ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ມິຖຸນານີ້, ກະຊວງປ້ອງກັນປະເທດສ.ເກົາຫຼີ ແລະ ກະຊວງປ້ອງກັນປະເທດອາເມຣິກາຮ່ວມກັນເປີດເຜີຍວ່າ, ເພື່ອບັນລຸໃຫ້ແຫຼມເກົາຫຼີປອດນິວເຄຼຍ ແລະ ສ້າງກົນໄກສັນຕິພາບ, ສອງຝ່າຍຕົກລົງຢຸດຕິການຊ້ອມຮົບຮ່ວມ UFG ທີ່ກຳນົດຈະຈັດຂຶ້ນໃນເດືອນສິງຫາປີນີ້. ວັນທີ 19 ມິຖຸນານີ້, ທ່ານເກິ໋ງສວງ ໂຄສົກກະຊວງການຕ່າງປະເທດຈີນໄດ້ສະແດງຄວາມຊົມເຊີຍຕໍ່ເລື່ອງນີ້.
ທ່ານເກິ໋ງສວງໄດ້ກ່າວໃນກອງປະຊຸມຖະແຫຼງຂ່າວກະຊວງການຕ່າງປະເທດຈີນທີ່ຈັດຂຶ້ນໃນມື້ດຽວກັນວ່າ, ອາເມຣິກາ ແລະ ສ.ເກົາຫຼີຢຸດຕິການຊ້ອມຮົບຮ່ວມເປັນມາດຕະການທີ່ຕັ້ງໜ້າ ແລະ ມີລັກສະນະສ້າງສັນ, ຈີນສະແດງຄວາມຊົມເຊີຍຕໍ່ເລື່ອງນີ້, ພວກເຮົາຫວັງວ່າບັນດາຝ່າຍຄວນຮ່ວມແຮງຮ່ວມໃຈກັນ ແລະ ພະຍາຍາມຕື່ມອີກ ເພື່ອຊຸກຍູ້ໃຫ້ແຫຼມເກົາຫຼີປອດນິວເຄຼຍ ແລະ ຊຸກຍູ້ຂະບວນການແກ້ໄຂບັນຫາໃນຊ່ອງທາງການເມືອງ.
ຄຳເຫັນ
0