ວັນທີ12 ທັນວາ ນີ້, ພົນຕີຊີກົວເວິ່ຍ ຮອງ ຫົວໜ້າ ຫ້ອງການ ວຽກການ ຕ່າງປະເທດ ຂອງ ກະຊວງ ການປ້ອງກັນ ຊາດ ຈີນ ກ່າວວ່າ, ການ ໂຕ້ຖຽງກັນ ກ່ຽວກັບ ບັນຫາ ທະເລ ຈີນ ໃຕ້ ບໍ່ ແມ່ນ ບັນຫາລະຫວ່າງ ຈີນ ກັບ ອາຊຽນ, ບັນຫາ ກ່ຽວຂ້ອງ ຄວນ ໃຫ້ ປະເທດ ທີ່ ມີ ອະທິປະໄຕ ກ່ຽວຂ້ອງ ແກ້ໄຂ ໂດຍ ຜ່ານ ການປຶກສາ ຫາລື ແລະ ການເຈລະຈາ ຢ່າງ ມີ ໄມຕີຈິດ ມິດຕະພາບ, ບໍ່ ຄວນ ເຮັດໃຫ້ ອິດທິກຳລັງ ພາຍນອກ ເຂົ້າ ແຊກແຊງ, ບໍ່ຄວນ ເຮັດໃຫ້ ບັນຫາ ນີ້ ກະທົບກະເທືອນ ເຖິງ ຄວາມສາມັກຄີ ແລະ ການ ຮ່ວມມື ລະຫວ່າງ ຈີນ ກັບ ອາຊຽນ, ແລະ ກໍ່ ບໍ່ຄວນ ເຮັດໃຫ້ ບັນຫາ ນີ້ ເປັນ ຜົນກະທົບ ເຖິງຄວາມສາມັກຄີ ຂອງ ອາຊຽນ ເອງ.
ມື້ ດຽວກັນ, "ການສົນທະນາ ວຽກ ປ້ອງກັນ ຊາດ ແລະ ຄວາມປອດໄພ ຈີນກັບ ອາຊຽນ"ຄັ້ງ ທີ2 ຈັດຂຶ້ນ ຢູ່ ປັກກິ່ງ, ຜົນຕີຊີກົວເວິ່ຍ ປະກອບ ຄວາມເຫັນ ດັ່ງກ່າວ ໃນ ພິທີ ໄຂ.
ພົນຕີ ຊີກົວເວິ່ຍ ຊີ້ອອກ ວ່າ, ຈີນ ມີ ເຈດ ຈຳນົງ ແຕ່ຕົ້ນ ຕະຫຼອດປາຍ ວ່າປະເທດ ບໍ່ ວ່າ ຈະ ໃຫຍ່ ຫຼື ນ້ອຍ, ທຸກຍາກ ຫຼື ຮັ່ງມີ, ເຂັ້ມແຂງ ຫຼື ອ່ອນນ້ອຍ, ລ້ວນແຕ່ ແມ່ນ ສະມາຊິກ ທີ່ ສະເໝີພາບ ກັນ ຂອງປະຊາຄົມ ໂລກ, ຕັ້ງໜ້າ ລິເລີ່ມ ສົ່ງເສີມ ທັດສະນະ ໝັ້ນຄົງ ໃໝ່ຄື"ໄວ້ເນື້ອເຊື່ອໃຈ ເຊິ່ງ ກັນແລະກັນ, ຕ່າງຝ່າຍ ຕ່າງມີ ຜົນປະໂຫຍດ, ສະເໝີພາບ ກັນ, ປະສານງານ ກັນ", ຍິນດີ ພ້ອມກັບອາຊຽນ ຮ່ວມກັນ ຊຸກຍູ້ ການສ້າງສາ ກົນໄກ ວຽກປ້ອງກັນ ຊາດ ແລະ ຄວາມໝັ້ນຄົງ ພາກພື້ນ, ປະກອບ ສ່ວນ ເຂົ້າໃນ ການ ປົກປັກ ຮັກສາ ສັນຕິພາບ, ສະຖຽນ ລະພາບ ແລະ ຄວາມຈະເລີນ ຮຸ່ງເຮືອງ ຂອງ ພາກພື້ນ.
