ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ມິຖຸນານີ້, ກອງປະຊຸມຄັ້ງທີ 5 ຂອງສະພາແຫ່ງຊາດສະໄໝທີ 14 ຂອງຫວຽດນາມໄດ້ຜ່ານກົດໝາຍວ່າດ້ວຍຄວາມໝັ້ນຄົງທາງອິນເຕີເນັດດ້ວຍບັດເຫັນດີ 86,86%. ເຊິ່ງກົດໝາຍສະບັບດັ່ງກ່າວໄດ້ມີ 7 ພາກ 43 ມາດຕາ,ໄດ້ລະບຸຂໍ້ກຳນົດກ່ຽວກັບການປົກປັກຮັກສາຄວາມໝັ້ນຄົງແຫ່ງຊາດແລະຄວາມເປັນລະບຽບຮຽບຮ້ອຍທາງສັງຄົມ,ກໍ່ຄືໜ້າທີ່ຄວາມຮັບຜິດຊອບຂອງບັນດາອົງການທີ່ກ່ຽວຂ້ອງ,ບັນດາອົງການຈັດຕັ້ງແລະບຸກຄົນໃນການໃຊ້ເຄືອຂ່າຍອິນເຕີເນັດ.
ອີງຕາມຂໍ້ກຳນົດ,ວິສາຫະກິດພາຍໃນແລະຕ່າງປະເທດທີ່ໃຫ້ການບໍລິການທີ່ກ່ຽວຂ້ອງທາງອິນເຕີເນັດຢູ່ດິນແດນຫວຽດນາມ ຕ້ອງສ້າງຖານຂໍ້ມູນຜູ້ໃຊ້ອິນເຕີເນັດຢູ່ດິນແດນຫວຽດນາມ,ວິສາຫະກິດຕ່າງປະເທດທີ່ກ່ຽວຂ້ອງຕ້ອງສ້າງຕັ້ງສຳນັກງານຢູ່ຫວຽດນາມ.
ວິສາຫະກິດພາຍໃນແລະຕ່າງປະເທດທີ່ໃຫ້ການບໍລິການທີ່ກ່ຽວຂ້ອງທາງອິນເຕີເນັດຢູ່ດິນແດນຫວຽດນາມຕ້ອງກວດສອບຂໍ້ມູນທະບຽນຂອງຜູ້ໃຊ້ອິນເຕີເນັດ ພ້ອມທັງສະໜອງຂໍ້ມູນທີ່ກ່ຽວຂ້ອງຕາມຄວາມຕ້ອງການດ້ານການກວດກາຂອງພາກສ່ວນປ້ອງກັນຄວາມສະຫງົບ.
ກົດໝາຍດັ່ງກ່າວໄດ້ລະບຸຂໍ້ກຳນົດລະອຽດກ່ຽວກັບການກະທຳຕ່າງໆເຊັ່ນ: ຫ້າມບໍ່ໃຫ້ໃຊ້ຊ່ອງທາງອິນເຕີເນັດເປີດເຜີຍຂໍ້ມູນທີ່ເປັນການປຸກປັ່ນການຕໍ່ຕ້ານລັດ,ບິດເບືອນປະຫວັດສາດ,ທຳລາຍຄວາມສາມັກຄີພາຍໃນຊາດ,ໃສ່ຮ້າຍປ້າຍສີສາດສະໜາ,ເຜີຍແຜ່ຂໍ້ມູນປອມແລະຂໍ້ມູນທີ່ມີຜົນກະທົບຕໍ່ສັງຄົມແລະການກະທຳອື່ນໆ.
ຄຳເຫັນ
0