ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສຸດຍອດ “ຍຸດທະສາດການຮ່ວມມືດ້ານເສດຖະກິດແມ່ນ້ຳອາເຢຢາວາດີ-ແມ່ນ້ຳເຈົ້າພະຍາ-ແມ່ນ້ຳຂອງ”ຄັ້ງທີ 8 ໄດ້ຈັດຂຶ້ນຢູ່ນະຄອນຫຼວງບາງກອກປະເທດໄທແຕ່ວັນທີ 15 ຫາວັນທີ 16 ມິຖຸນານີ້, ຜູ້ນຳປະເທດໄທ, ລາວ, ມຽນມາ, ກຳປູເຈຍ ແລະ ຫວຽດນາມ ພ້ອມດ້ວຍເຈົ້າໜ້າທີ່ອົງການຈັດຕັ້ງສາກົນແລະພາກພື້ນຈຳນວນໜຶ່ງເຂົ້າຮ່ວມ. ຫົວຂໍ້ຂອງກອງປະຊຸມແມ່ນ “ກ້າວໄປສູ່ການເຊື່ອມໂຍງພາກພື້ນແມ່ນ້ຳຂອງ” ເພື່ອເພີ່ມທະວີການເຊື່ອມຈອດກັນຂອງ 5 ປະເທດດັ່ງກ່າວ ແລະຊຸກຍູ້ໃຫ້ເສດຖະກິດພັດທະນາກ້າວໄປໜ້າ.
ທ່ານຫຼີວ໌ຈ້ຽນ ເອກອັກຄະລັດຖະທູດຈີນປະຈຳໄທກ່າວຕໍ່ນັກຂ່າວວ່າ, ເວົ້າສຳລັບອາຊີແລະພາກພື້ນນີ້ແລ້ວ, ທຸກຝ່າຍກໍໄດ້ຮັບຜົນປະໂຫຍດທີ່ແທ້ຈິງຈາກການຄ້າແລະການລົງທຶນທີ່ມີຄວາມສະດວກແລະເສລີພາບ, ຫວັງວ່າຈະຮັກສາການພົວພັນທີ່ແໜ້ນແຟ້ນກວ່າເກົ່າ, ການເຊື່ອມໂຍງເຂົ້າກັນທີ່ເປີດກວ້າງກວ່າເກົ່າ ແລະ ການຮ່ວມມືທີ່ເລິກເຊິ່ງກວ່າເກົ່າ ເຊິ່ງແມ່ນສາເຫດສຳຄັນທີ່ພາໃຫ້ພາກພື້ນອາຊີສາມາດຮັກສາທ່ວງທ່າການພັດທະນາທີ່ແຂງແຮງແລະຕໍ່ເນື່ອງໄດ້.
ທ່ານຫຼິວ໌ຈ້ຽນກ່າວຕື່ມວ່າ, ຈີນສະໜັບສະໜູນການພັດທະນາເສດຖະກິດຂອງປະເທດລຸ່ມແມ່ນ້ຳຂອງ, ຍິນດີດຳເນີນການຮ່ວມມືທີ່ຕ່າງຝ່າຍຕ່າງມີຜົນປະໂຫຍດບົນພື້ນຖານເຄົາລົບເຊິ່ງກັນແລະກັນແລະສະເໝີພາບກັນ. ຄຽງຄູ່ກັບການເຊື່ອມຕໍ່ຍຸດທະສາດແລະແຜນການພັດທະນາລະຫວ່າງສອງຝ່າຍ, ເຊື່ອວ່າຈະສ້າງຜົນປະໂຫຍດອັນພົ້ນເດັ່ນໃຫ້ແກ່ການພັດທະນາແລະການຮ່ວມມືຂອງປະເທດໃນພາກພື້ນ ໂດຍສະເພາະຈະນຳມາເຊິ່ງຜົນປະໂຫຍດໃຫ້ແກ່ປະຊາຊົນຢ່າງແທ້ຈິງ.
ຄຳເຫັນ
0