ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ມິຖຸນານີ້, ກອງປະຊຸມສະມັດຊາໃຫຍ່ອົງການສະຫະປະຊາຊາດໄດ້ຜ່ານມະຕິສະບັບໜຶ່ງເພື່ອປົກປ້ອງປະຊາຊົນປາແລັສຕິນ. ກ່ອນໜ້ານີ້, ມະຕິດັ່ງກ່າວສະບັບດັດແກ້ທີ່ຮ່າງໂດຍອາເມຣິການັ້ນ ບໍ່ໄດ້ຖືກຮັບຮອງ.
ໃນມື້ດັ່ງກ່າວ, ສະມັດຊາໃຫຍ່ອົງການສະຫະປະຊາຊາດ ໄດ້ໄຂກອງປະຊຸມສຸກເສີນວິສາມັນເພື່ອລົງຄະແນນສຽງຕໍ່ມະຕິດັ່ງກ່າວສະບັບຮ່າງໃນປັດຈຸບັນ ແລະໄດ້ຮັບຮອງດ້ວຍ 120 ສຽງເຫັນດີ, 8 ສຽງຄັດຄ້ານ ແລະບໍ່ລົງຄະແນນ 45 ສຽງ.
ມະຕິດັ່ງກ່າວຮຽກຮ້ອງໃຫ້ບັນດາຝ່າຍຈົ່ງເຄົາລົບກົດໝາຍສິດທິມະນຸດສາກົນແລະກົດໝາຍມະນຸດສະທຳສາກົນ, ໃຊ້ມາດຕະການເພື່ອຮັບປະກັນຄວາມປອດໄພຂອງປະຊາຊົນປາແລັສຕິນ, ຮັບປະກັນໃຫ້ພວກເຂົາໄດ້ຮັບການປົກປ້ອງ, ທັງລົງໂທດການກະທຳທີ່ລະເມີດກົດໝາຍສາກົນ.
ມະຕິຂອງສະມັດຊາໃຫຍ່ອົງການສະຫະປະຊາຊາດ ບໍ່ມີຜົນບັງຄັບໃຊ້ດ້ານກົດໝາຍ, ແຕ່ໄດ້ເປັນຕົວແທນເຈດຈຳນົງສ່ວນຫຼາຍຂອງປະຊາຄົມໂລກໃນລະດັບໃດໜຶ່ງທີ່ມີຄວາມເປັນທຳ.
ຄຳເຫັນ
0