ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານຊິ່ນຮວາ: ວັນທີ 18 ມິຖຸນານີ້, ຂ່າວສານຊີຣີລາຍງານວ່າ, ວັນທີ 17 ເດືອນດຽວກັນ, ພັນທະມິດສາກົນໂຈມຕີກຸ່ມກໍ່ການຮ້າຍ ISIS ທີ່ນຳໂດຍອາເມລິການັ້ນໄດ້ຫຼອນໂຈມຕີຄ້າຍທະຫານລັດຖະບານຊີຣີທີ່ແຂວງເດຍເອສໂຊ ພາກຕາເວັນອອກຊີຣີ, ເຮັດໃຫ້ຫຼາຍຄົນເສຍຊີວິດແລະບາດເຈັບ.
ຂ່າວສານຊີຣີໄດ້ຍົກເອົາຄວາມເວົ້າຂອງເຈົ້າໜ້າທີ່ທະຫານຊີຣີມາລາຍງານວ່າ, ວັນທີ 17 ມິຖຸນານີ້, ພັນທະມິດສາກົນໄດ້ໂຈມຕີຄ້າຍທະຫານລັດຖະບານຊີຣີຢູ່ພາກຕາເວັນອອກສຽງໃຕ້ເມືອງອັບບູຄາເມວ ແຂວງເດຍເອສໂຊ, ເຮັດໃຫ້ຫຼາຍຄົນເສຍຊີວິດແລະບາດເຈັບ, ແຕ່ບໍ່ໄດ້ເປີດເຜີຍຈຳນວນຜູ້ບາດເຈັບແລະເສຍຊີວິດ.
ຂ່າວຍັງລາຍງານວ່າ, ຫວ່າງມໍ່ໆນີ້, ການເຄື່ອນໄຫວທາງການທະຫານເພື່ອກຳຈັດກຸ່ມກໍ່ການຮ້າຍ ISIS ຢູ່ເຂດທະເລຊາຍທາງພາກຕາເວັນຕົກແຂວງເດຍເອສໂຊຂອງກອງທັບລັດຖະບານຊີຣີໄດ້ຮັບຄວາມຄືບໜ້າ, ເຊິ່ງໄດ້ຍຶດຜືນແຜ່ນດິນເກືອບ 2000 ກິໂລຕາແມັດ, ພັນທະມິດສາກົນໂຈມຕີກອງທັບລັດຖະບານຊີຣີໃນໄລຍະນີ້ໄດ້ເຮັດໃຫ້ພວກກໍ່ການຮ້າຍຍິ່ງໄດ້ໃຈ, ເຊິ່ງເປັນການຢືນຢັນແລ້ວວ່າ “ອາເມລິກາຮັກສາການປະຈຳການທາງການທະຫານທີ່ບໍ່ຊອບດ້ວຍກົດໝາຍໂດຍຜ່ານການສະໜັບສະໜູນພວກກໍ່ການຮ້າຍ ແລະລັກເອົາຊັບພະຍາກອນເສດຖະກິດທີ່ພາກຕາເວັນອອກຊີຣີ.”
ຄຳເຫັນ
0