ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານເກິງສວງ ໂຄສົກກະຊວງການຕ່າງປະເທດຈີນ ກ່າວຢູ່ນະຄອນຫຼວງປັກກິ່ງໃນວັນທີ 11 ມິຖຸນານີ້ວ່າ: ໃນໄລຍະກອງປະຊຸມສຸດຍອດຊິ່ງຕາວ ຂອງອົງການຮ່ວມມືຊຽງໄຮ, ທ່ານສີຈິ້ນຜິງ ປະທານປະເທດຈີນ ແລະ ທ່ານນາເຣນດຣາ ໂມດີ ນາຍົກລັດຖະມົນຕີອິນເດຍ ໄດ້ພົບປະກັນ ເພື່ອແລກປ່ຽນຄວາມຄິດເຫັນຢ່າງເລິກເຊິ່ງກ່ຽວກັບການພົວພັນລະຫວ່າງສອງປະເທດ ແລະບັນຫາທີ່ສົນໃຈຮ່ວມກັນ ແລະ ສາມາດບັນລຸຄວາມເປັນເອກະພາບກັນຢ່າງກວ້າງຂວາງ.
ທ່ານເກິງສວງ ໄດ້ຊີ້ໃຫ້ເຫັນໃນກອງປະຊຸມຖະແຫຼງຂ່າວວ່າ: ຜູ້ນຳສອງປະເທດຈີນແລະອິນເດຍ ໄດ້ຕັ້ງໜ້າຕີລາຄາການພົບປະບໍ່ເປັນທາງການລະຫວ່າງສອງຝ່າຍຢູ່ນະຄອນອູຮັ້ນ ສປ ຈີນ ທີ່ໄດ້ເສີມຂະຫຍາຍບົດບາດນຳພາການຮ່ວມມືໃນຂົງເຂດຕ່າງໆລະຫວ່າງສອງປະເທດ ແລະ ເປັນເອກະສັນກັນເຫັນວ່າ ຄວນທະນຸຖະໜອມ ແລະຮັກສາທ່າອ່ຽງການພັດທະນາການພົວພັນລະຫວ່າງສອງປະເທດໃນປັດຈຸບັນ, ເລັ່ງຈັດຕັ້ງປະຕິບັດຕາມຂໍ້ຕົກລົງອູຮັ້ນ, ຮັກສາການແລກປ່ຽນທາງຍຸດທະສາດ, ເປີດກວ້າງການຮ່ວມມືດ້ານເສດຖະກິດການຄ້າ, ເປີດກວ້າງການແລກປ່ຽນດ້ານວັດທະນະທຳ ເພື່ອຊຸກຍູ້ສາຍພົວພັນລະຫວ່າງຈີນ-ອິນເດຍໃຫ້ພັດທະນາເລື້ອຍໆ. ການພົບປະລະຫວ່າງຜູ້ນຳສອງປະເທດເທື່ອນີ້ ເປັນການສືບຕໍ່ບັນຍາກາດທີ່ດີຂອງການພົບປະສອງຝ່າຍຢູ່ນະຄອນອູຮັ້ນ ແລະຈະສືບຕໍ່ຮັດແໜ້ນສາຍພົວພັນລະຫວ່າງຈີນ-ອິນເດຍໃຫ້ພັດທະນາກ້າວເດີນໄປໜ້າຢ່າງບໍ່ຢຸດຢັ້ງ, ປອດໃສ ແລະໜັກແໜ້ນ.
ຄຳເຫັນ
0