ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ສື່ມວນຊົນອາເມຣິກາລາຍງານໃນວັນທີ 19 ມິຖຸນານີ້ວ່າ, ສະມາຄົມ 58 ແຫ່ງຂອງຂະແໜງການຜະລິດ, ຂາຍຍ່ອຍ, ກະສິກຳແລະອື່ນໆຂອງອາເມຣິກາໄດ້ສົ່ງຈົດໝາຍຮ່ວມໄປຍັງຄະນະກຳມະການການເງິນຂອງສະພາສູງແລະຄະນະກຳມະການລະດົມທຶນຂອງສະພາຕ່ຳອາເມຣິກາ, ເພື່ອຮຽກຮ້ອງໃຫ້ລັດຖະສະພາເພີ່ມທະວີການຕິດຕາມສິດດ້ານການຄ້າຂອງປະທານາທິບໍດີຕົນ.
ຈົດໝາຍດັ່ງກ່າວລະບຸວ່າ, ລັດຖະບານຊຸດປັດຈຸບັນໄດ້ໃຊ້ມາດຕະການພາສີເປັນວິທີຕົ້ນຕໍໃນການແກ້ໄຂຄວາມຂັດແຍ້ງການຄ້ານັບມື້ນັບຫຼາຍຂຶ້ນ, ເຮັດໃຫ້ຄູ່ການຄ້າອາເມຣິກາໄດ້ປະຕິບັດມາດຕະການຕອບໂຕ້, ສົ່ງຜົນເຮັດໃຫ້ນັກທຸລະກິດສົ່ງອອກອາເມຣິກາປະສົບຄວາມເສຍຫາຍ, ແລະເຮັດໃຫ້ໂອກາດປະກອບອາຊີບຫຼາຍລ້ານຕຳແໜ່ງຂອງຊາວອາເມຣິກາໄດ້ຮັບຜົນກະທົບ.
ຈົດໝາຍເຕືອນໃຫ້ສອງຄະນະກຳມະການດັ່ງກ່າວພິຈາລະນາໃຊ້ມາດຕະການທີ່ແຂງແຮງຕໍ່ການກະທຳທີ່ກ່ຽວຂ້ອງຂອງລັດຖະບານ, ເພີ່ມທະວີການຕິດຕາມຕໍ່ສິດດ້ານການຄ້າຂອງປະທານາທິບໍດີ, ແລະພິຈາລະນາວ່າມີຄວາມຈຳເປັນເພື່ອດັດແກ້ສິດດ້ານການຄ້າໃນປັດຈຸບັນຫຼືບໍ່?
ຄຳເຫັນ
0