ວັນທີ27ກໍລະກົດນີ້, ຜູ້ຮັບຜິດຊອບຂອງພາກສ່ວນທີ່ກ່ຽວຂ້ອງຈາກອົງການໄອຍະການສູງສຸດຈີນຢືນຢັນວ່າ, ພາຍຫລັງລັດຖະບານຈີນໄດ້ສ້າງຕັ້ງເຈົ້າໜ້າທີ່ໜ່ວຍງານລົງສໍາຫລວດອຸປະຕິເຫດລົດໄຟຕໍາກັນຢ່າງຮຸນແຮງທີ່ເກີດຂຶ້ນໃນວັນທີ23ກໍລະກົດນີ້ຢູ່ເສັ້ນທາງລົດໄຟຈາກນະຄອນໜີງໂປ່ຫານະຄອນເວີ່ນໂຈວ່, ອົງການໄອຍະການສູງສຸດຈີນໄດ້ສົ່ງເຈົ້າໜ້າທີ່ໄປນະຄອນເວີ່ນໂຈວ່,ເພື່ອເຂົ້າຮ່ວມການສໍາຫລວດອຸປະຕິເຫດ.
ວັນທີ26ກໍລະກົດນີ້, ພາກສ່ວນຮັບມືກັບສະພາບສຸກເສີນຫ້ອງການສາທາລະນະສຸກນະຄອນເວີ່ນໂຈວ່ໄດ້ປະກາດບັນຊີລາຍຊື່ຜູ້ໄດ້ຮັບບາດເຈັບຈາກອຸປະຕິເຫດຄັ້ງນີ້ແລ້ວສະແດງໃຫ້ເຫັນວ່າ, ຢູ່ໂຮງໝໍ11ແຫ່ງຕ່າງໆໃນນະຄອນເວີ່ນໂຈວ່ໄດ້ປິ່ນປົວຜູ້ໄດ້ຮັບບາດເຈັບຈໍານວນ192ຄົນ,ໃນນັ້ນ, ມີຜູ້ບໍ່ສາມາດທີ່ປິ່ນປົວໄດ້ແລະເສຍຊີວິດ14ຄົນ, ໃນເວລາຕໍ່ມາຈໍານວນ,ປິ່ນປົວເຊົາແລະອອກໂຮງໝໍ59ຄົນ, ຍັງອີກ118ຄົນພວມໄດ້ຮັບການປິ່ນປົວຢູ່ໂຮງໝໍ.ໃນຈໍານວນຄົນທີ່ໄດ້ຮັບການຊ່ວຍເຫລືອນີ້ມີຄົນຕ່າງປະເທດ3ຄົນ, ໃນນັ້ນ, ຜູ້ຍິງອີຕາລີຜູ້ໜຶ່ງໄດ້ເສຍຊີວິດກ່ອນໄປຮອດໂຮງໝໍ, ຜູ້ຊາຍອີຕາລີຜູ້ໜຶ່ງແລະຄົນອາເມລິກາເຊື້ອສາຍຈີນຜູ້ໜຶ່ງໄດ້ຮັບບາດເຈັບສາຫັດ.
ມາດຕະຖານໃນການທົດແທນຄືນຕໍ່ຜູ້ເສຍຊີວິດໃນອຸປະຕິເຫດຄັ້ງນີ້ໄດ້ຕົກລົງເປັນທີ່ຮຽບຮ້ອຍແລ້ວ, ຄ່າທົດແທນຜູ້ເສຍຊີວິດແມ່ນ5ແສນຢວນຕໍ່ຄົນ, ນີ້ແມ່ນປະຕິບັດຕາມກົດລະບຽບທີ່ກ່ຽວຂ້ອງ,ອີງໃສ່ສະພາບຕົວຈິງ, ປະຕິບັດຕາມຈິດໃຈ"ຖືຄົນເປັນຫລັກ", "ມະນຸດສະທໍາ",ປະກອບດ້ວຍຄ່າທົດແທນດ້ານອຸປະຕິເຫດ,ເງິນອຸດໜູນສະເພາະແລະເງິນທີ່ປະຊາຊົນບໍລິຈາກ.
