|
ວັນທີ 1 ມິຖຸນານີ້, ກອງປະຊຸມຄວາມໝັ້ນຄົງອາຊີຄັ້ງທີ 7 ທີ່ເອີ້ນວ່າ"ການສົນທະນາຊັງກຼີລາ"ໄດ້ອັດລົງຢູ່ສີງກະໂປ. ໃນໄລຍະປະຊຸມທີ່ດຳເນີນເປັນເວລາ 3 ມື້, ຜູ້ແທນທີ່ມາຈາກ 27 ປະເທດແລະເຂດແຄວ້ນຂອງອາຊີປາຊີຟິກໄດ້ແລກປ່ຽນແລະຫາລືກ່ຽວກັບຫົວຂໍ້ການທ້າທາຍ ແລະການຕ້ານການກໍ່ການຮ້າຍ ການປ່ຽນແປງຂອງດິນຟ້າອາກາດແລະກົນໄກຄວາມໝັ້ນຄົງທີ່ອາຊີປາຊີຟິກພວມປະເຊີນ. ພົນອາກາດໂທໝາສ້ຽວທ່ຽນ ຮອງເສນາທິການສູງສຸດກອງທັບປົດປ່ອຍປະຊາຊົນຈີນ ກ່າວວ່າ, ປັດຈຸບັນ, ສະຖານະການຄວາມປອດໄພໃນພາກພື້ນອາຊີປາຊີຟິກໂດຍລວມຍັງດີຢູ່, ແຕ່ຍັງປະເຊີນກັບການທ້າທາຍດ້ານຄວາມໝັ້ນຄົງຈຳນວນໜຶ່ງ. ສິ່ງທີ່ໜ້າສົນໃຈເປັນພິເສດແມ່ນ, ການເປີດກວ້າງພັນທະມິດທາງການທະຫານ, ສ້າງແລະເປີດກວ້າງລະບົບຕ້ານລູກສອນໄຟນຳວິຖີແລະບັນຫາແຜ່ຜາຍອາວຸດນີວເຄຼຍເປັນຕົ້ນທີ່ໄດ້ສ້າງປັດໄຈບໍ່ໝັ້ນທ່ຽງຕໍ່ຄວາມໝັ້ນຄົງຂອງພາກພື້ນກໍຄືຂອງໂລກ. ຈີນມີຈຸດປະສົງຢາກບັນລຸຄວາມໝັ້ນຄົງທົ່ວໄປຂອງປະຊາຄົມໂລກ, ຄັດຄ້ານເອົາຄວາມໝັ້ນຄົງຂອງປະເທດໃດໜຶ່ງເປັນກຳງເພື່ອຮັບປະກັນຄວາມໝັ້ນຄົງຂອງຕົນ.
ທ່ານຊີເກລຸ ອີຊີບາ ລັດຖະມົນຕີວ່າການກະຊວງປ້ອງກັນປະເທດຍີ່ປຸ່ນກ່າວວ່າ, ພາຍຫຼັງສົງຄາມເຢັນສິ້ນສຸດລົງ, ໄພຂົ່ມຂູ່ທີ່ແອບແຝງໃນໄລຍະສົງຄາມເຢັນເລີ່ມສະແດງອອກມາ. ໂດຍສະເພາະແມ່ນລັດທິກໍ່ການຮ້າຍ. ສະນັ້ນ, ຍີ່ປຸ່ນຈະເພີ່ມທະວີການສົນທະນາກັບປະເທດໃກ້ຄຽງໃນຂົງເຂດຄວາມມັ້ນຄົງ, ແລະຮັດແໜ້ນການພົວພັນພັນທະມິດຄວາມໝັ້ນຄົງກັບອາເມລິກາ.
ທ່ານລີຊັງຮີ ລັດຖະມົນຕີວ່າການກະຊວງປ້ອງກັນປະເທດສ.ເກົາຫຼີກ່າວວ່າ, ສ.ເກົາຫຼີຈະຍົກສູງຄວາມສາມາດທາງການທະຫານຢ່າງບໍ່ຢຸດຢັ້ງ, ເພື່ອເໝາະກັບການປ່ຽນແປງຢ່າງວ່ອງໄວຂອງສະຖານະການຄວາມໝັ້ນຄົງໂລກ.
ທ່ານນາຈິບ ທັນ ຣາຈັກ ຮອງນາຍົກລັດຖະມົນຕີມາເລເຊຍກ່າວວ່າ, ສະພາບຄວາມສັບສົນທີ່ລວມທັງເຫດການກໃຊ້ຄວາມຮຸນແຮງ, ການປະທະກັນແລະໄພທຳມະຊາດທີ່ມາຈາກພາຍໃນແລະຕ່າງປະເທດ. "ສູນຕ້ານໄພທຳມະຊາດແລະຊ່ວຍເຫຼືອດ້ານມະນຸດສະທຂອງຳອາຊຽນ"ທີ່ສ້າງຕັ້ງຂຶ້ນຢູ່ຈາກາກຕາຂອງອິນໂດເນເຊຍຈະເລີ່ມເຮັດວຽກຢ່າງເປັນທາງການໃນທ້າຍປີນີ້, ຈະມີຜົນດີຕໍ່ການເພີ່ມທະວີການຮ່ວມມືລະຫວ່າງປະເທດໃນພາກພື້ນນີ້ກັບອົງການຈັດຕັ້ງທີ່ກ່ຽວຂ້ອງຂອງສະຫະປະຊາຊາດແລະອົງການສາກົນທີ່ກ່ຽວຂ້ອງ.
ທ່ານເທຊີເຮນ ລັດຖະມົນຕີວ່າການກະຊວງປ້ອງກັນປະເທດສີງກະໂປກ່າວວ່າ, ຄວນສ້າງຕົວແບບຂອງການຮ່ວມມືຄວາມໝັ້ນຄົງຫຼາຍປະເພດເພື່ອຍົກສູງຄວາມໝັ້ນຄົງພາກພື້ນ. ຍ້ອນວ່າໄພຂົ່ມຂູດ້ານຄວາມໝັ້ນຄົງທີ່ປະເທດທັງຫຼາຍພວມປະເຊີນນັ້ນແມ່ນມາຈາກທຸກດ້ານ, ບໍ່ພຽງແຕ່ມີບັນຫາຄວາມປອດໄພດ້ານພະລັງງານ ສະບຽງອາຫານແລະນ້ຳເທົ່ານັ້ນ, ຍັງມີບັນຫາພະຍາດຕິດແປດລັດທິກໍ່ການຮ້າຍ ການຊ່ອຍເຫຼືອມະນຸດສະທຳແລະການກູ້ໄພທຳມະຊາດເປັນຕົ້ນ. ມຽນມາປະສົບໄພລົມພາຍຸຮຸນແຮງ, ແຂວງເສສວນຈີນປະສົບໄພແຜ່ນດິນໄຫວຮຸນແຮງເຮັດໃຫ້ຄົນທັງຫຼາຍຮັບຮູ້ຄວາມສຳຄັນຂອງການຮ່ວມມືສາກົນໃນເວລາຮັບມືກັບໄພທຳມະຊາດຂະໜາດໃຫຍ່.
|
