ແຂກຜູ່ມີກຽດຈີນ,ລາວ,ຫວຽດນາມຫົດນ້ຳໃຫ້ສີລາຈາລຶກມິດຕະພາບຈີນ,ລາວ,ຫວຽດນາມ
ຕາມຂ່າວCRI:ຕອນຄ່ຳວັນທີ11ທັນວານີ້,ງານມະຫະກຳປະເພນີໂຍນໝາກຄອນຈີນ,ລາວ,ຫວຽດນາມຄັ້ງທີ2ອັດລົງຢ່າງຈົບງາມຢູ່ເມືອງຈ່ຽງເຊິງນະຄອນຜູເອີແຂວງຢຸນນານຂອງຈີນ.
ພິທີໄຂງານຕະຫຼາດນັດຂາຍສິນຄ້າຊາຍແດນຈີນ,ລາວ,ຫວຽດນາມຄັ້ງທີ2ທີ່ເມືອງຈ່ຽງເຊິງ
ງານມະຫະກຳຄັ້ງນີ້ໄດ້ຈັດເປັນເວລາ3ວັນ,ມີຫົວຂໍ້ວ່າ"ດື່ມນ້ຳແມ່ດຽວກັນ,ຮ່ວມສ້າງຄວາມກົມກຽວໃໝ່",ຖືຮີດຄອງປະເພນີແລະວັດທະນະທຳທີ່ມີສີສັນພິເສດຂອງຈີນ,ລາວ,ຫວຽດນາມເປັນສາຍພົວພັນ,ເພື່ອເພີ່ມທະວີການແລກປ່ຽນດ້ານວັດທະນະທຳ,ການຄ້າແລະຂໍ້ມູນຂ່າວສານລະຫວ່າງສາມປະເທດນີ້.ຄະນະຜູ່ແທນທາງດ້ານສິລະປະແລະກິລາຂອງເມືອງຈ່ຽງເຊິງນະຄອນຜູເອີແຂວງຢຸນນານຈີນ,ແຂວງຜົ້ງສາລີຂອງລາວ,ພ້ອມດ້ວຍແຂວງດຽນບຽນຝູແລະໄລເຈົ່າຂອງຫວຽດນາມໄດ້ເຂົ້າຮ່ວມແລະມີການສະແດງຢ່າງຍອດຢ້ຽມໃນກິດຈະກຳເທື່ອນີ້.
ນັກສິລະປະຂອງຫວຽດນາມສະແດງລາຍການ
ໃນງານມະຫະກຳຄັ້ງນີ້,ຍັງໄດ້ຈັດກິດຈະກຳແລກປ່ຽນວັດທະນະທຳຕ່າງໆ ຄື:ງານຕະຫຼາດນັດຂາຍສິນຄ້າຊາຍແດນຈີນ,ລາວ,ຫວຽດນາມ, ການປະກວດນາງງາມຂອງເຂດຊາຍແດນ,ການແຂ່ງຂັນເຕະກະຕໍ້,ການແຂ່ງຂັນລະບາຍສີທີ່ສວຍງາມໃສ່ຄວາຍ,ການສະແດງລາຍການສິລະປະແລະອື່ນໆ,ມີປະຊາຊົນມາຈາກຈີນ,ລາວແລະຫວຽດນາມເຂົ້າຮ່ວມຊົມຫຼາຍກວ່າ6ໝື່ນກວ່າຄົນ.
ປະຊາຊົນສາມປະເທດຮ່ວມພາເຂົ້າສາມັກຄີ
ການແຂ່ງຂັນລະບາຍສີທີ່ສວຍງາມໃສ່ຄວາຍ