ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານສີຈິ້ນຜິງ ປະທານປະເທດຈີນ ໄດ້ພົບປະກັບທ່ານນາງວາເລນຕີນາ ມັດວີເຢນໂກ ປະທານສະພາສູງຣັດເຊຍ ຢູ່ນະຄອນຫຼວງປັກກິ່ງໃນວັນທີ 4 ກໍລະກົດນີ້ ໂດຍຊີ້ໃຫ້ເຫັນວ່າ: ປັດຈຸບັນ, ສາຍພົວພັນລະຫວ່າງຈີນ-ຣັດເຊຍກຳລັງຢູ່ໃນໄລຍະທີ່ດີທີ່ສຸດໃນປະຫວັດສາດ ສອງຝ່າຍຄວນທະນຸຖະໜອມ ແລະ ປົກປັກຮັກສາສາຍພົວພັນຄູ່ຮ່ວມຍຸດທະສາດທີ່ສົມບູນ ແລະໝັ້ນຄົງລະຫວ່າງສອງປະເທດ, ເດັດດ່ຽວລົງເລິກການປະສານງານທາງຍຸດທະສາດຢ່າງຮອບດ້ານ, ຕັ້ງໜ້າເຂົ້າຮ່ວມກິດຈະການສາກົນ ແລະການບໍລິຫານທົ່ວໂລກ, ປະກອບສ່ວນອັນສຳຄັນເພື່ອສັນຕິພາບ-ສະຖຽນລະພາບຂອງໂລກ.
ທ່ານສີຈິ້ນຜິງ ກ່າວຕື່ມວ່າ: ຫວັງວ່າສອງຝ່າຍຈະຕັ້ງໜ້າຈັດຕັ້ງປະຕິບັດຕາມຂໍ້ຕົກລົງການຮ່ວມມືຕ່າງໆ, ພັດທະນາທັດສະນະການຮ່ວມມືເລື້ອຍໆ ແລະ ປະດິດສ້າງຮູບແບບການຮ່ວມມືຢ່າງບໍ່ຢຸດຢັ້ງ, ຊຸກຍູ້ໃຫ້ການຮ່ວມມືໃນຂົງເຂດຕ່າງໆໄດ້ຮັບຜົນສຳເລັດໃໝ່ ແລະ ສ້າງຄວາມຜາສຸກໃຫ້ແກ່ສອງປະເທດ ແລະປະຊາຊົນສອງຊາດໃຫ້ໄດ້ຫຼາຍກວ່າເກົ່າ. ພ້ອມກັນນັ້ນ, ຫວັງວ່າອົງການນິຕິບັນຍັດຂອງສອງປະເທດຈະເສີມຂະຫຍາຍທ່າແຮງຂອງແຕ່ລະຝ່າຍ ສືບຕໍ່ສະໜັບສະໜູນດ້ານກົດໝາຍແລະນະໂຍບາຍໃຫ້ແກ່ການຮ່ວມມືໃນຂົງເຂດຕ່າງໆຂອງສອງປະເທດ ເພີ່ມທະວີການຖອດຖອນບົດຮຽນເຊິ່ງກັນແລະກັນໃນການປົກຄອງປະເທດ-ການຄຸ້ມຄອງລັດ ແລະ ຮັບປະກັນການຕິດຕາມກວດກາເປັນຕົ້ນ ເພື່ອສ້າງພື້ນຖານທາງສັງຄົມແລະຈິດໃຈປະຊາຊົນໃຫ້ໜັກແໜ້ນກວ່າເກົ່າເພື່ອພັດທະນາສາຍພົວພັນລະຫວ່າງສອງປະເທດ.
ທ່ານນາງມັດວີເຢນໂກ ກ່າວວ່າ: ໜ້າທີ່ສຳຄັນຂອງສອງຝ່າຍໃນປັດຈຸບັນ ຄື ຈັດຕັ້ງປະຕິບັດຕາມຂໍ້ຕົກລົງສຳຄັນຂອງປະມຸກລັດສອງປະເທດ. ສະພາສູງຣັດເຊຍຍິນດີລົງເລິກການຮ່ວມມືກັບສະພາປະຊາຊົນແຫ່ງຊາດຈີນ ແລະ ຊຸກຍູ້ການຮ່ວມມືທີ່ແທ້ຈິງໃນຂົງເຂດຕ່າງໆ ເພື່ອເປັນການປະກອບສ່ວນໃນວຽກງານລວມຂອງການພັດທະນາສາຍພົວພັນລະຫວ່າງສອງປະເທດໃຫ້ໄດ້ດີກວ່າເກົ່າ.
ຄຳເຫັນ
0