ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກະຊວງການຕ່າງປະເທດໄທ ຢືນຢັນໃນວັນທີ 12 ມິຖຸນານີ້ວ່າ: ທ່ານວິນມິນ ປະທານາທິບໍດີມຽນມາ ຈະເດີນທາງຢ້ຽມຢາມປະເທດຕົນແຕ່ວັນທີ 14-16 ມິຖຸນານີ້ ໂດຍຈະພົບປະກັບທ່ານປະຍຸດ ຈັນໂອຊາ ນາຍົກລັດຖະມົນຕີໄທ ແລະເຂົ້າຮ່ວມກອງປະຊຸມການຮ່ວມມືທາງຍຸດທະສາດເສດຖະກິດແມ່ນ້ຳອີຣະວະດີ-ແມ່ນ້ຳເຈົ້າພະຍາ-ແມ່ນ້ຳຂອງ (ACMECS) ຄັ້ງທີ 8 ທີ່ຈະຈັດຂຶ້ນຢູ່ະຄອນຫຼວງບາງກອກ.
ຂ່າວລາຍງານຕື່ມວ່າ ນີ້ຈະເປັນການເດີນທາງຢ້ຽມຢາມຕ່າງປະເທດຄັ້ງທຳອິດນັບແຕ່ທ່ານວິນມິນ ຂຶ້ນຮັບຕຳແໜ່ງປະທານາທິບໍດີມຽນມາໃນເດືອນມີນາປີນີ້ເປັນຕົ້ນມາ.
ປີນີ້ແມ່ນປີຄົບຮອບ 70 ປີຂອງການສ້າງຕັ້ງການພົວພັນທາງການທູດລະຫວ່າງໄທ ແລະມຽນມາ ແລະ ການເດີນທາງຢ້ຽມຢາມໄທຂອງທ່ານວິນມິນເທື່ອນີ້ຖືວ່າເປັນໂອກາດສຳຄັນສຳລັບສອງປະເທດໃນການປຶກສາຫາລືການຮ່ວມມືທາງຍຸດທະສາດການພັດທະນາ.
ໄທແມ່ນປະເທດອັນດັບທີ 3 ໃນບັນດາປະເທດທີ່ລົງທຶນຫຼາຍຢູ່ມຽນມາ, ອີງຕາມສະຖິຕິສະແດງໃຫ້ເຫັນວ່າ: ມາຮອດເດືອນມີນາປີນີ້, ໄທລົງທຶນຢູ່ມຽນມາບັນລຸເຖິງ 11.04 ຕື້ໂດລາສະຫະລັດ ກວມ 14,5% ຂອງການລົງທຶນຕ່າງປະເທດຢູ່ມຽນມາ. ນອກນີ້, ການຄ້າລະຫວ່າງສອງປະເທດກໍນັບມື້ນັບຄຶກຄື້ນ.
ຄຳເຫັນ
0