ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ກໍລະກົດນີ້ຕາມເວລາທ້ອງຖິ່ນ, ທ່ານຫວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມລັດຖະມົນຕີການຕ່າງປະເທດກ່ຽວກັບບັນຫານິວເຄຼຍອີຣານຢູ່ນະຄອນຫຼວງວຽນປະເທດໂອຕຼິສ ແລະໄດ້ໃຫ້ສຳພາດຕໍ່ນັກຂ່າວຈີນຫຼັງກອງປະຊຸມ.
ທ່ານຫວາງຢີ້ກ່າວວ່າ, ກອງປະຊຸມຄັ້ງນີ້ມີຄວາມໝາຍສຳຄັນ ແລະໄດ້ຈັດຈຶ້ນຢ່າງທັນການໃນຂະນະທີ່ສັນຍາຮອບດ້ານກ່ຽວກັບບັນຫານິວເຄຼຍອີຣານພວມຕົກຢູ່ປາກທາງສີ່ແຍກແລະຈະຜັນໄປທິດທາງໃດ. ຝ່າຍຕ່າງໆທີ່ຮ່ວມປະຊຸມໄດ້ຮັບຮອງຖະແຫຼງການຮ່ວມທີ່ສຳຄັນສະບັບໜຶ່ງ ໂດຍມີເນື້ອໃນໃຈກາງຄື ສືບຕໍ່ເຄົາລົບແລະປະຕິບັດສັນຍາຮອບດ້ານ, ຄັດຄ້ານການຂວ້ຳບາດແຕ່ຝ່າຍດຽວທີ່ລະເມີດກົດໝາຍສາກົນ ແລະຮັກສາລະບົບບໍ່ແຜ່ຜາຍນິວເຄຼຍສາກົນຢ່າງມີປະສິດທິຜົນ.
ທ່ານຫວາງຢີ້ຍັງກ່າວຕື່ມວ່າ, ໃນບັນຫານິວເຄຼຍອີຣານ, ຈີນຈະຍຶດໝັ້ນຈຸດຢືນ 5 ຈຸດດັ່ງນີ້: ໜຶ່ງ, ຄວນເຄົາລົບກະຕິກາສາກົນ. ສອງ, ຄວນປະຕິບັດສັນຍາຮອບດ້ານ. ສາມ, ຄວນຮັກສາສະຖຽນລະພາບຂອງຕາເວັນອອກກາງ. ສີ່, ຄວນປະລະການຂວ້ຳບາດແຕ່ຝ່າຍດຽວ ແລະຫ້າ, ຄວນຍຶດໝັ້ນການເຈລະຈາກັນ.
ທ່ານຫວາງຢີ້ກ່າວຕໍ່ໄປວ່າ, ຈີນພະຍາຍາມຮັກສາແລະປະຕິບັດສັນຍາຮອບດ້ານ ກ່ຽວກັບບັນຫານິວເຄຼຍອີຣານຢ່າງເດັດດ່ຽວ ຍິນດີຮັກສາການແລກປ່ຽນແລະການປະສານງານກັບຝ່າຍຕ່າງໆ ແລະທຳຄວາມພະຍາຍາມເພື່ອຮັກສາຜົນໄດ້ຮັບຈາກລັດທິຫຼາຍຝ່າຍ.
ຄຳເຫັນ
0