ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນ ໄດ້ໃຫ້ຄຳຊີ້ນຳທີ່ສຳຄັນຕໍ່ວຽກງານການລົບລ້າງຄວາມທຸກຍາກທີ່ພວມຢູ່ໃນຂັ້ນຕອນປະສົບຄວາມຫຍຸ້ງຍາກທີ່ສຸດ ໂດຍເນັ້ນໜັກວ່າ: ການຜ່ານຜ່າຄວາມຫຍຸ້ງຍາກຕ່າງໆນານາເພື່ອລົບລ້າງຄວາມທຸກຍາກນັ້ນ ມັນເປັນວຽກງານດ່ວນຫຼາຍ ແລະເປັນໜ້າທີ່ອັນໜັກໜ່ວງແຕ່ສຳຄັນ ຈຶ່ງຈຳເປັນຕ້ອງເຮັດແທ້ທຳຈິງ, ພະຍາຍາມຢ່າງສຸດຂີດ ແລະສຸມຈິດສຸມໃຈ ເພື່ອຍາດເອົາໄຊຊະນະໃນບັ້ນລົບລ້າງຄວາມທຸກຍາກທີ່ພວມຢູ່ໃນຂັ້ນຕອນປະສົບຄວາມຫຍຸ້ງຍາກທີ່ສຸດນັ້ນຢ່າງຮອບດ້ານ.
ຈາກນີ້, ທ່ານຫຼີເຄີ້ສຽງ ກຳມະການປະຈຳກົມການເມືອງສູນກາງພັກ, ນາຍົກລັດຖະມົນຕີຈີນ ກໍໄດ້ໃຫ້ຄຳເຫັນ ໂດຍຊີ້ໃຫ້ເຫັນວ່າ: ຕ້ອງໃຫ້ຄວາມສຳຄັນຕໍ່ການຊຸກຍູ້ສົ່ງເສີມເຊິ່ງກັນແລະກັນລະຫວ່າງການລົບລ້າງຄວາມທຸກຍາກຕາມເປົ້າໝາຍກຳນົດກັບການພັດທະນາເສດຖະກິດ-ສັງຄົມ, ໃຫ້ຄວາມສຳຄັນຕໍ່ການເຊື່ອມຕໍ່ລະຫວ່າງການຜ່ານຜ່າຄວາມຫຍຸ້ງຍາກເພື່ອລົບລ້າງຄວາມທຸກຍາກກັບຍຸດທະສາດການພັດທະນາຊົນນະບົດໃຫ້ຈະເລີນ ຮຸ່ງເຮືອງ, ໃຫ້ຄວາມສຳຄັນຕໍ່ການປະສານສົມທົບກັນແບບກາຍະອິນຊີລະຫວ່າງການຊ່ວຍຊູຍູ້ໜູນຈາກພາຍນອກກັບການກະຕຸກຊຸກຍູ້ໃຫ້ເກີດມີພະລັງຊຸກດັນພາຍໃນ ເພື່ອຊຸກຍູ້ໃຫ້ປະຊາຊົນຜູ້ທຸກຍາກສາມາດຫຼຸດພົ້ນຈາກຄວາມທຸກຍາກຢ່າງໜັກແໜ້ນ ແລະຮັ່ງມີຂຶ້ນເປັນກ້າວໆ ແລະ ຮັບປະກັນການບັນລຸເປົ້າໝາຍລົບລ້າງຄວາມທຸກຍາກພາຍໃນເວລາ 3 ປີຕາມກຳນົດ.
ຄຳເຫັນ
0