ຽນແປງແນວທາງທີ່ແຂງກະດ້າງຕໍ່ສປປເກົາຫຼີ,ພ້ອມກັນນັ້ນກໍ່ບັງຄັບໃຫ້ລັດຖະບານບຸສຜ່ອນສັ້ນຜັ້ນຍາວກ່ອນລາອອກຈາກຕຳແໜ່ງ.
ຫາງສຽງໃນສ.ເກົາຫຼີຊີ້ອອກວ່າ,ປະຈຸບັນ,ບັນຫານິວເຄຼຍແຫຼົມເກົາຫຼີພວມຢູ່ໃນໄລຍະບາດລ້ຽວ.ຖ້າວ່າການເຈລະຈາລະຫວ່າງທ່ານຮິວກັບທ່ານກິມກຸຍກວານໄດ້ຮັບຄວາມຄືບໜ້າ,ຝ່າຍຕ່າງໆກ່ຽວກັບການເຈລະຈາ6ຝາຍກໍ່ຈະສາມາດເລີ່ມປຶກສາຫາລືວຽກງານໄລຍະຕໍ່ໄປ.ຖ້າວ່າສອງຝ່າຍບໍ່ໄດ້ກ້າວເຖິງຂັ້ນເຊັນສັນຍາ,ການເຈລະຈາ6ຝ່າຍກໍ່ອາດຈະປະສົບຄວາມຫຍຸ້ງຍາກໜັກກວ່າເກົ່າ.ຫາງສຽງຫວັງໃຫ້ການເຈລະຈາລະຫວ່າງທ່ານຮິວກັບທ່ານກິມກຸຍກວານເທື່ອນີ້ສາມາດຊ່ວຍໃຫ້ປັບປຸງການພົວພັນລະຫວ່າງສປປເກົາຫຼີກັບອາເມລິກາແລະຊຸກຍູ້ໃຫ້ການເຈລະຈາ6ຝ່າຍກ່ຽວກັບບັນຫານິວເຄຼຍແຫຼມເກົາຫຼີຂະຫຍາຍໄປໜ້າ.
|
|
|