|
|
 |
| (GMT+08:00)
2008-04-23 18:51:30
|
 |
|
ກອງປະຊຸມເປີດກວ້າງລັດຖະມົນຕີການຕ່າງປະເທດຂອງປະເທດອ້ອມຂ້າງອີຣັກຄັ້ງທີ3ໄຂຂຶ້ນ
cri
CRIລາຍງານວ່າ: ກອງປະຊຸມເປີດກວ້າງລັດຖະມົນຕີການຕ່າງປະເທດຂອງປະເທດອ້ອມຂ້າງອີຣັກຄັ້ງທີ3ໄຂຂຶ້ນຢູ່ຄູເວດໃນວັນທີ22ເມສານີ້.ຢູ່ທີ່ປະຊຸມ,ອີຣັກໄດ້ຮຽກຮ້ອງປະເທດໃກ້ຄຽງຈົ່ງໃຫ້ການສະໜັບສະໜູນທາງການທູດແລະເສດຖະກິດແກ່ອີຣັກ,ເພື່ອປັບປຸງຄວາມສາມັກຄີພາຍໃນອີຣັກແລະເລັ່ງລັດຂະບວນການສ້າງຄວາມປອງດອງຊາດ.ປະເທດໃກ້ຄຽງຂອງອີຣັກເຊັ່ນຄູເວດ ຊີຣີ ຊັອກດານີ ອາລາບີຊາອຸດິດ ອີຣານ ຕວກກີແລະຜູ່ແທນຂອງສະຫະປະຊາຊາດ ສັນນິບາດອາຣັບ ສະພາອິສຣາມແລະອາເມລິກາໄດ້ເຂົ້າຮ່ວມກອງປະຊຸມ.ທ່ານຈາຍຈຸ້ນ ຜູ່ຊ່ວຍລັດຖະມົນຕີວ່າການກະຊວງການຕ່າງປະເທດຈີນກໍ່ໄດ້ເຂົ້າຮ່ວມ,ອີຣັກໄດ້ສົ່ງຄະນະຜູ່ແທນທີ່ນຳໂດຍທ່ານນູຣີ ອັນມາລີກີ ນາຍົກລັດຖະມົນຕີອີຣັກໄປເຂົ້າຮ່ວມກອງປະຊຸມ.
ອາເມລິກາທີ່ເປັນຝ່າຍຕົ້ນຕໍຂອງບັນຫາອີຣັກໄດ້ສົ່ງນາງຄອນໂດລີລາ ໄຣສ໌ ລັດຖະມົນຕີວ່າການກະຊວງການຕ່າງປະເທດມາເຂົ້າຮ່ວມກອງປະຊຸມເທື່ອນີ້.ທີ່ປະຊຸມ,ນາງໄຣສ໌ໄດ້ສະແດງຄວາມສະຫນັບສະຫນູນຕໍ່ຄວາມຮຽກຮ້ອງຕ້ອງການດ້ານຕ່າງໆທີ່ທ່ານໂນລີ ອານ ມາລີຄີວາງອອກເຊັ່ນ:ຫຼຸດຫຼືຍົກເວັ້ນຫນີ້ສິນຂອງອີຣັກແລະສົ່ງເອກອັກຄະລັດຖະທູດໄປອີຣັກເປັນຕົ້ນ,ນາງຮຽກຮ້ອງໃຫ້ປະເທດອາລັບຊ່ອຍເຫຼືອອີຣັກ.
ນັກວິເຄາະເຫັນວ່າ,ອີຣັກທັງຕ້ອງການແກ້ໄຂບັນຫາຕ່າງປະເທດທີ່ຕົກທອດມາແຕ່ປະຫວັດສາດເຊັ່ນ:ຂະຫຍາຍການພົວພັນກັບປະເທດອ້ອມຂ້າງແລະຈ່າຍຄ່າທົດແທນຂອງສົງຄາມອ່າວເປີເຊຍເປັນຕົ້ນ,ພ້ອມກັນນັ້ນ,ຍັງຕ້ອງປະເຊີນກັບການປະທະກັນລະຫວ່າງຝ່າຍສາສະຫນາພາຍໃນປະເທດ,ສະນັ້ນ,ການແກ້ໄຂບັນຫາອີຣັກຕ້ອງການຝ່າຍຕ່າງໆທີ່ກ່ຽວຂ້ອງພ້ອມກັນທຳຄວາມພະ ຍາຍາມ,ໃນກອງປະຊຸມເທື່ອນີ້,ທ່ານໄຈ່ຢຸ້ນ ຜູ່ຊ່ອຍລັດຖະມົນຕີກະຊວງການຕ່າງປະເທດຈີນກ່າວວ່າ,ຈີນມີທ່າທີໃຫ້ດຳເນີນການຮ່ວມມືສາກົນກ່ຽວກັບບັນຫາອີຣັກຢ່າງກວ້າງຂວາງ,ສົ່ງເສີນໃຫ້ອີຣັກກັບປະເທດອ້ອມຂ້າງສ້າງການພົວພັນເປັນບ້ານໃກ້ເຮືອນຄຽງທີ່ດີຕໍ່ກັນທີ່ໄວ້ເນື້ອເຊື່ອໃຈກັນແລະຕ່າງຝ່າຍຕ່າງມີຜົນປະໂຫຍດພ.ທ່ານໄຈ່ຢຸ້ນຍັງກ່າວວ່າ,ຈີນພວມຈັດຕັ້ງປະຕິບັດການສະຫນອງໃຫ້ການຊ່ອຍເຫຼືອແບບມະນຸດສະທຳແລະອົບຮົມພະນັກງານໃຫ້ແກ່ອີຣັກ
ຫຼັງຈາກໄດ້ຈັດກອງປະຊຸມເປີດກວ້າງລັດຖະມົນຕີການຕ່າງປະເທດຂອງປະເທດອ້ອມຂ້າງອີຣັກເທື່ອທີ 2 ຈັດຂຶ້ນຢູ່ອິສຕານບູນໃນເດືອນພະຈິກປີກາຍນີ້ແລ້ວ, ສະພາບການຄວາມປອດໄພຂອງອີຣັກໄດ້ດີຂຶ້ນ, ຈຳນວນທະຫານອາເມລິກາແລະປະຊາຊົນອີຣັກທີ່ເສຍຊີວິດກໍ່ຫຼຸດລົງ. ກ່ອນໜ້ານີ້, ລັດຖະບານມາລີກີ ໄດ້ດຳເນີນການໂຈມຕີທາງການທະຫານຢ່າງຂະໜາດໃຫຍ່ຕໍ່ "ທະຫານເມດີ" ທີ່ເປັນກຳລັງປະກອບອາວຸດຂອງທະຫານລາດນິກາຍຊີອະອີຣັກ, ແລະໄດ້ຮັບຜົນສ່ວນໜຶ່ງ. ກ່ອນຈະໄປເຂົ້າຮ່ວມກອງປະຊຸມເປີດກວ້າງລັດຖະມົນຕີການຕ່າງປະເທດຂອງປະເທດອ້ອມຂ້າງອີຣັກເທື່ອນີ້, ນາງໄລສ ລັດຖະມົນຕີວ່າການກະຊວງການຕ່າງປະເທດອາເມລິກາໄດ້ໄປຢ້ຽມຢາມແບັກແດັດເປັນພິເສດ, ແລະໄດ້ເປິກສາຫາລືກັບຜູ້ນຳອີຣັກກ່ຽວກັບບັນຫາທີ່ກ່ຽວຂ້ອງ. ໃນກອງປະຊຸມເທື່ອນີ້, ທ່ານມາລິກີໄດ້ສະເໜີຄວາມຮຽກຮ້ອງຕົວຈິງຫຼາຍຢ່າງຕໍ່ປະເທດອ້ອມຂ້າງ, ໃນນັ້ນ, ຕົ້ນຕໍມີ 2 ຂໍ້, ຄື, ຮຽກຮ້ອງໃຫ້ປະເທດອາຣັບແຕ່ງຕັ້ງເອກອັກຄະລັດຖະທູດໄປປະຈຳອີຣັກໂດຍໄວ, ແລະຫຼຸດຫຼືຍົກເວັ້ນໜີ້ສິນຂອງອີຣັກ. ນອກນີ້, ທ່ານມາລີກີຍັງຮຽກຮ້ອງໃຫ້ປະເທດອ້ອມຂ້າງເພີ່ມທະວີມາດຕະການຄວາມປອດໄພຢູ່ເຂດຊາຍແດນທີ່ຕິດກັບອີຣັກ, ຫຼຸດຜ່ອນການເຄື່ອນໄຫວກໍ່ການຮ້າຍ, ຂັດຂວາງບໍ່ໃຫ້ພວກຫົວຮຸນແຮງສວຍໃຊ້ປະເທດອ້ອມຂ້າງທຳຮ້າຍຄົນອີຣັກ
|
|
|
