ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ມິຖຸນານີ້, ທ່ານອີກໍ ໂມກູລົຟ ຮອງລັດຖະມົນຕີກະຊວງການຕ່າງປະເທດຣັດເຊຍກ່າວວ່າ: ໃນເວລາທ່ານວະລາດີເມຍ ປູຕິນ ປະທານາທິບໍດີຣັດເຊຍແລະທ່ານມູນເຈອິນ ປະທານາທິບໍດີ ສ ເກົາຫຼີພົບປະກັນຢູ່ນະຄອນຫຼວງມົສກູ, ຜູ້ນຳສອງປະເທດຈະຫາລືການປະຕິບັດໂຄງການຮ່ວມມື3ຝ່າຍຄືລະຫວ່າງ ຣັດເຊຍ, ສ ເກົາຫຼີ ກັບສປປ ເກົາຫຼີ.
ໂອກາດໃຫ້ສຳພາດຕໍ່ສື່ມວນຊົນຣັດເຊຍຢູ່ນະຄອນຫຼວງມົສກູໃນວັນດຽວກັນ, ທ່ານໂມກູລົຟຍັງກ່າວຕື່ມວ່າ: ຣັດເຊຍມີຈຸດຢືນໃຫ້ຫຼຸດຜ່ອນຄວາມເປັນປໍລະປັກທາງການທະຫານຢູ່ແຫຼມເກົາຫຼີ ແລະເຫັນວ່າການຈັດການຊ້ອມຮົບຮ່ວມຢູ່ພາກພື້ນນີ້ໃນໄລຍະເຈລະຈາເປັນເລື່ອງທີ່ບໍ່ເໝາະສົມ. ຣັດເຊຍເຫັນວ່າ ການຍົກເລີກການຊ້ອມຮົບລັກສະນະນີ້ເປັນທິດທາງທີ່ຖືກຕ້ອງ.
ໂດຍຕອບສະໜອງຕາມຄຳເຊື້ອເຊີນຂອງທ່ານວະລາດີເມຍ ປູຕິນ ປະທານາທິບໍດີຣັດເຊຍ, ທ່ານມູນເຈອິນ ປະທານາທິບໍດີ ສ ເກົາຫຼີຈະຢ້ຽມຢາມຣັດເຊຍທາງລັດຖະກິດເປັນເວລາ 3 ວັນ ຊຶ່ງຖືເປັນເທື່ອທຳອິດທີ່ປະທານາທິບໍດີສ ເກົາຫຼີຢ້ຽມຢາມຣັດເຊຍໃນຮອບ 19 ປີຜ່ານມາ. ວັນທີ 29 ເມສາຜ່ານມາ, ທ່ານມູນເຈອິນໄດ້ສົນທະນາຜ່ານທາງໂທລະສັບກັບທ່ານປູຕິນ ແລະສອງຝ່າຍເປັນເອກະພາບກັນວ່າ: ມີຄວາມຈຳເປັນຕ້ອງດຳເນີນການຮ່ວມມືເສດຖະກິດກັບສປປ ເກົາຫຼີເພື່ອສົ່ງເສີມສັນຕິພາບ.
ຄຳເຫັນ
0