ແຜນການ"​5​ປີ​ຄັ້ງ​ທີ12"ຈະ​ເນັ້ນ​ໜັກ​ການ​ຮັບປະກັນ​ຊີ​ວິດ​ການ​ເປັນ​ຢູ່​ຂອງ​ປະຊາຊົນ​ຫຼາຍ​ກວ່າ​ເກົ່າ

(GMT+08:00) 2011-03-06 16:51:14     cri
ວັນ​ທີ6​ມີນາ​ນີ້, ຢູ່​ປັກ​ກິ່ງ, ທ່ານ​ຈ່າງ​ພີ​ງ, ປະທານ​ຄະນະ​ກຳມະການ​ພັດທະນາ​ແລະ​ປະຕິ​ຮູບ​ແຫ່ງຊາດ​ຈີນ​ກ່າວ​ວ່າ, ແຜນການ "​5​ປີ​ຄັ້ງ​ທີ12"ຈະ​​​ເຮັດ​ໃຫ້​ການ​ຮັບປະກັນ​ແລະ​ປັບປຸງ​ຊີວິດ​ການ​ເປັນ​ຢູ່​ຂອງ​ປະຊາ​ຊົນພົ້ນ​ເດັ່ນ​ຂຶ້ນ​ຫຼາຍ​ກວ່າ​ເກົ່າ.

ໃນ​ກອງ​ປະຊຸມ​ຂ່າວ​ຂອງ​ກອງ​ປະຊຸມ​ປະຈຳ​ປີ​ສະພາ​ປະຊາຊົນ​ແຫ່ງ​ຊາດ​ຈີນ, ທ່ານ​ຈ່າງ​ພີ​ງ ກ່າວ​ວ່າ, ​ແຜນການ"5ປີ​ຄັ້ງ​ທີ12"​ໄດ້ຍຶດ​ໝັ້ນ​ຫຼັກ​ການທີ່​ໃຫ້​ບູລິດ​ມະ​ສິດ​​ແກ່​ວຽກ​ງານ​ຊີວິດ​ການ​ເປັນ​ຢູ່​ຂອງ​ປະຊາຊົນ, ​ເພື່ອ​ໃຫ້​ປະຊາຊົນ​ບັນດາ​ເຜົ່າ​​ໃນ​ທົ່ວ​ປະ​ເທດສາມາດ​​ແບ່ງ​ປັນ​ໝາກຜົນ​ແຫ່ງ​ການ​ປະຕິ​ຮູບ​ແລະ​ການ​ພັດທະນາ. ​ແຜນການ5​ປີ​ສະບັບ​ເກົ່າທີ່​​​ໄດ້ຖື​ສຳ ຄັນ​ໃນ "ການ​ເຕີບ​ໂຕ"ນັ້ນ, ​ແມ່ນມີ​ຄວາມ​ຈຳ​ເປັນ. ​ເພາະວ່າ​ໃນ​ໄລຍະ​ນັ້ນຕ້ອງ​ແກ້​ໄຂ​ບັນຫາ ການກິນ​ອີ່ມ​ນຸ່ງ​ອຸ່ນ, ຕ້ອງ​ຮັກສາ​ການ​ເຕີບ​ໂຕ​ຂອງ​ເສດຖະກິດ. ປະຈຸ​ບັນ, ມີ​ພື້ນຖານ​ດ້ານ​ວັດ​ຖຸ​ແລ້ວ, ສະ​ນັ້ນ, ​ແຮ່ງ​ຕ້ອງ​ເອົາ​​ໃຈ​​ໃສ່​ການ​ຮັບປະກັນ​ແລະ​ປັບປຸງ​ຊີວິດ​ການ​ເປັນ​ຢູ່​ຂອງ​ປະຊາຊົນ. ແຜນການ "5ປີ​ຄັ້ງ​ທີ12"​ມີ​ເປົ້າ​ໝາຍທີ່ຈະ​ແຈ້ງ​ແລະ​ຄວາມ​ຮຽກຮ້ອງ​ອັນລະ​ອຽດໃນ​ດ້ານ​ຕ່າງໆ ​ເຊັ່ນ​ການ​ແບ່ງປັນ​ລາຍ​ຮັບ, ການ​ປະກອບ​ອາຊີບ​, ການ​ບໍລິການ​ສາທາ​ລະນະ, ການ​ປິ່ນປົວ​​​ແລະ​ຮັກສາ​ສຸຂະ​ພາບແລະ​ອື່ນໆ​. ​
ຂ່າວ-ບົດທີ່ກ່ຽວຂ້ອງ
ຄຳເຫັນ
Webradio
ລາຍການ FM
ລາຍການຫຼ້າສຸດ ຂອງພວກເຮົາ
ຮຽນພາສາຈີນ