ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານນາງ ແອງເຈີລາ ເມີເຄວ ນາຍົກລັດຖະມົນຕີເຢຍລະມັນກ່າວໃນຕອນຄ່ຳວັນທີ 10 ມິຖຸນານີ້ວ່າ, ການກະທຳຂອງທ່ານໂດໂນ ທຣຳ ປະທານາທິບໍດີອາເມຣິກາໃນກອງປະຊຸມສຸດຍອດກຸ່ມ 7 ປະເທດຫຼື G7 ເຮັດໃຫ້ຕົນຮູ້ສຶກຜິດຫວັງ, ເອີລົບບໍ່ສາມາດອາໄສການພົວພັນຄູ່ຮ່ວມຂ້າມມະຫາສະໝຸດອັດລັງຕິກ, ຄວນຮ່ວມກັນສ້າງຄວາມເຂັ້ມແຂງດ້ວຍຕົນເອງຮ່ວມມືກັບຈີນແລະປະເທດອື່ນໆຢ່າງໃກ້ຊິດ.
ພາຍຫຼັງກອງປະຊຸມສຸດຍອດ G7 ສິ້ນສຸດລົງຢູ່ແຂວງຄຸຍເປັກປະເທດການາດາ, ທ່ານນາງເມີເຄວໄດ້ກັບຄືນປະເທດເຢຍລະມັນແລະໃຫ້ສຳພາດຕໍ່ສະຖານີໂທລະພາບຊ່ອງໜຶ່ງຂອງເຢຍລະມັນໃນຕອນຄ່ຳວັນທີ 10 ມິຖຸນານີ້. ທ່ານກ່າວວ່າ, ຕົນອງຮູ້ສຶກຜິດຫວັງຕໍ່ທ່ານທຣຳທີ່ປະຕິເສດຢ່າງກະທັນຫັນລົງນາມໃນຖະແຫຼງການຮ່ວມ G7.
ທ່ານນາງເມີເຄວກ່າວຕື່ມວ່າ, ຕົນບໍ່ມີເຈດຈຳນົງປະລະຂອບ G7, “ແຕ່ຂະນະດຽວກັນເຢຍລະມັນຄວນສະແຫວງຫາການສົນທະນາກັບຣັດເຊຍ, ພ້ອມທັງຮ່ວມມືກັບຍີ່ປຸ່ນ, ການາຕາ, ອິນເດຍແລະຈີນຢ່າງໃກ້ຊິດ.”
ຄຳເຫັນ
0