ງານກິລາເອຊຽນເກມກວາງໂຈວຄັ້ງນີ້ໃຫຍ່ກວ່າທຸກຄັ້ງທີ່ຜ່ານມາ
(GMT+08:00) 2010-11-11 15:38:43 cri
ງານມະຫະກຳກິລາອາຊີຫລືເອຊຽນເກມຄັ້ງທີ 16 ຈະໄຂຂຶ້ນຢູ່ນະຄອນກວາງໂຈວຂອງຈີນໃນວັນທີ 12 ພະຈິກນີ້.ວັນທີ 10 ພະຈິກນິ້,ຄະນະກຳມະການໂອລິມປິກອາຊີກ່າວວ່າ, ຈະມີນັກກິລາ 9704 ຄົນທີ່ມາຈາກ 45 ປະເທດແລະເຂດແຄວ້ນຂອງອາຊີເຂົ້າຮ່ວມງານເທື່ອນີ້,ເຊິ່ງເປັນສະຖິຕິສູງສຸດໃນປະຫວັດສາດຂອງກິລາເອຊຽນເກມ.
ມື້ດຽວກັນ,ໄດ້ຈັດກອງປະຊຸມຫົວຫນ້າຄະນະນັກກິລາທີ່ເຂົ້າຮ່ວມເອຊຽນເກມກວາງໂຈວຢູ່ທີ່ນະຄອນກວາງໂຈວ, ຄະນະຜູ່ແທນຕ່າງໆໄດ້ສະເຫນີຈຳນວນຄົນທີ່ຈະຮ່ວມງານໃນຂັ້ນສຸດທ້າຍ.ໃນຖະແຫລງການຂອງຄະນະກຳມະການງານໂອລິມປິກອາຊີໄດ້ກ່າວວ່າ, ຈຳນວນັກກິລາທີ່ຮ່ວມງານເທື່ອນີ້ມີ 9704 ຄົນ, ຫລາຍກວ່າເອຊຽນເກມໂດຮາ 184 ຄົນ,ແມ່ນຄັ້ງຫນຶ່ງທີ່ມີນັກກິລາເຂົ້າຮ່ວມຫລາຍທີ່ສຸດ,ນອກນີ້, ຄະນະນັກກິລາ 45 ຄະນະມີເຈົ້າຫນ້າທີ່ທັງຫມົດ 4750 ຄົນ.
