|
ໃນໄລຍະມໍ່ໆມານີ້, ລາຄາທັນຍາຫານແພງຂຶ້ນຢ່າງສືບເນື່ອງໄດ້ເຮັດໃຫ້ປະຊາຄົມໂລກເປັນຫ່ວງນຳຄວາມປອດໄພດ້ານທັນຍາຫານ, "ວິກິດການດ້ານທັນຍາຫານ"ໄດ້ກາຍເປັນຫົວຂໍ້ທີ່ມວນຊົນລົມກັນເລື່ອງໆ. ລາຄາທັນຍາຫານແລະລາຄານ້ຳມັນໄດ້ກາຍເປັນຈຸດສຸມທີ່ປະຊາຄົມໂລກສົນໃຈກວ່າໝູ່, ບາງອົງການຈັດຕັ້ງສາກົນມີຄວາມເຫັນໃນແງ່ລົບວ່າວິກິດການດ້ານທັນຍາຫານຂອງໂລກໄດ້ປະກົດຂຶ້ນແລ້ວ. ຕໍ່ເລື່ອງນີ້, ທ່ານອັບດູເລຈາ ອັບບາຊີນ ຜູ້ຊ່ຽວຊານກົມໃຫຍ່ການຄ້າແລະຕະຫຼາດຂອງອົງການອາຫານແລະກະເສດຂອງສະຫະປະຊາຊາດຫຼື"ຟາວ"ໄດ້ມີຄວາມເຫັນທີ່ຕ່າງກັນ.ທ່ານ ອັບດູເລຈາ ອັບບາຊີນ ເວົ້າຕໍ່ນັກຂ່າວCRIປະຈຳອີຕາລີວ່າ, ພວກເຮົາໄດ້ຢູ່ໃນວິກິດການທັນຍາຫານຂອງໂລກແລ້ວຫຼືບໍ່? ຖ້າທຽບກັບການອຶດຫິວຂອງໂລກ
ໃນປີ 1973ແລ້ວ, ສະພາບໃນປັດຈຸບັນບໍ່ໄດ້ປະກົດມີວິກິດການດ້ານທັນຍາຫານຂອງໂລກ. ຍ້ອນວ່າ ໃນປີ 1973, ເຖິງວ່າຢາກຊື້ທັນຍາຫານກໍ່ບໍ່ມີໃຫ້ຊື້. ແຕ່ສັງເກດໃນດ້ານການສະໜອງແລ້ວ, ປັດຈຸບັນ, ພວກເຮົາມີທັນຍາຫານຢ່າງພຽງພໍ.
ສຳລັບສາເຫດທີ່ລາຄາອາຫານໄດ້ຖີບສູງຂື້ນຢ່າງຕໍ່ເນື່ອງໃນໄລຍະມໍ່ໆນີ້,ທ່ານອັບໂດຣິຊາ ອັບບັດຊຽນເຫັນວ່າ,ຫນ້າທີ່ຮັບຜິດຊອບຕົ້ນຕໍແມ່ນຍ້ອນໄພພິບັດອາກາດໄດ້ເຮັດໃຫ້ຜົນຜະລິດຂອງປະເທດທີ່ສົ່ງອອກອາຫານ ຫຼຸດຫນ້ອຍລົງແລະ ອາຫານທີ່ແຮໄວ້ໃນໂລກບໍ່ພຽງພໍ.ນອກນີ້,ລາຄານ້ຳມັນເຊື້ອໄຟທີ່ສູງແມ່ນປັດໄຈອັນສຳຄັນທີ່ກະທົບກະເທືອນເຖິງຕົ້ນທຶນການຜະລິດແລະລາຄາການຂົນສົ່ງຂອງອາຫານ,ສະພາບການອັນບໍ່ດີໃນຕະຫຼາດໄດ້ມີປັດໄຈຫຼາຍຢ່າງເຊັ່ນ: ຈາກດິນຟ້າ ອາກາດຈົນຮອດເງິນໂດລາສະຫະລັດອ່ອນຄ່າ,ລາຄານ້ຳມັນເຊື້ອໄຟແລະຕະຫຼາດການເງິນອັນບໍ່ຫມັ້ນທ່ຽງ.ປັດໄຈເຫຼົ່ານີ້ບໍ່ໄດ້ພົວ ພັນກັບລາຄາສະບຽງອາຫານໂດຍກົງ,ແຕ່ວ່າພັດເຮັດໃຫ້ສະພາບການໃນປະຈຸບັນສັບສົນທີ່ສຸດ.ພາໃຫ້ລາຄາສະບຽງອາຫານບໍ່ຫມັ້ນທ່ຽງ.
ຫາງສຽງຈຳນວນຫນຶ່ງເຫັນວ່າ,ການປູກຝັງພືດກະສິກຳທີ່ໃຊ້ເຂົ້າໃນ ການຜະລິດພະລັງງານຊີວະພາບຢ່າງຂະຫນາດໃຫຍ່ແມ່ນສາເຫດອັນ ສຳຄັນທີ່ສຸດທີ່ເຮັດໃຫ້ລາຄາສະບຽງອາຫານສູງຂຶ້ນ.ທ່ານອັບບັດຊຽນກໍມີທັດສະນະທີ່ຕ່າງກັນກັບບັນຫາດັ່ງກ່າວ,ທ່ານເຫັນວ່ານີ້ແມ່ນປັດໄຈອັນສຳຄັນທີ່ເຮັດໃຫ້ລາຄາສະບຽງອາຫານສູງຂື້ນໃນປີນີ້,ແຕ່ວ່າມັນບໍ່ແມ່ນສາເຫດອັນຕົ້ນຕໍເທົ່ານັ້ນ,ທ່ານອັບບັດຊຽນຍັງບໍ່ເຫັນດີຄຳເວົ້າທີ່ວ່າອົງການເສດຖະກິດທີ່ຈະເລີນໃຫມ່ເຊັ່ນຈີນແລະອິນເດຍນຳເຂົ້າອາຫານຢ່າງຫຼວງຫຼາຍຈຶ່ງເຮັດໃຫ້ລາຄາສະບຽງອາຫານສູງຂຶ້ນ.
ສະນັ້ນ,ຈິ່ງໄດ້ຕີລາຄາສູງຕໍ່ນະໂຍບາຍຕ່າງໆຂອງລັດຖະບານທີ່ວາງອອກເພື່ອຮັບປະກັນຄວາມປອດໄພຂອງທັນຍາຫານ, ທ່ານກ່າວວ່າ,"ຂ້າພະເຈົ້າເຫັນວ່າ,ຈົນຮອດປັດຈຸບັນ ນະໂຍບາຍກະສິກຳຂອງຈີນແມ່ນດີໂດຍຕະຫຼອດ. ໃນດ້ານຊຸກຍູ້ການຜະລິດ, ພະຍາຍາມບັນລຸການເພິ່ງຕົນເອງ,ຮັບມືກັບບັນຫານ້ຳ ແລະ ທີ່ດິນ,ພ້ອມທັງນະໂຍບາຍຕໍ່ຄວາມຕ້ອງການຜັກເພິ່ມຂຶ້ນເປັນຕົ້ນ, ຈີນລ້ວນແຕ່ໄດ້ຮັບຜົນງານອັນດີງາມ. ປີນີ້, ລັດຖະບານຈີນໄດ້ຍົກລາຄາຊື້ທະຍາຫານໃຫ້ສູງຂຶ້ນ,ສົ່ງເສີມຊາວກະສິກຳເພິ່ມການຜະລິດ,ທັງໝົດເຫຼົ່ານີ້ລ້ວນແຕ່ມີບົດບາດອັນຕັ້ງໜ້າ."
ປັດຈຸບັນ,ບັນຫາທີ່ຄົນທັງຫຼາຍສົນໃຈທີ່ສຸດແມ່ນລາຄາທັນຍາຫານຈະຕ່ຳລົງໃນເວລາໃດ. ທ່ານອັບບາຊຽນເຫັນວ່າ,ອີງຕາມການຄາດຄະເນຂອງອົງການFAO,ການຜະລິດທັນຍາຫານໃນປີນີ້ຈະເພິ່ມຫຼາຍຂຶ້ນ. ຖ້າວ່າທຸກສິ່ງດຳເນີນໄປຢ່າງສະດວກ, ລາຄາທັນຍາຫານຈະຕ່ຳລົງໃນລະດູຮ້ອນຂອງປີນີ້. ແຕ່ວ່າ,ອາດຈະຕ່ຳລົງຢ່າງຫຼວງຫຼາຍບໍ່ໄດ້, ການຂຶ້ນລົງຂອງລາຄາອາດຈະສືບເນື່ອງໄປຮອດປີ2009.
|
