ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 12 ມິຖຸນານີ້, ຢູ່ທີ່ປັກກິ່ງ, ທ່ານ ວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນກ່າວວ່າ, ຈີນຫວັງວ່າຜູ້ນຳ ສປປ ເກົາຫຼີແລະອາເມຣິກາຈະສາມາດປັດປ່າຍສິ່ງລົບກວນ,ແລ້ວສ້າງຄວາມໄວ້ເນື້ອເຊື່ອໃຈເຊິ່ງກັນແລະກັນ,ຜ່ານຜ່າຄວາມຫຍຸ້ງຍາກ,ບັນລຸຄວາມເປັນເອກະພາບກັນຂັ້ນພື້ນຖານກ່ຽວກັບການຊຸກຍູ້ແລະບັນລຸການປອດນິວເຄລຍຂອງແຫຼມເກົາຫຼີ,ຊຸກຍູ້ແລະສ້າງກົນໄກສັນຕິພາບຂອງແຫຼມເກົາຫຼີ,ແລະມີມາດຕະການຕົວຈິງ. ທ່ານ ວາງຢີ້ ຫວັງໃຫ້ຝ່າຍຕ່າງໆທີ່ກ່ຽວຂ້ອງລ້ວນແຕ່ສາມາດທຳຄວາມພະຍາຍາມເພື່ອເລື່ອງນີ້ ພ້ອມທັງກ່າວເນັ້ນວ່າ:ຈີນກໍ່ຈະສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນເຊັ່ນກັນ.
ທ່ານ ວາງຢີ້ ກ່າວຕື່ມວ່າ, ທົ່ວໂລກໄດ້ໃຫ້ຄວາມສົນໃຈຢ່າງສູງຕໍ່ການພົບປະລະຫວ່າງຜູ້ນຳ ສປປ ເກົາຫຼີ-ອາເມຣິກາທີ່ຈັດຂຶ້ນຢູ່ສິງກະໂປ. ສອງປະເທດເປັນປໍລະປັກກັນເຄິ່ງສະຕະວັດກວ່າ,ມື້ນີ້,ຜູ້ນຳສູງສຸດຂອງສອງປະເທດສາມາດນັ່ງຢູ່ຮ່ວມກັນ,ດຳເນີນການສົນທະນາຢ່າງສະເໝີພາບ ຊຶ່ງມີຄວາມໝາຍສຳຄັນແລະມີດ້ານຕັ້ງໜ້າ,ເປັນການສ້າງປະຫວັດສາດໜ້າໃໝ່. ຕໍ່ເລື່ອງນີ້ຈີນສະແດງຄວາມຊົມເຊີຍແລະສະໜັບສະໜູນຢ່າງຈິງໃຈ,ເພາະວ່ານີ້ແມ່ນເປົ້າໝາຍທີ່ຈີນຄອງຄອຍແລະພະຍາຍາມໃຫ້ບັນລຸມາໂດຍຕະຫຼອດ.
ຄຳເຫັນ
0