ຈີນຟື້ນຟູການເດີນເຮືອຕາມລຳແມ່ນ້ຳຂອງຕອນທາງເດີນເຮືອຢູ່ປະເທດໄທ
(GMT+08:00) 2011-12-12 11:26:58 cri
ຕອນບ່າຍວັນທີ11ທັນວານີ້, ເຮືອສິນຄ້າ10ລຳຂອງຈີນໄດ້ເຂົ້າສູ່ລຳແມ່ນ້ຳຂອງພາຍໃນດິນແດນປະເທດໄທ, ພາຍໃຕ້ການປ້ອງກັນຂອງຕຳຫຼວດທາງນ້ຳແລະຍົນເຮລິກົບແຕຂອງໄທ, ສືບຕໍ່ເດີນທາງໄປພາກໃຕ້. ການເດີນເຮືອຂອງຈີນຕາມລຳແມ່ນ້ຳຂອງຕາມທາງເດີນເຮືອລະຫວ່າງຊາດຢູ່ໄທໄດ້ຟຶ້ນຕົວຄືນໃໝ່ຢ່າງຮອບດ້ານຫຼັງຈາກຢຸດເຊົາການເດີນເຮືອເປັນເວລາເດືອນປາຍ.
ການເດີນເຮືອລະຫວ່າງຊາດຕາມລຳແມ່ນ້ຳຂອງເຊິ່ງເລີ່ມເປີດບໍລິການໃນປີ2001ເປັນຕົ້ນມານັ້ນໄດ້ກາຍເປັນຈຸດເຊື່ອມຕໍ່ອັນສຳຄັນໃນການຮ່ວມມືເສດຖະກິດລະຫວ່າງຈີນກັບລາວ, ກຳປູເຈຍ, ຫວຽດນາມ, ມຽນມາແລະໄທ, ທັງແມ່ນເສັ້ນທາງຂົນສົ່ງສິນຄ້າອັນສຳຄັນຢູ່ເຂດການຄ້າເສລີຈີນອາຊຽນ. ວັນທີ5ຕຸລາປີນີ້, ເຮືອສິນຄ້າຂອງຈີນ2ລຳຖືກກຸ່ມປະກອບອາວຸດຫຼອນໂຈມຕີຢູ່ເຂດນ້ຳແມ່ນ້ຳຂອງ, ເຮັດໃຫ້ລູກເຮືອຈີນ13ຄົນເສຍຊີວິດ. ເພື່ອປ້ອງກັນຄວາມປອດໄພຂອງເຮືອແລະລູກເຮືອ, ຈຶ່ງເຮັດໃຫ້ການເດີນເຮືອຂອງຈີນຢູ່ເຂດນ້ຳແມ່ນ້ຳຂອງໄດ້ຢຸດເຊົາໄປໄລຍະໜຶ່ງ.
ປະຈຸບັນ, ຄະດີດັ່ງກ່າວໄດ້ຖືກສຳຫຼວດຢ່າງຈະແຈ້ງໂດຍພື້ນຖານແລ້ວ, ອົງການໄອຍະການຂອງໄທໄດ້ນຳຄະດີເຂົ້າສູ່ຂະບວນການທາງກົດໝາຍແລ້ວ.
