ບຸນຊົງຢາງ——ບຸນຜູ້ເຖົ້າຂອງຈີນ
(GMT+08:00) 2008-10-10 16:50:53 cri
-----------------------------------------------------------------------------------------------------------------
-----------------------------------------------------------------------------------------------------------------
ວັນທີ 7 ຕຸລານີ້ແມ່ນກົງກັບເດືອນເກົ້າອອກໃໝ່ 9 ຄ່ຳຈັນທະຄະຕິຈີນ,ວັນນີ້ແມ່ນບຸນຊົງຢາງຄືບຸນຜູ້ເຖົ້າຂອງຈີນ.ເຊັ່ນດຽວກັນກັບບຸນປະເພນີອື່ນໆຂອງຈີນ,ບຸນຜູ້ເຖົ້າຈີນກໍ່ມີຄວາມເປັນມາແລະມີຮີດຄອງປະເພນີຕ່າງໆຄືກັບບຸນຕ່າງໆ.
ຕາມການບັນທຶກໃນປະຫວັດສາດ,ເມື່ອ 2500 ປີກ່ອນ,ຈີນກໍ່ໄດ້ມີຄຳເວົ້າທີ່ວ່າ"ຊົງຢາງ".ຄົນຈີນສະໄໝບູຮານແບ່ງສັບພະສິ່ງໃນຈັກກະວານເປັນສອງປະເພດຄືປະເພດລົບກັບປະເພດບວກ,ປະເພດລົບໝາຍເຖິງຄວາມມືດມົນແລະຄວາມໜາວ,ປະເພດບວກໝາຍເຖິງຄວາມສະຫວ່າງແລະພະລັງຊີວິດ.ເວົ້າໃນດ້ານຕົວເລກແລ້ວ,ຄົນຈີນສະໄໝບູຮານຖືເລກຄີກເປັນເລກບວກ,ຖືເລກຄູ່ເປັນເລກລົບ. 9 ແມ່ນເລກທີ່ໃຫຍ່ກວ່າໝູ່ໃນເລກຄີກ,ໃນພາສາຈີນ,ເດືອນເກົ້າອອກໃໝ່ 9 ຄ່ຳ,ພາສາຈີນເວົ້າວ່າ"ຈີວຈີວ", ອອກສຽງດຽວກັນກັບ"ຈີວຈີວ"ທີ່ມີຄວາມໝາຍວ່າດົນນານ ຍາວນານ ຍືນຍາວ,ສະນັ້ນ,ປະຊາຊົນຈຶ່ງໄດ້ຖືເດືອນເກົ້າອອກໃໝ່ 9 ຄ່ຳເປັນວັນບຸນ.ເມື່ອຄ.ສ.ສັດຕະວັດທີ 3,ສົມເດັດຊາວພີ ເຈົ້າຊີວິດລາດຊະວົງເວີ້ຍໄດ້ຂຽນໃນບົດຄວາມບົດໜຶ່ງວ່າ:"ເກົ້າແມ່ນເລກບວກ,ເດືອນເກົ້າ 9 ຄ່ຳ,ຊື່ນີ້ດີຫຼາຍ,ຍັງໝາຍຄວາມວ່າຍາວນານ,ສະນັ້ນ,ຄົນທັງຫຼາຍຄວນຈັດງານລ້ຽງທີ່ໃຫຍ່ໂຕມະໂຫລານເພື່ອສະເຫຼີມສະຫຼອງນຳກັນ".ກ່ອນນີ້,ຄື,ກ່ອນແລະຫຼັງສະໄໝລາດຊະວົງຮ້ານ,ກໍ່ໄດ້ມີຄຳວ່າ:ເດືອນເກົ້າອອກໃໝ່ 9 ຄ່ຳ,ໄປປີນພູຂັບໄລ່ຜີສາງລາງຮ້າຍແລະຫຼີກລຽງຄວາມຊົ່ວຮ້າຍ.
ຕາມເລົ່າລືກັນວ່າ,ໃນລາດຊະວົງຮ້ານ,ມີຜີຮ່າໂຕໜຶ່ງ,ເມື່ອມັນອອກມາເທື່ອໃດ,ກໍ່ຈະເຮັດໃຫ້ເມືອງມະນຸດເກີດພະຍາດຮ່າລະບາດຢ່າງຮ້າຍແຮງ.ມີຊາວໜຸ່ມຜູ້ໜຶ່ງຊື່ວ່າ"ເຮິງຈີງ",ພໍ່ແມ່ຂອງລາວກໍ່ໄດ້ເສຍຊີວິດຍ້ອນໂຣກຮ່າລະບາດ,ລາວເອງກໍ່ເກືອບຕາຍ.ພາຍຫຼັງມາລາວໄດ້ປົວຫາຍ,ແລ້ວຕັດສິນໃຈຈະຂ້າຜີຮ່າເພື່ອປະຊາຊົນ.ທ້າວເຮິງຈີງໄດ້ໄປຊອກຮຽນວິຊາກັບອາຈານ,ລາວບໍ່ຢ້ານຄວາມລຳບາກແລະຄວາມອັນຕະລາຍ,ບໍ່ຢ້ານທາງໄກ,ພາຍໃຕ້ການຊີ້ນຳຂອງນົກຂຽນ,ລາວໄດ້ຊອກພົບເທວະດາທີ່ມີລິດເດດມະຫາສານຢູ່ເທິງພູເກົ່າແກ່ກວ່າໝູ່ຢູ່ທິດຕາເວັນອອກແລ້ວ,ໄດ້ຂໍເປັນລູກສິດນຳເທວະດາ,ພະຍາຍາມຮຽນປັນຍາປາບພວກມານ.
ມື້ໜຶ່ງ,ເທວະດາໄດ້ບອກທ້າວເຮິງຈີງວ່າ:"ມື້ອື່ນແມ່ນເດືອນເກົ້າອອກໃໝ່ 9 ຄ່ຳ,ຜີຮ່າຈະອອກມາທຳຮ້າຍປະຊາຊົນອີກ,ເຈົ້າໄດ້ຮຽນສຳເລັດວິຊາປາບຜີມານແລ້ວ,ຄວນກັບເມືອປາບມານຮ້າຍປເພື່ອຊີວິດະຊາຊົນ".ກ່ອນຈະຈາກໄປ,ເທວະດາໄດ້ມອບໃບຈູຢູແລະເຫຼົ້າດອກເບັນຈະມາດໃຫ້ທ້າວເຮິງຈີງ,ແລະສອນວິທີໃຊ້ໃຫ້,ແລ້ວບອກໃຫ້ທ້າວເຮິງຈີງຂີ່ນົກຂຽນກັບບ້ານໂດຍໄວ.
ທ້າວເຮິງຈີງກັບຄືນບ້ານເກີດໃນຕອນເຊົ້າຂອງເດືອນເກົ້າອອກໃໝ່ 9 ຄ່ຳ,ຕາມເທວະດາສັ່ງໄວ້ວ່າ,ໃຫ້ລາວພາພໍ່ແມ່ປະຊາຊົນໄປປີນຂຶ້ນພູໜ່ວຍໜຶ່ງທີ່ຢູ່ໃກ້ບ້ານ,ແລ້ວແຈກຢາຍໃບຈູຢູໃບໜຶ່ງແລະເຫຼົ້າດອກເບັນຈະມາດຈອກໜຶ່ງໃຫ້ແຕ່ລະຄົນ,ກຽມປາບຜີຮ່າ.ພໍຮອດຕອນທ່ຽງ,ກໍມີສຽງຮ້ອງທີ່ປະຫຼາດດັງຂຶ້ນ,ຜີຮ່າໂຕນນັ້ນກໍ່ປະກົດຕົວທັນທີ,ມັນອອກມາຊອກຫາມະນຸດ,ຫາກໍ່ແລ່ນລົງຮອດຕີນພູ,ມັນກໍ່ໄດ້ດົມກິ່ນຫອມພິເສດຂອງໃບຈູຢູແລະກິ່ນເຫຼົ້າດອກເບັນຈະມາດພັດມາໃສ່,ມັນກໍ່ຢຸດຈຶກໃນທັນທີ,ໜ້າຫຼ່າໃນທັນໃດ,ໃນຂະນະນີ້,ທ້າວເຮິງຈີງຖືດາບວິເສດໄລ່ລົງມາຕີນພູ,ລົບເລວກັນບໍ່ພໍທໍ່ໃດ,ທ້າວເຮິງຈີງກໍ່ແທ່ງຜີຮ່າໃຫ້ຕາຍ.
ນັບແຕ່ນັ້ນມາ,ຮີດຄອງປະເພນີທີ່ພາກັນໄປປີນພູເພື່ອຫຼີກລຽງພະຍາດໃນເດືອນເກົ້າ 9 ຄ່ຳກໍ່ໄດ້ສືບທອດກັນຕະຫຼາດມາ.ເມື່ອຮອດລາດຊະວົງຖາງໃນຄ.ສ.ສັດຕະວັດທີ 7,ກໍ່ໄດ້ກຳນົດບຸນຊົງຢາງເປັນບຸນປະເພນີຢ່າງເປັນທາງການ.ເມື່ອຮອດວັນບຸນດັ່ງກ່າວ,ຄອບຄົວເຕົ້າໂຮມກັນ,ພາກັນໄປທ່ຽວໄປປີນພູ,ເດັດດອກຈູຢູມາປະດັບເຮືອນແລະຊົມດອກເບັນຈະມາດ.
ຄືກັບຮີດຄອງປະເພນີໃນວັນບຸນອື່ນໆຂອງຈີນ,ບຸນຊົງຢາງຫຼືບຸນຜູ້ເຖົ້າກໍ່ມີອາຫານທີ່ສົມຄູ່ກັນ,ວັນນີ້ຕ້ອງດື່ມເຫຼົ້າດອກເບັນຈະມາດ,ກິນເຂົ້າໜົມ"ຊົງຢາງກ່າວ".ເຂົ້າໜົມນີ້ຕ້ອງເຮັດເປັນ 9 ຊັ້ນ,ເວລາກິນຕ້ອງຕັດເປັນຕ່ອນ,ຕ່ອນທຳອິດຕ້ອງເອົາໃຫ້ຜູ້ເຖົ້າກິນກ່ອນ,ອວຍພອນໃຫ້ເພິ່ນ"ອາຍຸໝັ້ນຂວັນຍືນ".ສ່ວນໃນລະດູໃບໄມ້ຫຼົ່ນ,ພໍດີແມ່ນຍາມດອກເບັນຈະມາດບານ,ປີນພູດື່ມເຫຼົ້າດອກເບັນຈະມາດ,ແລະຊົມດອກເບັນຈະມາດ,ເຮັດໃຫ້ຮ່າງກາຍອົບອຸ່ນ.ແຕ່ດຽວນີ້ເຮັດເຂົ້າໜົມຊົງຢາງກ່າວກໍຕ່າງເກົ່າແລ້ວ,ເຮັດແບບໃດກໍໄດ້,ຂໍພຽງແຕ່ໄດ້ກິນເຂົ້າໜົມທີ່ອ່ອນນຸ້ມໃນວັນບຸນດັ່ງກ່າວກໍນັບວ່າເປັນເຂົ້າໜົມຊົງຢາງກ່າວ,ເຫຼົ້າທີ່ດື່ມກໍ່ບໍ່ຈຳເປັນແມ່ນເຫຼົ້າດອກເບັນຈະມາດແລ້ວ,ບາງຄອບຄົວກໍຈະເລືອກເຫຼົ້າທີ່ມີຊື່ສຽງຂອງຈີນຫຼືຂອງຕ່າງປະເທດທີ່ນິຍົມກັນ.
ຍ້ອນວ່າບຸນຜູ້ເຖົ້າກົງກັບຍາມລະດູໃບໄມ້ຫຼົ່ນ,ດອກເບັນຈະມາດບານຢູ່ທຸກແຫ່ງຫົນ,ການເຄື່ອນໄຫວຕ່າງໆຄືດື່ມເຫຼົ້າ ປີນພູແລະສຽບໃບຈູຢູມີຄວາມໝາຍໂຣມັງຕິກແລະເລິກເຊິ່ງ,ສະນັ້ນ,ຕັ້ງແຕ່ສະໄໝບູຮານມາຮອດປະຈຸບັນ,ກາບກອນທີ່ແຕ່ງເພື່ອບຸນຜູ້ເຖົ້າໂດຍສະເພາະມີຫຼາຍຈົນນັບບໍ່ຖ້ວນ,ມີຊື່ສຽງກວ່າໝູ່ກໍ່ແມ່ນກາບກອນທີ່ຊື່ວ່າ《ຄິດຮອດອ້າຍນ້ອງຊ່ານຕົ່ງໃນເດືອນເກົ້າ 9 ຄ່ຳ》ທີ່ແຕ່ງໂດຍທ່ານວາງເວີຍ ນັກກະວີລາດຊະວົງຖາງ.ກາບກອນດັ່ງກ່າວໄດ້ບັນລະຍາຍຮີດຄອງປະເພນີປີນພູແລະປະດັບໃບຈູຢູໃນຍາມບຸນຜູ້ເຖົ້າ,ຍັງໄດ້ບັນລະຍາຍອາລົມທີ່ຄຶດຮອດບ້ານຢ່າງແຮງກ້າຂອງຄົນທີ່ບໍ່ໄດ້ຢູ່ນຳຄອບຄົວ.ໃນພັນກວ່າປີມານີ້,ກາບກອນດັ່ງກ່າວໄດ້ເລົ່າລືກັນຢູ່ຈີນຢ່າງກວ້າງຂວາງ.
ເນື່ອງຈາກວ່າເດືອນເກົ້າອອກໃໝ່ 9 ຄ່ຳຍັງມີຄວາມໝາຍວ່າສຸຂະພາບເຂັ້ມແຂງ ອາຍຸໝັ້ນຂວັນຍືນ,ສະນັ້ນ,ໃນປີ 1989,ລັດຖະບານຈີນໄດ້ກຳນົດເດືອນເກົ້າ 9 ຄ່ຳເປັນວັນຜູ້ເຖົ້າ.ເຖິງວ່າຊາວໜຸ່ມໃນຍຸກປະຈຸບັນດຳລົງຊີວິດຢ່າງເຄັ່ງຮ້ອນ,ແຕ່ເມື່ອຮອດເດືອນເກົ້າ 9 ຄ່ຳ,ຊາວໜຸ່ມທັງຫຼາຍຈະພະຍາຍາມພາຜູ້ເຖົ້າໄປທ່ຽວຊົມທິວທັດທຳມະຊາດ,ຫຼືປີນພູຫັດກາຍ,ມ່ວນຊື່ນນຳກັນກັບຄອບຄົວ.
ຕາມການບັນທຶກໃນປະຫວັດສາດ,ເມື່ອ 2500 ປີກ່ອນ,ຈີນກໍ່ໄດ້ມີຄຳເວົ້າທີ່ວ່າ"ຊົງຢາງ".ຄົນຈີນສະໄໝບູຮານແບ່ງສັບພະສິ່ງໃນຈັກກະວານເປັນສອງປະເພດຄືປະເພດລົບກັບປະເພດບວກ,ປະເພດລົບໝາຍເຖິງຄວາມມືດມົນແລະຄວາມໜາວ,ປະເພດບວກໝາຍເຖິງຄວາມສະຫວ່າງແລະພະລັງຊີວິດ.ເວົ້າໃນດ້ານຕົວເລກແລ້ວ,ຄົນຈີນສະໄໝບູຮານຖືເລກຄີກເປັນເລກບວກ,ຖືເລກຄູ່ເປັນເລກລົບ. 9 ແມ່ນເລກທີ່ໃຫຍ່ກວ່າໝູ່ໃນເລກຄີກ,ໃນພາສາຈີນ,ເດືອນເກົ້າອອກໃໝ່ 9 ຄ່ຳ,ພາສາຈີນເວົ້າວ່າ"ຈີວຈີວ", ອອກສຽງດຽວກັນກັບ"ຈີວຈີວ"ທີ່ມີຄວາມໝາຍວ່າດົນນານ ຍາວນານ ຍືນຍາວ,ສະນັ້ນ,ປະຊາຊົນຈຶ່ງໄດ້ຖືເດືອນເກົ້າອອກໃໝ່ 9 ຄ່ຳເປັນວັນບຸນ.ເມື່ອຄ.ສ.ສັດຕະວັດທີ 3,ສົມເດັດຊາວພີ ເຈົ້າຊີວິດລາດຊະວົງເວີ້ຍໄດ້ຂຽນໃນບົດຄວາມບົດໜຶ່ງວ່າ:"ເກົ້າແມ່ນເລກບວກ,ເດືອນເກົ້າ 9 ຄ່ຳ,ຊື່ນີ້ດີຫຼາຍ,ຍັງໝາຍຄວາມວ່າຍາວນານ,ສະນັ້ນ,ຄົນທັງຫຼາຍຄວນຈັດງານລ້ຽງທີ່ໃຫຍ່ໂຕມະໂຫລານເພື່ອສະເຫຼີມສະຫຼອງນຳກັນ".ກ່ອນນີ້,ຄື,ກ່ອນແລະຫຼັງສະໄໝລາດຊະວົງຮ້ານ,ກໍ່ໄດ້ມີຄຳວ່າ:ເດືອນເກົ້າອອກໃໝ່ 9 ຄ່ຳ,ໄປປີນພູຂັບໄລ່ຜີສາງລາງຮ້າຍແລະຫຼີກລຽງຄວາມຊົ່ວຮ້າຍ.
ຕາມເລົ່າລືກັນວ່າ,ໃນລາດຊະວົງຮ້ານ,ມີຜີຮ່າໂຕໜຶ່ງ,ເມື່ອມັນອອກມາເທື່ອໃດ,ກໍ່ຈະເຮັດໃຫ້ເມືອງມະນຸດເກີດພະຍາດຮ່າລະບາດຢ່າງຮ້າຍແຮງ.ມີຊາວໜຸ່ມຜູ້ໜຶ່ງຊື່ວ່າ"ເຮິງຈີງ",ພໍ່ແມ່ຂອງລາວກໍ່ໄດ້ເສຍຊີວິດຍ້ອນໂຣກຮ່າລະບາດ,ລາວເອງກໍ່ເກືອບຕາຍ.ພາຍຫຼັງມາລາວໄດ້ປົວຫາຍ,ແລ້ວຕັດສິນໃຈຈະຂ້າຜີຮ່າເພື່ອປະຊາຊົນ.ທ້າວເຮິງຈີງໄດ້ໄປຊອກຮຽນວິຊາກັບອາຈານ,ລາວບໍ່ຢ້ານຄວາມລຳບາກແລະຄວາມອັນຕະລາຍ,ບໍ່ຢ້ານທາງໄກ,ພາຍໃຕ້ການຊີ້ນຳຂອງນົກຂຽນ,ລາວໄດ້ຊອກພົບເທວະດາທີ່ມີລິດເດດມະຫາສານຢູ່ເທິງພູເກົ່າແກ່ກວ່າໝູ່ຢູ່ທິດຕາເວັນອອກແລ້ວ,ໄດ້ຂໍເປັນລູກສິດນຳເທວະດາ,ພະຍາຍາມຮຽນປັນຍາປາບພວກມານ.
ມື້ໜຶ່ງ,ເທວະດາໄດ້ບອກທ້າວເຮິງຈີງວ່າ:"ມື້ອື່ນແມ່ນເດືອນເກົ້າອອກໃໝ່ 9 ຄ່ຳ,ຜີຮ່າຈະອອກມາທຳຮ້າຍປະຊາຊົນອີກ,ເຈົ້າໄດ້ຮຽນສຳເລັດວິຊາປາບຜີມານແລ້ວ,ຄວນກັບເມືອປາບມານຮ້າຍປເພື່ອຊີວິດະຊາຊົນ".ກ່ອນຈະຈາກໄປ,ເທວະດາໄດ້ມອບໃບຈູຢູແລະເຫຼົ້າດອກເບັນຈະມາດໃຫ້ທ້າວເຮິງຈີງ,ແລະສອນວິທີໃຊ້ໃຫ້,ແລ້ວບອກໃຫ້ທ້າວເຮິງຈີງຂີ່ນົກຂຽນກັບບ້ານໂດຍໄວ.
ທ້າວເຮິງຈີງກັບຄືນບ້ານເກີດໃນຕອນເຊົ້າຂອງເດືອນເກົ້າອອກໃໝ່ 9 ຄ່ຳ,ຕາມເທວະດາສັ່ງໄວ້ວ່າ,ໃຫ້ລາວພາພໍ່ແມ່ປະຊາຊົນໄປປີນຂຶ້ນພູໜ່ວຍໜຶ່ງທີ່ຢູ່ໃກ້ບ້ານ,ແລ້ວແຈກຢາຍໃບຈູຢູໃບໜຶ່ງແລະເຫຼົ້າດອກເບັນຈະມາດຈອກໜຶ່ງໃຫ້ແຕ່ລະຄົນ,ກຽມປາບຜີຮ່າ.ພໍຮອດຕອນທ່ຽງ,ກໍມີສຽງຮ້ອງທີ່ປະຫຼາດດັງຂຶ້ນ,ຜີຮ່າໂຕນນັ້ນກໍ່ປະກົດຕົວທັນທີ,ມັນອອກມາຊອກຫາມະນຸດ,ຫາກໍ່ແລ່ນລົງຮອດຕີນພູ,ມັນກໍ່ໄດ້ດົມກິ່ນຫອມພິເສດຂອງໃບຈູຢູແລະກິ່ນເຫຼົ້າດອກເບັນຈະມາດພັດມາໃສ່,ມັນກໍ່ຢຸດຈຶກໃນທັນທີ,ໜ້າຫຼ່າໃນທັນໃດ,ໃນຂະນະນີ້,ທ້າວເຮິງຈີງຖືດາບວິເສດໄລ່ລົງມາຕີນພູ,ລົບເລວກັນບໍ່ພໍທໍ່ໃດ,ທ້າວເຮິງຈີງກໍ່ແທ່ງຜີຮ່າໃຫ້ຕາຍ.
ນັບແຕ່ນັ້ນມາ,ຮີດຄອງປະເພນີທີ່ພາກັນໄປປີນພູເພື່ອຫຼີກລຽງພະຍາດໃນເດືອນເກົ້າ 9 ຄ່ຳກໍ່ໄດ້ສືບທອດກັນຕະຫຼາດມາ.ເມື່ອຮອດລາດຊະວົງຖາງໃນຄ.ສ.ສັດຕະວັດທີ 7,ກໍ່ໄດ້ກຳນົດບຸນຊົງຢາງເປັນບຸນປະເພນີຢ່າງເປັນທາງການ.ເມື່ອຮອດວັນບຸນດັ່ງກ່າວ,ຄອບຄົວເຕົ້າໂຮມກັນ,ພາກັນໄປທ່ຽວໄປປີນພູ,ເດັດດອກຈູຢູມາປະດັບເຮືອນແລະຊົມດອກເບັນຈະມາດ.
ຄືກັບຮີດຄອງປະເພນີໃນວັນບຸນອື່ນໆຂອງຈີນ,ບຸນຊົງຢາງຫຼືບຸນຜູ້ເຖົ້າກໍ່ມີອາຫານທີ່ສົມຄູ່ກັນ,ວັນນີ້ຕ້ອງດື່ມເຫຼົ້າດອກເບັນຈະມາດ,ກິນເຂົ້າໜົມ"ຊົງຢາງກ່າວ".ເຂົ້າໜົມນີ້ຕ້ອງເຮັດເປັນ 9 ຊັ້ນ,ເວລາກິນຕ້ອງຕັດເປັນຕ່ອນ,ຕ່ອນທຳອິດຕ້ອງເອົາໃຫ້ຜູ້ເຖົ້າກິນກ່ອນ,ອວຍພອນໃຫ້ເພິ່ນ"ອາຍຸໝັ້ນຂວັນຍືນ".ສ່ວນໃນລະດູໃບໄມ້ຫຼົ່ນ,ພໍດີແມ່ນຍາມດອກເບັນຈະມາດບານ,ປີນພູດື່ມເຫຼົ້າດອກເບັນຈະມາດ,ແລະຊົມດອກເບັນຈະມາດ,ເຮັດໃຫ້ຮ່າງກາຍອົບອຸ່ນ.ແຕ່ດຽວນີ້ເຮັດເຂົ້າໜົມຊົງຢາງກ່າວກໍຕ່າງເກົ່າແລ້ວ,ເຮັດແບບໃດກໍໄດ້,ຂໍພຽງແຕ່ໄດ້ກິນເຂົ້າໜົມທີ່ອ່ອນນຸ້ມໃນວັນບຸນດັ່ງກ່າວກໍນັບວ່າເປັນເຂົ້າໜົມຊົງຢາງກ່າວ,ເຫຼົ້າທີ່ດື່ມກໍ່ບໍ່ຈຳເປັນແມ່ນເຫຼົ້າດອກເບັນຈະມາດແລ້ວ,ບາງຄອບຄົວກໍຈະເລືອກເຫຼົ້າທີ່ມີຊື່ສຽງຂອງຈີນຫຼືຂອງຕ່າງປະເທດທີ່ນິຍົມກັນ.
ຍ້ອນວ່າບຸນຜູ້ເຖົ້າກົງກັບຍາມລະດູໃບໄມ້ຫຼົ່ນ,ດອກເບັນຈະມາດບານຢູ່ທຸກແຫ່ງຫົນ,ການເຄື່ອນໄຫວຕ່າງໆຄືດື່ມເຫຼົ້າ ປີນພູແລະສຽບໃບຈູຢູມີຄວາມໝາຍໂຣມັງຕິກແລະເລິກເຊິ່ງ,ສະນັ້ນ,ຕັ້ງແຕ່ສະໄໝບູຮານມາຮອດປະຈຸບັນ,ກາບກອນທີ່ແຕ່ງເພື່ອບຸນຜູ້ເຖົ້າໂດຍສະເພາະມີຫຼາຍຈົນນັບບໍ່ຖ້ວນ,ມີຊື່ສຽງກວ່າໝູ່ກໍ່ແມ່ນກາບກອນທີ່ຊື່ວ່າ《ຄິດຮອດອ້າຍນ້ອງຊ່ານຕົ່ງໃນເດືອນເກົ້າ 9 ຄ່ຳ》ທີ່ແຕ່ງໂດຍທ່ານວາງເວີຍ ນັກກະວີລາດຊະວົງຖາງ.ກາບກອນດັ່ງກ່າວໄດ້ບັນລະຍາຍຮີດຄອງປະເພນີປີນພູແລະປະດັບໃບຈູຢູໃນຍາມບຸນຜູ້ເຖົ້າ,ຍັງໄດ້ບັນລະຍາຍອາລົມທີ່ຄຶດຮອດບ້ານຢ່າງແຮງກ້າຂອງຄົນທີ່ບໍ່ໄດ້ຢູ່ນຳຄອບຄົວ.ໃນພັນກວ່າປີມານີ້,ກາບກອນດັ່ງກ່າວໄດ້ເລົ່າລືກັນຢູ່ຈີນຢ່າງກວ້າງຂວາງ.
ເນື່ອງຈາກວ່າເດືອນເກົ້າອອກໃໝ່ 9 ຄ່ຳຍັງມີຄວາມໝາຍວ່າສຸຂະພາບເຂັ້ມແຂງ ອາຍຸໝັ້ນຂວັນຍືນ,ສະນັ້ນ,ໃນປີ 1989,ລັດຖະບານຈີນໄດ້ກຳນົດເດືອນເກົ້າ 9 ຄ່ຳເປັນວັນຜູ້ເຖົ້າ.ເຖິງວ່າຊາວໜຸ່ມໃນຍຸກປະຈຸບັນດຳລົງຊີວິດຢ່າງເຄັ່ງຮ້ອນ,ແຕ່ເມື່ອຮອດເດືອນເກົ້າ 9 ຄ່ຳ,ຊາວໜຸ່ມທັງຫຼາຍຈະພະຍາຍາມພາຜູ້ເຖົ້າໄປທ່ຽວຊົມທິວທັດທຳມະຊາດ,ຫຼືປີນພູຫັດກາຍ,ມ່ວນຊື່ນນຳກັນກັບຄອບຄົວ.
ຂ່າວ-ບົດທີ່ກ່ຽວຂ້ອງ
ຄຳເຫັນ