ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ມິຖຸນານີ້, ທ່ານນາງນິກກີ ຮາໄລ ຜູ້ຕາງໜ້າຖາວອນຂອງອາເມຣິກາປະຈຳອົງການສະຫະປະຊາຊາດກ່າວວ່າ, ຍ້ອນວ່າສະພາມົນຕີສິດທິມະນຸດອົງການສະຫະປະຊາຊາດ “ມີຄວາມເຫັນລຳອຽງ” ຕໍ່ອິສລາແອນ ແລະ “ບໍ່ສາມາດປົກປ້ອງສິດທິມະນຸດຢ່າງບັງເກີດຜົນ”, ອາເມຣິກາຈິ່ງຖອນອອກຈາກອົງການດັ່ງກ່າວ.
ມື້ດຽວກັນ, ທ່ານອັນໂຕນິໂອ ກູເຕີເຣສ ເລຂາທິການໃຫຍ່ອົງການສະຫະປະຊາຊາດໄດ້ສະແດງຄວາມເສຍດາຍຕໍ່ການກະທຳດັ່ງກ່າວຂອງອາເມຣິກາ. ທ່ານສະເຕຟານ ດູຈາຣິກ ໂຄສົກເລຂາທິການໃຫຍ່ອົງການສະຫະປະຊາຊາດກ່າວວ່າ, ທ່ານກູເຕເຣສຫວັງໃຫ້ອາເມລິກາເປັນປະເທດສະມາຊິກສະພາມົນຕີສິດທິມະນຸດຕໍ່ໄປ, ເພາະວ່າອົງການດັ່ງກ່າວໄດ້ເສີມຂະຫຍາຍບົດບາດສຳຄັນທີ່ສຸດຕໍ່ການຊຸກຍູ້ ແລະ ປົກປ້ອງສິດທິມະນຸດໃນຂອບເຂດທົ່ວໂລກ.
ສະພາມົນຕີສິດທິມະນຸດອົງການສະຫະປະຊາຊາດມີສຳນັກງານໃຫຍ່ຕັ້ງຢູ່ເຊີແນວ, ລວມມີ 47 ທີ່ນັ່ງ ແລະ ປະເທດມົນຕີກຳເນີດຈາກການເລືອກຕັ້ງໃນສະມັດຊາໃຫຍ່ອົງການສະຫະປະຊາຊາດ.
ຄຳເຫັນ
0