|
|
 |
| (GMT+08:00)
2008-04-17 15:35:32
|
 |
|
ຈີນຮັບຈັດກອງປະຊຸມຫຼາຍຝ່າຍກ່ຽວກັບບັນຫານິວເຄຼຍອີຣານເປັນເທື່ອທຳອິດ
cri
Author: ms
ຕາມຂ່າວ CRI: ວັນທີ 16 ເມສານີ້, ກອງປະຊຸມຫົວໜ້າກົມການເມືອງກະຊວງການຕ່າງປະເທດຂອງ 6 ປະເທດກ່ຽວກັບບັນຫານິວເຄຼຍອີຣານໄດ້ຈັດຂຶ້ນຢູ່ນະຄອນຊຽງໄຮ້ຂອງຈີນ, ນີ້ແມ່ນຈີນຮັບຈັດກອງປະຊຸມຫຼາຍຝ່າຍກ່ຽວກັບບັນຫານິວເຄຼຍອີຣານເປັນເທື່ອທຳອິດ. ໃນການປະຊຸມເປັນເວລາ 1 ວັນ, ຜູ້ແທນຈີນ,ອາເມລິກາ, ຣັດເຊຍ, ອັງກິດ, ຝະຣັ່ງ,ເຢຍລະມັນແລະສະຫະພາບເອີລົບຫຼື EU ໄດ້ບັນລຸຄວາມເຫັນເອກະສັນກັນອັນສຳຄັນກ່ຽວກັບແຜນການຟື້ນຟູການເຈລະຈາກ່ຽວກັບບັນຫານິວເຄຼຍອີຣານ.
ປະຈຸບັນ, ບັນຫານິວເຄຼຍຍັງຢູ່ໃນສະພາບບໍ່ໄປບໍ່ມາ. ນັບແຕ່ປີ 2005 ເປັນຕົ້ນມາ, ການລອງແຮງກັນລະຫວ່າງອີຣານກັບອາເມລິກາແລະ EU ຮຸນແຮງຂຶ້ນເປັນກ້າວໆ, ເດືອນສິງຫາປີ 2005,ລັດຖະບານອີຣານຊຸດໃໝ່ຟື້ນຟູການກັ່ນເອົາທາດຢູເລນຽມຂຸ້ນ,ການເຈລະຈາກ່ຽວກັບບັນຫານິວເຄຼຍອີຣານຈຶ່ງຢຸດຕິລົງ.ຕົ້ນເດືອນມີນາປີນີ້,ລັດຖະມົນຕີກະຊວງການຕ່າງປະເທດຂອງ 5 ປະເທດສະມາຊິກຖາວອນສະພາຄວາມໝັ້ນຄົງສະຫະປະຊາຊາດເຊິ່ງລວມທັງຈີນພ້ອມດ້ວຍເຢຍລະມັນໄດ້ອອກຖະແຫຼງການຮ່ວມ,ກ່າວຢ້ຳວ່າຄວນແກ້ໄຂບັນຫານິວເຄຼຍໂດຍຜ່ານການເຈລະຈາ, ເຫັນດີບັນລຸແຜນການຟື້ນຟູການເຈລະຈາໂດຍໄວ.ຖະແຫຼງການຂອງລັດຖະມົນຕີກະຊວງການຕ່າງປະເທດ 6 ປະເທດກ່າວເນັ້ນວ່າ, ຄວນປະຕິບັດວິທີການລົງໂທດດ້ານການສົ່ງເສີມຕໍ່ບັນຫານິວເຄຼຍອີຣານ.ກອງປະຊຸມທີ່ຈັດຂຶ້ນຢູ່ນະຄອນຊຽງໄຮ້ເທື່ອນີ້ກໍ່ແມ່ນເພື່ອປະຕິບັດຄວາມເຫັນເອກະສັນກັນຂອງລັດຖະມົນຕີກະຊວງການຕ່າງປະເທດ 6 ປະເທດ.
ນີ້ແມ່ນເທື່ອທຳອິດທີ່ຈີນເປັນເຈົ້າພາບຈັດກອງປະຊຸມຫຼາຍຝ່າຍກ່ຽວກັບບັນຫານິວເຄຼຍ ຂອງອີຣານ.ເມື່ອໄດ້ຫາລືຢ່າງເລິກເຊິ່ງແລະມີລັກສະນະສ້າງສັນແລ້ວ,ຝ່າຍຕ່າງໆໄດ້ບັນ ລຸຄວາມຮັບຮູ້ທີ່ເປັນເອກະສັນກັນກ່ຽວກັບເນື້ອໃນສຳຄັນຂອງແຜນການຟື້ນຟູການເຈລະ ຈາ.ທ່ານເຮີຢ້າເຟີ່ຍ ຜູ້ຊ່ວຍລັດຖະມົນຕີວ່າການກະຊວງການຕ່າງປະເທດຈີນທີ່ເປັນປະ ທານກອງປະຊຸມບອກໃຫ້ຮູ້ວ່າ:"6ປະເທດລ້ວນແຕ່ເຫັນດີຈະສືບຕໍ່ເພີ່ມຄວາມພະຍາຍາມດ້ານການທູດ,ໃຊ້ແນວຄິດທີ່ມີລັກສະນະປະດິດສ້າງ,ຕັ້ງໜ້າຊອກຫາວິທີອັນເໝາະສົມເພື່ອແກ້ໄຂບັນຫານິວເຄຼຍຢ່າງຮອບດ້ານແລະຖາວອນ.ເມື່ອແຜນການຟຶ້ນຟູການເຈລະ ຈານີ້ຮຽບຮ້ອຍແລ້ວ,ຈຶ່ງຈະມອບໃຫ້ຝ່າຍອີຣານ,6ປະເທດກໍຮຽກຮ້ອງໃຫ້ອີຣານມີປະຕິກິລິຍາທີ່ຕັ້ງໜ້າ,ແລະທຳຄວາມພະຍາຍາມຂອງຕົນເພື່ອການແກ້ໄຂບັນຫານິວເຄຼຍຂອງອີຣານຢ່າງເໝາະສົມ."ເມື່ອກ່າວເຖິງໝາກຜົນຂອງກອງປະຊຸມຊຽງໄຮ້ຄັ້ງນີ້,ທ່ານເຮີຢ້າເຟີ່ຍກ່າວເນັ້ນອີກເທື່ອໜຶ່ງວ່າ,ອັນທີ່ສາມາດເຈລະຈາກບອີຣານຈຶ່ງແມ່ນເປົ້າໝາຍທີ່ຝ່າຍຕ່າງໆສະແຫວງຫາ.
ໃນເວລາໃຫ້ສຳພາດຕໍ່ນັກຂ່າວວິທະຍຸCRI,ທ່ານຫຼີເຫວີຍຈ້ຽນ ຫົວ ໜ້າຫ້ອງການຄົ້ນຄວ້າອາຊີຕາເວັນຕົກແລະອາຟະລິກາຂອງສະຖາບັນຄົ້ນຄວ້າບັນຫາສາກົນຊຽງໄຮ້ກ່າວວ່າ,ຝ່າຍຕ່າງໆຂອງກອງປະຊຸມຊຽງໄຮ້ຄັ້ງນີ້ໄດ້ບັນລຸຄວາມຮັບຮູ້ທີ່ເປັນເອກະສັນກັນທີ່ສຳຄັນກ່ຽວກັບເນື້ອໃນສຳຄັນຂອງແຜນການຟຶ້ນຟູການເຈລະຈາ,ໃນນັ້ນມີຄວາມພະຍາຍາມຢ່າງໃຫຍ່ຫຼວງຂອງຈີນທີ່ໄດ້ເຮັດຫຼາຍປີເພື່ອຊຸກຍູ້ການເຈລະຈາ.ທ່ານກ່າວວ່າ:"ການທີ່ເຮັດໃຫ້ບັນຫານິວເຄຼຍຂອງອີຣານຫຼີກເວັ້ນຄວາມເຄັ່ງຕຶງ ຫຼີກເວັ້ນການເກີດວິກິດການຈົນກ້າວເຖິງການປະທະກັນ,ຍ້ອນຈີນໄດ້ເຮັດວຽກງານຢ່າງຫຼວງຫຼາຍ.ຜູ້ນຳຂອງປະເທດພວກເຮົາໄດ້ແລກປ່ຽນຄວາມເຫັນກັບຜູ້ນຳລະດັບສູງຂອງອີຣານຫຼາຍເທື່ອໃນຫຼາຍກໍລະນີ,ຫວັງໃຫ້ອີຣານຮ່ວມມືກັບປະຊາຄົມໂລກ.ໃນກົນໄກ6ຝ່າຍ,ພວກເຮົາກໍໄດ້ແລກປ່ຽນຄວາມເຫັນກັບຝ່າຍຕາເວັນຕົກ ໂດຍສະເພາະແມ່ນອາເມລິກາ.ສະນັ້ນ,ຂ້າພະເຈົ້າເຫັນວ່າ,ຈີນໄດ້ເສີມຂະຫຍາຍບົດບາດຕັ້ງໜ້າທີ່ສຸດໃນວຽກນີ້."
|
|
|
