ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພິທີປະກາດ “ກົດບັດອົງການຮ່ວມມືຊຽງໄຮ” ກໍຄືກິດຈະກຳລະນຶກອົງການຮ່ວມມືຊຽງໄຮສ້າງຕັ້ງຂຶ້ນຄົບຮອບ 17 ປີໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນໃນວັນທີ 15 ມິຖຸນານີ້.
ຕາມຂ່າວແຈ້ງວ່າ, “ກົດບັດອົງການຮ່ວມມືຊຽງໄຮ” ແມ່ນປະມຸກລັກ 6 ປະເທດສະມາຊິກອົງການຮ່ວມມືຊຽງໄຮຮ່ວມກັນລົງນາມໃນເວລາຈັດກອງປະຊຸມສຸດຍອດອົງການຮ່ວມມືຊຽງໄຮຄັ້ງທີ 2 ຢູ່ແຊງເປເຕີສະບວກເມື່ອເດືອນມິຖຸນາປີ 2002, ແມ່ນເອກະສານລັກສະນະໂຄງຮ່າງຂອງອົງການຮ່ວມມືຊຽງໄຮ. ພາຍຫຼັງອິນເດຍແລະປາກີສະຖານເຂົ້າເປັນປະເທດສະມາຊິກໃໝ່ຂອງອົງການດັ່ງກ່າວແລ້ວ, ເພື່ອສ້າງເວທີແລກປ່ຽນກວ້າງຂວ້າງກວ່າເກົ່າ, ສຳນັກງານເລຂາອົງການຮ່ວມມືຊຽງໄຮແລະສຳນັກງານກິດຈະການພິມຈຳໜ່າຍພາສາຕ່າງປະເທດຈີນໄດ້ຮ່ວມກັນວາງແຜນ, ແລະຈັດພິມ “ກົດບັດອົງການຮ່ວມມືຊຽງໄຮ" ດ້ວຍພາສາຈີນ, ພາສາຣັດເຊຍແລະພາສາອັງກິດຢ່າງເປັນທາງການ, ແລະເປີດເຜີຍຕໍ່ທົ່ວໂລກ.
ທ່ານຣະຊິດ ອາລິມົຟ ເລຂາທິການໃຫຍ່ອົງການຮ່ວມມືຊຽງໄຮໄດ້ກ່າວປາໄສໃນພິທີດັ່ງກ່າວວ່າ, ອົງການຮ່ວມມືຊຽງໄຮຈະຖືກອງປະຊຸມສຸດຍອດຊິ່ງຕາວເປັນຈຸດເລີ່ມຕົ້ນໃໝ່, ປະຕິບັດຕາມ "ຈິດໃຈຊຽງໄຮ" ທີ່ໄວ້ເນື້ອເຊື່ອໃຈກັນ, ຕ່າງຝ່າຍຕ່າງມີຜົນປະໂຫຍດ, ສະເໝີພາບ, ປຶກສາຫາລືກັນ, ເຄົາລົບອະລິຍະທຳຕ່າງໆແລະສະແຫວງຫາການພັດທະນາຮ່ວມກັນ, ເພື່ອຊຸກຍູ້ການສ້າງປະຊາຄົມຮ່ວມຊາຕາກຳອົງການຮ່ວມມືຊຽງໄຮ.
ຄຳເຫັນ
0