|
ຕາມຂ່າວcri:ວັນທີ9 ເມສານີ້,ໃນເວລາສຳຫຼວດຢູ່ມາສຮາດ ເມືອງພາກຕາເວັນອອກຂອງອີຣານ,ທ່ານມາມູດ ອາມາດີ ເນຈາດ ປະທານາທິບໍດີອີຣານກ່າວວ່າ,ອີຣານຈະບໍ່ອ່ອນຍອມຕໍ່ຕາມກຳລັງກົດໜີບຂອງປະເທດຕາເວັນຕົກແລ້ວຢຸດຕິການຄົ້ນຄວ້ານິວເຄຼຍ.ປະທານາທິບໍດີອີຣານແມ່ນໃຫ້ຄຳຕອບດັ່ງກ່າວຕໍ່ການຕິຕຽນຂອງທ່ານໂກດົນ ຈອນໂດຼ ໂຄສົກຄະນະກຳມະການຄວາມໝັ້ນຄົງແຫ່ງຊາດຂອງອາເມລິກາ.
ວັນທີ8 ເມສານີ້,ທ່ານຈອນໂດຼ ໂຄສົກຄະນະກຳມະການຄວາມໝັ້ນຄົງແຫ່ງຊາດອາເມລິກາກ່າວວ່າ,ອີຣານຕິດຕັ້ງເຄື່ອງແຍກທາດໃໝ່6000ເຄື່ອງແລະວັດແທກເຄື່ອງແຍກທາດແບບໃໝ່ທີ່ມີປະສິທິພາບສູງກວ່າເກົ່າ,ເປັນການໝິ່ປະໝາດຕໍ່ມະຕິຂອງສະພາຄວາມໝັ້ນຄົງສະຫະປະຊາຊາດທີ່ຮຽກຮ້ອງໃຫ້ຢຸດຕິການເຄື່ອນໄຫວກັ່ນເອົາຢູເລນຽມ,ອາດຈະພາໃຫ້ເຂົາຖືກລົງໂທດທາງເສດຖະກິດແລະການທູດໃນໂລກເທື່ອໃໝ່.ພ້ອມກັນນັ້ນ,ທ່ານກ່າວວ່າ,ອີຣານສືບຕໍ່ປະຕິເສດເຮັດຕາມມະຕິຂອງສະພາຄວາມໝັ້ນຄົງສະຫະປະຊາຊາດກໍຈະພາໃຫ້ເຂົາໂດດດ່ຽວຕື່ມອີກ.
ຝ່າຍອີຣານມີປະຕິກິລິຍາອັນຮຸນແຮງຕໍ່ເລື່ອງນີ້.ໃນເວລາສຳຫຼວດຢູ່ເມືອງມາສຮາດທາງພາກຕາເວັນອອກສຽງເໜືອຂອງອີຣານ,ປະທານາທິບໍດີມາມຸດ ອາມາດີ ເນຈາດກ່າວວ່າ,ອີຣານແມ່ນປະເທດທີ່"ມີນິວເຄຼຍ",ຖ້າປະເທດຝ່າຍຕາເວັນຕົກຂັດຂວາງອີຣານໃນດ້ານນີ້ຕໍ່ໄປແລ້ວ,ອີຣານຈະຢ່ວງບາດກ້າວກວ້າງກວ່າເກົ່າໃນການເຄື່ອນໄຫວທີ່ຄົ້ນຄວ້ານິວເຄຼຍ.
ຍ້ອນຫຍັງປະຊາຄົມໂລກຈຶ່ງມີການສະດຸ້ງໄວປານນີ້ຕໍ່ການເຄື່ອນໄຫວນິວເຄຼຍຂອງອີຣານ?ສາເຫດແມ່ນຍ້ອນວ່າປະຊາຄົມໂລກເຫັນວ່າ,ອີຣານແມ່ນປະເທດສົ່ງອອກນ້ຳມັນເຊື້ອໄຟໃຫຍ່ທີ່4ໃນໂລກ,ປະລິມານສະສົມອາຍແກັສທຳມະຊາດກໍຢູ່ໃນອັນດັບທີ2ໃນໂລກພຽງແຕ່ຖັດຈາກຣັດເຊຍ.ຄວາມເວົ້າຂອງອີຣານທີ່ວ່າດຳເນີນການຄົ້ນຄວ້າເຕັກນິກນິວເຄຼຍແມ່ນເພື່ອພັດທະນາພະລັງງານນິວເຄຼຍໃຊ້ທາງພົນລະເຮືອນນັ້ນແມ່ນເຊື່ອໃຈບໍ່ໄດ້.ຜູ່ຊຽວຊານນິວເຄຼຍບາງທ່ານຊີ້ອອກວ່າ,ເຄື່ອງແຍກທາດຢູເລນນຽມ1500ເຄື່ອງ,ສາມາດກັ່ນເອົາຢູເລຂຸ້ນສຳລັບເຮັດຫົວລະເບີດນິວເຄຼຍໄດ້ຫົວໜຶ່ງ.ບົດລາຍງານໃໝ່ສຸດຂອງອົງການພະລັງປະລະມານູສາກົນກ່ຽວກັບບັນຫານິວເຄຼຍອີຣານໄດ້ຢືນຢັນວ່າ,ປະຈຸບັນ,ອີຣານມີເຄື່ອງແຍກທາດ3000ເຄື່ອງພວມໝູນເດີນຢູ່,ປະຈຸບັນອີຣານຍັງຈະຕິດຕັ້ງເຄື່ອງຈັກແບບນີ້ອີກ6000ເຄື່ອງ,ແລະໄດ້ຄົ້ນຄວ້າຜະລິດເຄື່ອງແຂກທາດແບບໃໝ່ທີ່ມີປະສິດທິພາບໄວກວ່າເຄື່ອງແຍກທາດp1ທີ່ພວມໃຊ້ຢູ່ດຽວນີ້ຕັ້ງ5ເທົ່າ.ສະນັ້ນປະຊາຄົມໂລກຈຶ່ງສົງໄສຈຸດປະສົງແທ້ຈິງໃນການຄົ້ນຄວ້ານິວເຄຼຍຂອງອີຣານ. ຫຼັງຈາກອາເມລິກາ,ຝະລັ່ງ,ອິສຣາແອນເປັນຕົ້ນກໍຮຽກຮ້ອງຫຼາຍເທື່ອໃຫ້ປະຊາຄົມໂລກຮ່ວມກັນພະຍາຍາມ,ບັງຄັບໃຫ້ອີຣານຢຸດຕິການເຄື່ອນໄຫວນິວເຄຼຍຂອງ,ສະພາຄວາມໝັ້ນຄົງສະຫະປະຊາຊາດເຄີຍຜ່ານມະຕິ3ສະບັບ,ລົງໂທດແຜນການນິວເຄຼຍອີຣານແລະຂົງເຂດກ່ຽວຂ້ອງ.
ແຕ່ຝ່າຍອີຣານບໍ່ເອົາຫົວຊາ.ທ່ານອາມາດີ ເນຈາດກ່າວ່າບໍ່ຮັບໃດໆໝົດທີ່ຮຽກຮ້ອງໃຫ້ອີຣານຢຸດເຊົາການກັ່ນເອົາຢູເລນຽມຂຸ້ນ.ຈາກນີ້,ກໍເຫັນໄດ້ວ່າ,ການແກ້ໄຂບັນຫານິວເຄຼຍອີຣານດີແມ່ນຍາກທີ່ຈະໄດ້ຮັບຜົນໃນໄລຍະສັ້ນ.ຫາງສຽງເຫັນວ່າ,ອີຣານສືບຕໍ່ອອກແຮງພັດທະນາເຕັກນິກນິວເຄຼຍເປັນປໍລະປັກ ກັບປະເທດຕາເວັນຕົກນັ້ນຈະກາຍເປັນທ່ວງທ່າຕົ້ນຕໍໃນໄລຍະໜຶ່ງຂ້າງໜ້າ.
|
