ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ງານແຂງຂັນຊ່ວງເຮືອສາກົນຈີນ-ອາຊຽນ (ເມືອງນານໜິງ) ຄັ້ງທີ 14 ໄດ້ຈັດຂຶ້ນໃນວັນທີ 16 ມິຖຸນານີ້, ໂດຍມີນັກກິລາ 1100 ກວ່າຄົນໃນ 56 ທິມຈາກພາຍໃນແລະຕ່າງປະເທດເຂົ້າຮ່ວມ.
ໃນການແຂ່ງຂັນຄວາມໄວທາງແລ່ນຊື່ 300 ແມັດ 12 ຄົນສາຍເປີດເຜີຍສາກົນທີ່ຈັດຂຶ້ນໃນມື້ດຽວກັນ, ທິມລາວຊິງໄດ້ແຊມປຽນ, ທິມຢົງສຸຍເຂດກວາງຊີງໄດ້ທີ 2 ແລະ ທິມຮວນຈ່ຽງເຫີສືທີໜຶ່ງຂອງເຂດກວາງຊີໄດ້ທີ 3. ຫຼັງສຳເລັດການແຂ່ງຂັນ, ຮອງຫົວໜ້າທິບລາວກ່າວວ່າ: ການແຂ່ງຂັນໃນມື້ນີ້ມີຄວາມສະດວກຫຼາຍ, ຕົນພໍໃຈຫຼາຍຕໍ່ຜົນການແຂ່ງຂັນໃນມື້ນີ້. ຂະນະທີ່ການແຂ່ງຂັນຊ່ວງເຮືອແມ່ນງານກິລາແລະວັດທະນະທຳທີ່ມີມູນເຊື້ອຂອງລາວ ເຊິ່ງແຕ່ລະປີກໍມີການແຂ່ງຂັນແລະສາມາດດຶງດູດປະຊາຊົນເຂົ້າຮ່ວມເປັນຈຳນວນຫຼວງຫຼາຍ. ໃນນັ້ນ ເຂົາເຈົ້າຈະເລືອກນັກກິລາທີ່ມີລະດັບສູງເຂົ້າຮ່ວມການແຂ່ງຂັນສາກົນຂະໜາດໃຫຍ່, ເພື່ອເພີ່ມທະວີການແລກປ່ຽນເຊິ່ງກັນແລະກັນ.
ການແຂ່ງຂັນຊ່ວງເຮືອແມ່ນກິດຈະກຳກິລາເທິງນ້ຳພື້ນເມືອງຂອງຈີນ ເຊິ່ງມີປະຫວັດສາດມາເປັນເວລາ 2000 ກວ່າປີແລ້ວ, ຢູ່ລາວ, ຫວຽດນາມ, ໄທ, ມຽນມາແລະປະເທດອື່ນໆໃນອາຊີຕາເວັນອອກສຽງໃຕ້ປະຊາຊົນກໍມັກກະລາການຊ່ວງເຮືອຫຼາຍ. ນັບແຕ່ປີ 2004 ເປັນຕົ້ນມາ, ນະຄອນນານໜິງກໍໃຫ້ມີການແຂ່ງຂັນຊ່ວງເຮືອສາກົນຈີນ-ອາຊຽນ ແລະມີອິດທິຜົນຢ່າງກວ້າງຂວາງຢູ່ອາຊີຕາເວັນອອກສຽງໃຕ້, ເອີຣົບ, ອາເມລິກາ ແລະ ອື່ນໆໃນປັດຈຸບັນ.
ຄຳເຫັນ
0