|
|
 |
| (GMT+08:00)
2008-05-26 15:46:13
|
 |
|
ປະຊາຄົມໂລກສະໜອງການຊ່ອຍເຫຼືອໃຫ້ມຽນມາຕື່ມອີກ
cri
ຕາມຂ່າວcri:ວັນທີ25ພຶດສະພານີ້,ຢູ່ຢາງກຸງ, ອາຊຽນກັບສະຫະປະຊາຊາດໄດ້ຈັດກອງປະຊຸມສາກົນເພື່ອບໍລິຈາກເງິນຊ່ວຍເຫຼືອມຽນມາທີ່ປະສົບລົມພາຍຸຮ໊າຍແຮງ,ປະຊາຄົມໂລກໃຫ້ຄຳໝັ້ນສັນຍາຈະຊ່ອຍເຫຼືອມຽນມາກູ້ໄພແລະສ້າງສາຄືນໃໝ່ຫຼັງໄພພິບັດຕື່ມອີກກ
ຜູ່ແທນ500ກວ່າຄົນມາຈາກ52ປະເທດໄດ້ເຂົ້າຮ່ວມ"ກອງປະຊຸມບໍລິຈາກເງິນ"ສາກົນຄັ້ງນີ້.ກ່ອນອື່ນ,ຜູ່ແທນທີ່ເຂົ້າຮ່ວມກອງປະຊຸມໄດ້ຢືນກົ້ມຫົວ1ນາທີໄວ້ອາໄລເຖິງຜູ້ເສຍຊີວິດໃນໄພລົມພາຍຸເທື່ອນີ້.ອີງຕາມຂ່າວສະພາບໄພພາຍຸຫຼ້າສຸດທີ່ລັດຖະບານມຽນມາປະກາດ,ລົມພາຍຸ"ນາກີສ"ທີ່ພັດຖະຫຼົ່ມມຽນມາໃນວັນທີ2 ຫາວັນທີ3ພຶດສະພານີ້ໄດ້ເຮັດໃຫ້1ແສນ3ໝື່ນກວ່າຄົນເສຍຊີວິດຫຼືຫາຍສາບສູນ,ພ້ອມທັງພາໃຫ້ເສຍຫາຍທາງເສດຖະກິດເຖິງ11ຕື້ໂດລາ.
ໃນກອງປະຊຸມ,ທ່ານບັນກີມູນ ເລຂາທິການໃຫຍ່ສະຫະປະຊາຊາດທີ່ເຄີຍໄປມຽນມາ2ເທື່ອແຕ່ວັນທີ22 ພຶດສະພານີ້ຮຽກຮ້ອງໃຫ້ປະຊາຄົມໂລກທີ່ບໍລິຈາກເງິນຢ່າງຕັ້ງໜ້າ.ທ່ານບັນກີມູນກ່າວວ່າ,ລົມພາຍຸຮ້າຍແຮງພັດໂຈມຕີເຂດສາມຫ່ຽມແມ່ນ້ຳອີລາວາດີມຽນມາ, ໄດ້ທຸບຖ້ວຍເຂົ້າຂອງປະຊາຊົນມຽນມາຖິ້ມ.ບໍ່ມີປະເທດໃດທີ່ສາມາດແກ້ໄຂຄວາມຫຍຸ້ງຍາກຍ້ອນປະສົບໄພທຳມະຊາດອັນໜັກໜ່ວງນີ້ໂດຍຕົນເອງໄດ້.
ໃນຄຳປາໄສ,ທ່ານຢາງເຈຍຊີ ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ,ເຖິງວ່າການກູ້ໄພແຜ່ນດິນໄຫວຂອງຈີນຍັງຢູ່ໄລຍະຂ້ຽວຂາດ,ແຕ່ວ່າເພື່ອຊ່ອຍເຫຼືອປະຊາຊົນມຽນມາທີ່ປະສົບໄພອັນຕະລາຍຜ່ານຜ່າຄວາມຫຍຸ້ງຍາກນັ້ນ,ລັດຖະບານຈີນໄດ້ຕົກລົງເພີ່ມເງິນບໍລິຈາກດ່ວນອີກ10ລ້ານໂດລາ, ຊຶ່ງກ່ອນໜ້ານີ້ກໍ່ໄດ້ບໍລິຈາກໄປແລ້ວ1ລ້ານໂດລາ.
ທ່ານຢາງເຈຍຊີກ່າວເນັ້ນວ່າ,ການກູ້ໄພແລະສ້າງສາຄືນໃໝ່ແມ່ນວຽກມະນຸດສະທຳ, ຈີນບໍ່ເຫັນດີໃຫ້ເອົາບັນຫາກູ້ໄພຫັນເປັນບັນຫາການເມືອງ.
ໃນກອງປະຊຸມມື້ດຽວກັນ ປະເທດຕ່າງໆໄດ້ໃຫ້ຄຳໝັ້ນສັນຍາຈະຊ່ອຍເຫຼືອໃໝ່.ສະຫະພາບເອີລົບໄດ້ບໍລິຈາກອີກ26ລ້ານ8ແສນໂດລາບົນພື້ນຖານທີ່ໄດ້ໃຫ້ໄປ72ລ້ານ5ແສນໂດລາ;ອົສຕຼາລີໃຫ້ຄຳໝັ້ນສັນຍາຈະບໍລິຈາກ24ລ້ານໂດລາ;ຟີລິບປິນຈະເພີ່ມມູນຄ່າຊ່ອຍເຫຼືອຂຶ້ນຮອດ20ລ້ານໂດລາ.
ໃນກອງປະຊຸມ,ທ່ານເຊກົດ ມາຊີວ ຜູ່ຕາງໜ້າລັດຖະບານອາເມລິກາທັງເປັນລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາກ່າວວ່າ,ອາເມລິກາຈະເພີ່ມເງິນບໍລິຈາກໃຫ້ອີກບົນພື້ນຖາທີ່ໄດ້ບໍລິຈາກໄປແລ້ວ20ລ້ານ5ແສນໂດລາ,ແຕ່ວ່າເງື່ອນໄຂເບື້ອງຕົ້ນແມ່ນ,ມຽນມາຕ້ອງອະນຸຍາດໃຫ້ຜູ່ຊ່ຽວຊານສາກົນໄປສຳຫຼວດເຂດປະສົບໄພຢ່າງຮອບດ້ານເພື່ອຕົກລົງຈະຊ່ອຍເຫຼືອແນວໃດ, ຈິ່ງດີກວ່າເກົ່າ.ເຈົ້າໜ້າທີ່ການທູດຂອງອົສຕຼາລີ,ດານມາກ,ໂຮນລັງ,ຊູແອດແລະເຢຍລະມັນກໍລ້ວນແຕ່ກວ່າວວ່າ,ມຽນມາຕ້ອງໄຂປະຕູຢ່າງຮອບດ້ານໃຫ້ພະນັກງານກູ້ໄພສາກົນເຂົ້າໄປຊ່ວຍເຫຼືອ.
ໃນກອງປະຊຸມ,ພົນເອກເທນເຊນ ນາຍົກລັດຖະມົນຕີມຽນມາກ່າວວ່າ,ມຽນມາຍິນດີຮັບເອົາການຊ່ອຍເຫຼືອຂອງສາກົນທີ່ບໍ່ມີເງື່ອນໄຂໃດໆແອບແຝງ ,ທ່ານກ່າວວ່າ, ປະຈຸບັນ,ໄດ້ມີເຄື່ອງຊ່ວຍເຫຼືອດ້ານມະນຸດສະທຳຂອງຕ່າງປະເທດ3200ໂຕນສົ່ງເຂົ້າມຽນມາແລ້ວ,ພ້ອມກັນນັ້ນ,ທ່ານກໍໄດ້ສະເໜີບັນຊີວັດຖຸສິ່ງຂອງທີ່ມຽນມາຕ້ອງການດ່ວນໃນປັດຈຸບັນ,ລວມທັງບ່ອນພັກຊົ່ວຄາວ,ແນວເຂົ້າ,ຝຸ່ນເຄມີແລະເຮືອຫາປາເປັນຕົ້ນ.
ໃນເວລາກອງປະຊຸມສິ້ນສຸດລົງ,ສະຫະປະຊາຊາດແລະອາຊຽນໄດ້ປະກາດຄຳຖະແຫຼງການຂອງປະທານ.ອີງຕາມການສະຫຼຸບນີ້,ກອງປະຊຸມສະໜັບສະໜູນການຕົກລົງຂອງກອງປະຊຸມພິເສດລັດຖະມົນຕີວ່າການກະຊວງການຕ່າງປະເທດອາຊຽນທີ່ຈັດຂຶ້ນຢູ່ສິງກະໂປໃນວັນທີ19 ພຶດສະພານີ້,ຄືສ້າງຕັ້ງກົນໄກປະສານງານທີ່ມີອາຊຽນນຳທາງ.
|
|
|
