|
|
 |
| (GMT+08:00)
2008-04-15 16:12:38
|
 |
|
ຣັດເຊຍສືບຕໍ່ປະຕິບັດນະໂຍບາຍ"ສ້າງຮ່ວມກັນ"ໃນບັນຫາຕ້ານລູກສອນໄຟນຳວິຖີ
cri
Author: shuo
ຕາມຂ່າວCRI:ວັນທີ14ເມສານີ້,ຢູ່ມົສກູ,ພາຍຫຼັງຈັດການເຈລະຈາກັບທ່ານໂຄມູ ຣາ ມາຊາຮີໂຄ ລັດຖະມົນຕີວ່າການກະຊວງການຕ່າງປະເທດຍີ່ປຸ່ນແລ້ວ,ທ່ານເຊີເກ ລັຟລົຟ ລັດຖະມົນຕີວ່າການກະຊວງການຕ່າງປະເທດຣັດເຊຍຮຽກຮ້ອງໃຫ້ອາເມລິກາ ເອີລົບ ຣັດເຊຍ ຍີ່ປຸ່ນແລະປະເທດອື່ນໆທີ່ກ່ຽວຂ້ອງຮ່ວມກັນສ້າງລະບົບຕ້ານລູກສອນໄຟນຳວິຖີ.ຈາກນີ້ເຫັນໄດ້ວ່າ,ໃນບັນຫາຕ້ານລູກສອນໄຟນຳວິຖີ,ຣັດເຊຍໄດ້ປ່ຽນແປງທ່າທີຄັດຄ້ານ ແລະບໍ່ພໍໃຈຢ່າງຮຸນແຮງໃນເມື່ອກ່ອນ,ຫາກມາປະຕິບັດຍຸດໂທບາຍທີ່ຮ່ວມກັນສ້າງ.
ໃນບັນຫາຕ້ານລູກສອນໄຟນຳວິຖີ,ຣັດເຊຍກັບອາເມລິກາອາດເວົ້າໄດ້ວ່າໄດ້ມີຄວາມຂັດແຍ່ງກັນແຕ່ດົນແລ້ວ.ເດືອນມັງກອນປີ2007,ອາເມລິກາສະເໜີໃຫ້ໂປໂລຍແລະສາທາລະ ນະລັດເຊັກຟື້ນຟູການເຈລະຈາກ່ຽວກັບການສ້າງຖານທັບຕ້ານລູກສອນໄຟນຳວິຖີດ້ວຍຂໍ້ອ້າງທີ່ວ່າ ການຈັດວາງລະບົບຕ້ານລູກສອນໄຟນຳວິຖີຢູ່ເອີລົບຕາເວັນອອກແມ່ນແນໃສ່ຄວາມຂົ່ມຂູ່ບົ່ມຊ້ອນຈາກອີຣານ.ຣັດເຊຍເຫັນວ່າ,ຈຸດປະສົງສຸດທ້າຍຂອງອາເມລິກາແມ່ນເພື່ອຕັດຮອນຄວາມສາມາດປ້ອງກັນຂອງຣັດເຊຍ,ຂົ່ມຂູ່ຄວາມປອດໄພແຫ່ງຊາດຂອງ ຣັດເຊຍ.ດ້ວຍເຫດນີ້,ຣັດເຊຍກັບອາເມລິກາຈຶ່ງໄດ້ໂຕ້ຖຽງກັນຢູ່ບໍ່ເຊົາໂດຍປິ່ນອ້ອມບັນຫາຕ້ານລູກສອນໄຟນຳວິຖີ,ຈາກນັ້ນການພົວພັນສອງປະເທດກໍໄດ້ຕົກຢູ່ໃນສະພາບທີ່ບໍ່ໄປບໍ່ມາ.
ຕົ້ນເດືອນເມສານີ້,ທ່ານວຼາດີເມຍ ປູຕິນ ປະທານາທິບໍດີຣັດເຊຍກັບທ່ານຈອຈ໌ ບຸສ ປະທານາທິບໍດີອາເມລິກາໄດ້ຈັດການເຈລະຈາຢູ່ໂຊຊີຂອງຣັດເຊຍ ເຊິ່ງຖືກສື່ມວນຊົນເອີ້ນເປັນການເຈລະຈາຄັ້ງສຸດທ້າຍພາຍໃນອາຍຸຕຳແໜ່ງຂອງສອງທ່ານ.ສອງຝ່າຍມີເຈດຕະນາສ້າງຕັ້ງລະບົບຊຸດໜຶ່ງທີ່ຣັດເຊຍ ອາເມລິກາກັບເອີລົບຮ່ວມກັນເຂົ້າຮ່ວມໃນຖານະທີ່ເປັນຄູ່ຮ່ວມມືສະເໝີພາບ,ເພື່ອຮັບມືກັບການຂົ່ມຂູ່ດ້ານລູກສອນໄຟນຳວິຖີທີ່ອາດຈະປະສົບ.ການເຈລະຈາຄັ້ງນີ້ເຮັດໃຫ້ການຂັດແຍ່ງກັນລະຫວ່າງອາເມລິກາກັບຣັດເຊຍທີ່ໄດ້ເຄັ່ງ ຮ້ອນຂຶ້ນໃນຫວ່າງມໍ່ໆມານີ້ນັ້ນຢຸດເຊົາຊົ່ວຄາວ.
ສ່ວນລັດຖະມົນຕີການຕ່າງປະເທດຣັດເຊຍຮຽກຮ້ອງໃຫ້ຍີ່ປຸ່ນເຂົ້າຮ່ວມລະບົບຕ້ານລູກສອນໄຟນຳວິຖີທີ່ຮ່ວມກັນສ້າງນັ້ນແມ່ນເພື່ອໄດ້ຮັບການສະໜັບສະໜູນຈາກຍີ່ປຸ່ນ,ແລະ ໄດ້ຮັບຄວາມເປັນເຈົ້າການໃນເວລາຮັບມືກັບການຮ່ວມມືຕ້ານລູກສອນໄຟນຳວິຖີລະຫວ່າງອາເມລິກາກັບຍີ່ປຸ່ນ,ແລ້ວສະກັດກັ້ນອາເມລິກາຕື່ມອີກ,ແລະບັນລຸຈຸດປະສົງທີ່ປົກປັກຮັກສາຜົນປະໂຫຍດດ້ານຄວາມປອດໄພຂອງຂອງປະເທດຕົນ.
ນັກວິເຄາະເຫັນວ່າ,ຣັດເຊຍປ່ຽນແປງທ່າທີຄັດຄ້ານແລະບໍ່ພໍໃຈຢ່າງຮຸນແຮງໃນເມື່ອກ່ອນໃນບັນຫາຕ້ານລູກສອນໄຟນຳວິຖີ,ຫັນເປັນການປະຕິບັດຍຸດໂທບາຍຮ່ວມກັນສ້າງ ດ້ວຍທ່າທີປະນີປະນອມນັ້ນ,ສາເຫດກົກຮາກແມ່ນຍ້ອນຄວາມຜິດໂຕນກັນດ້ານກຳລັງຕົວຈິງລະຫວ່າງອາເມລິກາກັບຣັດເຊຍ.ຖ້າວ່າຣັດເຊຍບໍ່ສາມາດແກ້ໄຂບັນຫາຫັນປ່ຽນອົງປະ ກອບເສດຖະກິດພາຍໃນປະເທດຢ່າງແທ້ຈິງແລະບັນລຸຄວາມເຂັ້ມແຂງຢ່າງແທ້ຈິງ,ບໍ່ວ່າໃນບັນຫາຕ້ານລູກສອນໄຟນຳວິຖີ,ຫຼືວ່າໃນການພົວພັນຣັດເຊຍກັບອາເມລິກາ,ການໃຊ້ ທ່າທີແຂງໃນຊົ່ວໄລຍະໜຶ່ງແລະປະນີປະນອມໃນສຸດທ້າຍນັ້ນຈະແມ່ນ"ທຳນອງຫຼັກ"ຂອງການຂະຫຍາຍການພົວພັນກັບອາເມລິກາໃນໄລຍະຍາວສົມຄວນໃນຕໍ່ໜ້າ.
|
|
|
