ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂ່າວສານຊິ່ນຮວາ: ວັນທີ 18 ມິຖຸນານີ້, ກະຊວງການຕ່າງປະເທດອາເມຣິກາໄດ້ແຈ້ງວ່າ, ວັນທີ 17 ມິຖຸນານີ້, ທ່ານໄມ ພົມເພວ, ລັດຖະມົນຕີກະຊວງການຕ່າງປະເທດອາເມຣິກາໄດ້ລົມໂທລະສັບກັບທ່ານຄາງຄິງຮວາ, ລັດຖະມົນຕີການຕ່າງປະເທດ ສ ເກົາຫຼີ, ໄດ້ປຶກສາຫາລືເຖິງທິດທາງໃນຕໍ່ໜ້າກ່ຽວກັບບັນຫານິວເຄຼຍແຫຼມເກົາຫຼີຫຼັງກອງປະຊຸມສຸດຍອດຢູ່ສິງກະໂປຂອງຜູ້ນຳອາເມຣິກາແລະ ສປປ ເກົາຫຼີ.
ໃນແຈ້ງການກ່າວວ່າ, ທ່ານ ພົມເພວ ກັບທ່ານ ຄາງຄິງຮວາໄດ້ໃຫ້ຄຳໝັ້ນສັນຍາວ່າ, ຍັງຈະສຸມໃສ່ຊຸກຍູ້ໃຫ້ແຫຼມເກົາຫຼີບັນລຸ “ການປະລະນິວເຄຼຍຢ່າງເຖິງຖອງ, ສາມາດກວດກາໄດ້, ແລະບໍ່ຕ່າວຄືນອີກ.” ພ້ອມກັນນັ້ນ, ສອງຝ່າຍຍັງກ່າວວ່າ, ກ່ອນ ສປປ ເກົາຫຼີ ປະລະນິວເຄຼຍ, ຍັງຈະສືບຕໍ່ກົດດັນ ສປປ ເກົາຫຼີ ອີກຕໍ່ໄປ.
ທ່ານ ໂດໂນ ທຣຳ ປະທານາທິບໍດີອາເມລິກາກັບທ່ານ ກິມເຈີງອູນ ປະທານຄະນະກຳມະການລັດຖະກິດ ສປປ ເກົາຫຼີ ໄດ້ພົບປະກັນຢູ່ສິງກະໂປໃນວັນທີ 12 ມິຖຸນານີ້, ແລະໄດ້ເຊັນຖະແຫຼງການຮ່ວມ ໂດຍອາເມລິກາໃຫ້ຄຳໝັ້ນສັນຍາວ່າ, ຈະຮັບປະກັນຄວາມປອດໄພໃຫ້ ສປປ ເກົາຫຼີ, ສປປ ເກົາຫຼີ ໄດ້ເນັ້ນໜັກເຖິງຄຳໝັ້ນສັນຍາຈະບັນລຸການປອດນິວເຄຼຍຂອງແຫຼມເກົາຫຼີ.
ວັນທີ 13 ມິຖຸນານີ້, ທ່ານ ພົມເພວ ກ່າວວ່າ, ໃນອະນາຄົດ, ອາເມລິກາກັບ ສປປ ເກົາຫຼີຍັງຕ້ອງເຮັດຫຼາຍວຽກ, ຄາດວ່າ, ສອງຝ່າຍຈະສືບຕໍ່ເຈລະຈາກັນອີກ. ຫວັງວ່າ ສປປ ເກົາຫຼີ ຈະມີມາດຕະການສຳຄັນໃນການຫຼຸດກຳລັງນິວເຄຼຍໃນສອງປີເຄິ່ງຂ້າງໜ້າ.
ຄຳເຫັນ
0