ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍຕອບສະໜອງຕາມຄຳເຊື້ອເຊີນຂອງທ່ານນາງ ແອງເຈີລາ ເມີເຄວ ນາຍົກລັດຖະມົນຕີເຢຍລະມັນ, ຕອນບ່າຍວັນທີ 8 ກໍລະກົດນີ້ ທ່ານ ຫຼີເຄີ້ສຽງ ນາຍົກລັດຖະມົນຕີຈີນໄດ້ເດີນທາງຮອດນະຄອນຫຼວງແບັກແລັງ ໂດຍຈະເປັນປະທານກອງປະຊຸມປຶກສາຫາລືລະຫວ່າງລັດຖະບານຈີນ-ເຢຍລະມັນຄັ້ງທີ 5 ແລະຢ້ຽມຢາມເຢຍລະມັນຢ່າງເປັນທາງການ.
ໃນໄລຍະຢູ່ຢ້ຽມຢາມ,ທ່ານ ຫຼີເຄີ້ສຽງ ຈະພົບປະກັບທ່ານນາງ ແອງເຈີລາ ເມີເຄວແລະຮ່ວມກັນຖະແຫຼງຂ່າວ, ເປັນສັກຂີພິຍານຕໍ່ການເຊັນສັນຍາຮ່ວມມືທີ່ກ່ຽວຂ້ອງລະຫວ່າງຈີນ-ເຢຍລະມັນ,ເຂົ້າຮ່ວມເວທີປຶກສາຫາລືການຮ່ວມມືດ້ານເຕັກນິກແລະເສດຖະກິດຈີນ-ເຢຍລະມັນແລະກ່າວປາໄສ, ເຂົ້າຮ່ວມກິດຈະກຳວາງສະແດງລົດຍົນຂັບອັດຕະໂນມັດຈີນ-ເຢຍລະມັນ. ນອກນີ້, ຍັງຈະເຂົ້າຢ້ຽມຄຳນັບທ່ານ ແຟຣງ ວໍເຕີ ສະໄຕເມີ ປະທານາທິບໍດີເຢຍລະມັນອີກດ້ວຍ.
ທ່ານ ຫຼີເຄີ້ສຽງ ໄດ້ເດີນທາງຮອດນະຄອນຫຼວງແບັກແລັງປະເທດເຢຍລະມັນພາຍຫຼັງໄດ້ສິ້ນສຸດການຢ້ຽມຢາມບຸນກາຣີຢ່າງເປັນທາງການແລະເຂົ້າຮ່ວມການພົບປະຜູ້ນຳປະເທດຈີນ-ເອີຣົບກາງແລະຕາເວັນອອກຄັ້ງທີ 7.
ຄຳເຫັນ
0