ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ມິຖຸນານີ້, ທ່ານ ວະລາດີເມຍ ປູຕິນ ປະທານາທິບໍດີຣັດເຊຍ ໄດ້ກ່າວປາໄສຕໍ່ຜູ້ຕາງໜ້າສະມາຄົມທີ່ເປັນສະມາຊິກ 200 ກວ່າຄົນຂອງສະຫະພັນບານເຕະໂລກແລະສື່ມວນຊົນທົ່ວໂລກໃນກອງປະຊຸມສະຫະພັນບານເຕະໂລກຄັ້ງທີ 68 ວ່າ, ຣັດເຊຍໄດ້ກຽມພ້ອມແລ້ວ ແລະຍິນດີຕ້ອນຮັບແຟນບານທົ່ວໂລກມາສຳຜັດກັບຄວາມຮັກແພງຕໍ່ແຂກຄົນທັງຫຼາຍໃນແຫ່ງນີ້.
ກອງປະຊຸມສະຫະພັນບານເຕະໂລກໄດ້ໄຂຂຶ້ນຢູ່ສູນປະຊຸມແລະວາງສະແດງມົສກູໃນວັນທີ 13 ມິຖຸນານີ້, ທ່ານ ປູຕິນ ໄດ້ຕັ້ງໃຈເດີນທາງໄປກ່າວປາໄສໃນກອງປະຊຸມ ໂດຍກ່າວວ່າ: ຂອບໃຈສະມາຊິກທີ່ກ່ຽວຂ້ອງຂອງສະຫະພັນບານເຕະໂລກທີ່ສະໜັບສະໜູນການແຂ່ງຂັນບານເຕະ ໂລກທີ່ຈັດຂຶ້ນຢູ່ຣັດເຊຍ ແລະຣັດເຊຍກໍຈະບັນລຸຄວາມໄຝ່ຝັນໃນການຈັດການແຂ່ງຂັນບານເຕະໂລກ, ຫວັງວ່າ ແຟນບານທົ່ວໂລກຈະສາມາດມາສຳຜັດກັບສະໜາມກິລາແລະພື້ນຖານໂຄງລ່າງອື່ນໆທີ່ທັນສະໄໝແລະກ້າວໜ້າຂອງຣັດເຊຍ, ມີຄວາມເບີກບານມ່ວນຊື່ນກັບການແຂ່ງຂັນບານເຕະໂລກທີ່ໜ້າຊົມຄັ້ງໜຶ່ງ ພ້ອມທັງສຳຜັດກັບສະເໜ່ຂອງປະເທດຣັດເຊຍ.
ຄຳເຫັນ
0