ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ມິຖຸນານີ້, ຫ້ອງການຜູ້ຕາງໜ້າການຄ້າອາເມຣິກາໄດ້ປະກາດບັນຊີລາຍການສຸດທ້າຍທີ່ຈະຂຶ້ນອັດຕາພາສີ 25% ຕໍ່ສິ້ນຄ້ານຳເຂົ້າຈາກຈີນທີ່ມີມູນຄ່າ 50 ຕື້ໂດລາສະຫະລັດ, ແລະສິນຄ້າທີ່ກ່ຽວຂ້ອງກໍຖືກກັບບັນຊີລາຍການເບື້ອງຕົ້ນທີ່ອາເມຣິກາປະກາດໃນຕົ້ນເດືອນເມສາປີນີ້. ແຕ່ວ່າ, ອາເມຣິກາບໍ່ໄດ້ປະກາດໃຫ້ມາດຕະການພາສີໃໝ່ມີຜົນບັງຄັບໃຊ້ໃນທັນທີ.
ຫຼັງຈາກນັ້ນ, ກະຊວງການຄ້າຈີນໄດ້ອອກຖະແຫຼງການຊີ້ອອກວ່າ, ເພື່ອປົກປັກຮັກສາຜົນປະໂຫຍດຂອງປະຊາຊົນຈີນແລະອາເມລິກາຈົນສຸດຄວາມສາມາດ, ຈີນແລະອາເມລິກາໄດ້ປຶກສາຫາລືກັນ 3 ຮອບພາຍໃນເວລາໜຶ່ງເດືອນເພື່ອພະຍາຍາມຊຸກຍູ້ແກ້ໄຂບັນຫາເທື່ອລະກ້າວ. ແຕ່ອາເມຣິກາພັດໃຊ້ມາດຕະການພາສີໃໝ່ໂດຍບໍ່ຫົວຊາຕໍ່ຄວາມຮັບຮູ້ທີ່ເປັນເອກະພາບກັນລະຫວ່າງສອງຝ່າຍ, ກໍ່ສົງຄາມການຄ້າ, ເຊິ່ງເປັນການທຳລາຍຜົນປະໂຫຍດທັງສອງຝ່າຍ, ແລະກໍທຳລາຍລະບຽບການຄ້າໂລກເຊັ່ນດຽວກັນ. ຈີນຈະປະກາດໃຊ້ມາດຕະການເກັບພາສີທີ່ມີ “ມູນຄ່າແລະຄວາມແຂງແຮງເທົ່າທຽມກັນ” ໃນທັນທີ, ພ້ອມກັນນັ້ນໄດ້ຮັບຜົນຕ່າງໆໃນການຫາລືດ້ານເສດຖະກິດການຄ້າລະຫວ່າງສອງຝ່າຍກໍເປັນໂມຄະເຊັ່ນດຽວກັນ.
ເວົ້າໂດຍກົງແລ້ວ, ຜົນດັ່ງກ່າວກໍບໍ່ໄດ້ຢູ່ນອກການຄາດຄິດຂອງຈີນ. ຍ້ອນວ່າການກະທຳປ່ຽນໄປມາເລື້ອຍໆແລະເຈດຈຳນົງເບື້ອງຫຼັງຂອງລັດຖະບານທຣຳ, ຈີນໄດ້ພົບຫຼາຍເທື່ອແລ້ວ, ແລະກໍຮັກສາສະມາທິທາງຍຸດທະສາດຢ່າງພຽງພໍ.
ສຳລັບລັດຖະບານທຣຳແລ້ວ, ວຽກງານດ່ວນທີ່ສຸດໃນປັດຈຸບັນກໍຄືກະກຽມໃຫ້ແກ່ການເລືອກຕັ້ງໄລຍະກາງຂອງອາເມຣິກາ, ນີ້ໄດ້ຕັດສິນແລ້ວວ່າການກະທຳທຸກຢ່າງຂອງລັດຖະບານທຣຳລ້ວນແຕ່ແມ່ນຄຳເຖິງບັດເລືອກຕັ້ງ. ການທີ່ທຳນຽບຂາວປະກາດບັນຊີລາຍການຂຶ້ນພາສີຕໍ່ສິນຄ້າຈີນຕາມເວລາກຳນົດໃນວັນທີ 15 ມິຖຸນານີ້, ກໍເພື່ອສະແດງໃຫ້ເຫັນວ່າຕົນປະຕິບັດຕາມຄຳໝັ້ນສັນຍາທີ່ໄດ້ໃຫ້ໄວ້ຕໍ່ຜູ້ມີສິດເລືອກຕັ້ງໃນການແຂ່ງຂັນເລືອກຕັ້ງເມື່ອກ່ອນ, ແລ້ວໄດ້ຮັບບັດເລືອກຕັ້ງຫຼາຍກວ່າເກົ່າອີກ, ເພື່ອຈະສາມາດປັບປຸງແລະຂະຫຍາຍທ່າແຮງຂອງພັກຣິພັບບຣິກັນ. ແຕ່ວ່າ, ທຳນຽບຂາວບໍ່ໄດ້ປະກາດມາດຕະການພາສີດັ່ງກ່າວມີຜົນບັງຄັບໃຊ້ໃນທັນທີ, ຈຸດປະສົງຂອງເຂົາກໍຄືໃຊ້ຄວາມກົດດັນຕໍ່ຈີນ. ສະນັ້ນເປັນອັນຈະແຈ້ງແລ້ວວ່າ, ອາເມຣິກາຢາກໄດ້ຮັບຜົນປະໂຫຍດຫຼາຍກວ່າເກົ່າໂດຍນຳໃຊ້ບັນຊີລາຍການພາສີສະບັບນີ້.
ຄົນທັງຫຼາຍຄວນໄດ້ເຫັນວ່າ, ການກະທຳເຫັນແກ່ຕົວຂອງອາເມຣິກາ, ບໍ່ແມ່ນແນປາຍຫອກໃສ່ພຽງແຕ່ປະເທດຈີນເທົ່ານັ້ນ, ພາຍໃຕ້ສະຖານະການທີ່ອາດຈະເກີດສົງຄາມການຄ້າ ຍ້ອນແນວຄິດ “ອາເມຣິກາເປັນບູລິມະສິດ” ນັ້ນ, ປະເທດໃດໆກໍບໍ່ສາມາດຮັກສາຕົວເອງບໍ່ໃຫ້ຖືກກະທົບຫຼືເບິ່ງຢູ່ຫ່າງໆແລະເຮັດເສີຍໄວ້ໄດ້. ໂດຍຜະເຊີນກັບລັດທິຝ່າຍດຽວແລະລັດທິປົກປ້ອງການຄ້າ, ທົ່ວໂລກພຽງແຕ່ປະຖິ້ມຄວາມເພີ້ຝັນທີ່ອາດຈະໄດ້ຮັບສິດຍົກເວັ້ນຈາກອາເມຣິກາແລະປະຕິບັດນະໂຍບາຍຜ່ອນສັ້ນຜ່ອນຍາວ, ຮ່ວມມືກັນຕໍ່ຕ້ານການກະທຳຂອງອາເມຣິກາຈຶ່ງສາມາດປົກປ້ອງລະບົບການຄ້າຫຼາຍຝ່າຍທີ່ເຮັດໃຫ້ປະເທດຕ່າງໆໄດ້ຮັບຜົນປະໂຫຍດນັ້ນໄດ້ຢ່າງແທ້ຈິງ.
ສຳລັບຈີນ, ອາເມຣິກາແລະປະເທດຕ່າງໆໃນໂລກແລ້ວ, ການຮ່ວມມືມີເນື້ອໃນສຳຄັນທີ່ສຸດ. ໃນໂອກາດພົບປະກັບທ່ານໄມ ພົມເພວ ລັດຖະມົນຕີກະຊວງການຕ່າງປະເທດອາເມຣິກາໃນວັນທີ 14 ມິຖຸນານີ້, ທ່ານສີຈິ້ນຜິງ ປະທານປະເທດຈີນກ່າວເນັ້ນວ່າ, ຈີນແລະອາເມຣິກາຮ່ວມມືກັນຈະສາມາດເຮັດສຳເລັດວຽກງານສຳຄັນທີ່ມີຜົນດີຕໍ່ສອງຝ່າຍແລະໂລກ. ນີ້ຈຶ່ງແມ່ນທ່າທີທີ່ຖືກຕ້ອງແລະການມີສະຕິສຳລັບອາເມຣິກາໃນການແກ້ໄຂຄວາມຂັດແຍ້ງກັນດ້ານການຄ້າແລະບັນຫາອື່ນໆໃນການພົວພັນລະຫວ່າງຈີນແລະອາເມລິກາ.
ຄຳເຫັນ
0