ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: “ສະມາຄົມອາເມຣິກາປະຈຳໄຕ້ຫວັນ” ໄດ້ຈັດພິທີເປີດສຳນັກງານໃໝ່ໃນວັນທີ 12 ມິຖຸນານີ້. ທ່ານນາງມະຣິ ໂຣຢິສ ຫົວໜ້າກົມການສຶກສາວັດທະນະທຳກະຊວງການຕ່າງປະເທດອາເມຣິກາໄດ້ເຂົ້າຮ່ວມພິທີດັ່ງກ່າວ. ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 12 ມິຖຸນານີ້, ທ່ານເກີງສວງ ໂຄສົກກະຊວງການຕ່າງປະເທດຈີນກ່າວວ່າ, ຈີນສະແດງຄວາມເປັນຫ່ວງຢ່າງສູງຕໍ່ການລາຍງານດັ່ງກ່າວ, ແລະໄດ້ທັກທ້ວງຢ່າງເຄັ່ງຂຶມຕໍ່ອາເມຣິກາ.
ທ່ານເກີງສວງກ່າວວ່າ, “ສິ່ງທີ່ຕ້ອງຊີ້ສະແດງອອກນັ້ນກໍຄື, ອາເມຣິກາສົ່ງເຈົ້າໜ້າທີ່ໄປໄຕ້ຫວັນດ້ວຍຂໍ້ອ້າງໃດໆກໍຕາມ, ລ້ວນແຕ່ໄດ້ລະເມີດຫຼັກໝັ້ນປະເທດຈີນດຽວແລະຖະແຫຼງການຮ່ວມຈີນອາເມຣິກາສາມສະບັບຢ່າງໜັກໜ່ວງ, ໄດ້ແຊກແຊງວຽກງານພາຍໃນຂອງຈີນ, ແລະສ້າງຜົນສະທ້ອນທາງລົບຕໍ່ການພົວພັນລະຫວ່າງຈີນແລະອາເມຣິກາ. ພວກເຮົາກ່າວເຕືອນໃຫ້ອາເມຣິກາຈົ່ງປະຕິບັດຄຳໝັ້ນສັນຍາຕໍ່ຈີນກ່ຽວກັບບັນຫາໄຕ້ຫວັນ, ແກ້ໄຂການກະທຳຜິດ, ເພື່ອຫຼີກລ້ຽງການທຳລາຍການພົວພັນລະຫວ່າງຈີນແລະອາເມຣິກາ, ລວມທັງສັນຕິພາບແລະສະຖຽນລະພາບຂອງຊໍ່ອງແຄບໄຕ້ຫວັນ.”
ຄຳເຫັນ
0