ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ປັກກິ່ງໃນວັນທີ 11 ມິຖຸນານີ້ ທ່ານ ເກີງສວງ ໂຄສົກກະຊວງການຕ່າງປະເທດຈີນກ່າວວ່າ: ຈີນຫວັງດ້ວຍຄວາມຈິງໃຈວ່າຜູ້ນຳ ສປປ ເກົາຫຼີ -ອາເມລິກາຈະສາມາດຈັດການພົບປະກັນຢ່າງສະດວກແລະໄດ້ຮັບໝາກຜົນທີ່ຕັ້ງໜ້າ.
ສື່ມວນຊົນລາຍງານວ່າ, ທ່ານ ກິມເຈີງອູນ ຜູ້ນຳສູງສຸດຂອງ ສປປ ເກົາຫຼີ ໄດ້ເດີນທາງໄປຮອດສິງກະໂປໃນຕອນບ່າຍວັນທີ 10 ມິຖຸນານີ້ດ້ວຍຍົນໂດຍສານໂບອີງ 747 ຂອງສາຍການບິນຈີນ. ທ່ານ ເກີງສວງ ກ່າວໃນເວລາຕອບຄຳຖາມສຳພາດຂອງນັກຂ່າວວ່າ:ໂດຍອີງຕາມຄວາມຮຽກຮ້ອງຕ້ອງການຂອງ ສປປ ເກົາຫຼີ, ການບິນພົນລະເຮືອນຈີນໄດ້ໃຫ້ການບໍລິການທີ່ກ່ຽວຂ້ອງແກ່ຄະນະຜູ້ແທນຂອງ ສປປ ເກົາຫຼີທີ່ເດີນທາງໄປສິງກະໂປ. ກ່ຽວກັບການພົບປະລະຫວ່າງຜູ້ນຳ ສປປ ເກົາຫຼີ -ອາເມລິກາທີ່ຈະຈັດຂຶ້ນໃນວັນທີ 12 ມິຖຸນານີ້, ທ່ານ ເກີງສວງ ຊີ້ວ່າ:
“ປັດຈຸບັນ, ປະຊາຄົມໂລກໃຫ້ຄວາມສົນໃຈຢ່າງສູງຕໍ່ການພົບປະລະຫວ່າງຜູ້ນຳ ສປປ ເກົາຫຼີ-ອາເມລິກາ,ຈີນຫວັງດ້ວຍຄວາມຈິງໃຈວ່າການພົບປະດັ່ງກ່າວຈະດຳເນີນໄປຢ່າງສະດວກ,ແລະໄດ້ຮັບໝາກຜົນທີ່ຕັ້ງໜ້າ,ເພື່ອເປັນການປະກອບສ່ວນຊຸກຍູ້ຂະບວນການປອດນິວເຄລຍຂອງແຫຼມເກົາຫຼີແລະຂະບວນການແກ້ໄຂທາງການເມືອງໄດ້ເປັນຢ່າງດີ.”
ຄຳເຫັນ
0