ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ກໍລະກົດນີ້, ເຈົ້າໜ້າທີ່ທະຫານຊີຣີກ່າວວ່າ, ຕອນຄ່ຳມື້ດຽວກັນ, ຖານທັບອາກາດແຫ່ງໜຶ່ງຂອງຊີຣີຢູ່ແຂວງໂຮມສ ທາງພາກກາງຊີຣີ ຖືກລູກສອນໄຟນຳວິຖີຂອງອິສລາແອນຫຼອນໂຈມຕີ, ລະບົບປ້ອງກັນທາງອາກາດຂອງຊີຣີໄດ້ສະກັດຍິງລູກສອນໄຟນຳວິຖີຫຼາຍລູກ ແລະ ຍິງຖືກຍົນສູ້ຮົບລຳໜຶ່ງທີ່ມາຫຼອນໂຈມຕີ.
ໂທລະພາບແຫ່ງຊາດຊີຣີນຳເອົາຂ່າວຈາກເຈົ້າໜ້າທີ່ທະຫານມາລາຍງານວ່າ, ລູກສອນໄຟນຳວິຖີ 6 ລູກໄດ້ຕົກໃສ່ເຂດໃກ້ເດິ່ນບິນທະຫານ T4 ທາງພາກຕາເວັນອອກແຂວງໂຮມສ ແລະ ປັດຈຸບັນ, ຍັງບໍ່ມີການລາຍງານຂ່າວກ່ຽວກັບຜູ້ເສຍຊີວິດ ແລະ ບາດເຈັບ. ການລາຍງານຂ່າວບໍ່ໄດ້ເວົ້າເຖິງສະພາບລະອຽດກ່ຽວກັບຍົນສູ້ຮົບທີ່ຖືກຍິງ. ພາບຖ່າຍທາງໂທລະພາບສະແດງໃຫ້ເຫັນວ່າ, ລູກສອນໄຟນຳວິຖີປ້ອງກັນອາກາດຊີຣີໄດ້ສະກັດຍິງເປົ້າໝາຍອິສລາແອນຢູ່ຕາມທ້ອງຟ້າໃນຍາມກາງຄືນ.
ນັບແຕ່ຕົ້ນປີມານີ້, ອິສລາແອນໄດ້ໂຈມຕີເປົ້າໝາຍໃນດິນແດນຊີຣີຫຼາຍເທື່ອ ດ້ວຍຂໍ້ອ້າງໂຈມຕີສິ່ງກໍ່ສ້າງທາງການທະຫານຂອງອີຣານ.
ຄຳເຫັນ
0