蒙龙

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
首届中国国际进口博览会_fororder_首届中国国际进口博览会760X250 拷贝

ນາ​ຍົກ​ຈີນ​ ແລະ ເຢຍ​ລະ​ມັນ​​ເຂົ້າ​ຮ່ວມ​ພິ​ທີ​ຖະ​ແຫຼງ​ຂ່າວ

2018-07-10 14:37:49 CRI

ຕອນ​ບ່າຍ​ວັນ​ທີ 9 ກໍ​ລະ​ກົດ​ນີ້, ​ຢູ່​ສຳ​ນັກ​ງານ​ນາ​ຍົກ​ລັດ​ຖະ​ມົນ​ຕີ​ທີ່​ແບກ​ແລັງ​ປະ​ເທດ​ເຢຍ​ລະ​ມັນ, ທ່ານ​ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ ແລະ ທ່ານ​ນາງ​ແອງ​ເຈີ​ລາ ເມີ​ເຄວ ນາ​ຍົກ​ລັດ​ຖະ​ມົນ​ຕີ​ເຢຍ​ລະ​ມັນ​ໄດ້​​ເຂົ້າ​ຮ່ວມ​ພິ​ທີ​ຖະ​ແຫຼງຂ່າວຫຼັງ​ຮ່ວມ​ກັນ​ເປັນ​ປະ​ທານກອງ​ປະ​ຊຸມ​ປຶກ​ສາ​ຫາ​ລື​ລະ​ຫວ່າງ​ລັດ​ຖະ​ບານ​ຈີນ-ເຢຍ​ລະ​ມັນ ເພື່ອ​ຕອບ​ຄຳ​ຖາມ​ຂອງ​ນັກ​ຂ່າວ​ກ່ຽວ​ກັບ​​ຜົນ​ການ​ປຶກ​ສາ​ຫາ​ລື​ດັ່ງ​ກ່າວ.

ທ່ານຫຼີ​ເຄີ້​ສຽງ​ກ່າວ​ວ່າ, ກອງ​ປະ​ຊຸມ​ປຶກ​ສາ​ຫາ​ລື​ຄັ້ງ​ນີ້​ໄດ້​ຮັບ​ຜົນ​ສຳ​ເລັດ​ທີ່​ອຸ​ດົມ​ສົມ​ບູນ​ໃນ​ຂົງ​ເຂດ​ທີ່ກວ້າງ​ຂວາງ ແລະ ໄດ້​ເປີດ​ການ​ຮ່ວມ​ມື​ໃໝ່​ທີ່​​ຫັນໜ້າ​ໄປ​ສູ່​ອະ​ນາ​ຄົດ​ລະ​ຫວ່າງ​ຈີນ​ກັບ​ເຢຍ​ລະ​ມັນ. ໃນ​ຂະ​ບວນ​ການ​ເປີດ​ປະ​ຕູ​ສູ່​ພາຍນອກ​ຮອບ​ໃໝ່, ຈີນ​ຈະ​ສືບ​ຕໍ່​ປັບ​ປຸງ​ສະ​ພາບ​ແວດ​ລ້ອມ​​ການຕະຫຼາດ​ໃຫ້​ດີ​ຂຶ້ນ ແລະ ເພີ່ມ​ທະ​ວີ​ການ​ປົກ​ປ້ອງ​ຊັບ​ສິນ​ທາງ​ປັນ​ຍາ. ຈີນ​ຍິນ​ດີ​ໃຫ້​ວິ​ສາ​ຫະ​ກິດ​ເຢຍ​ລະ​ມັນ​​ຄວ້າ​ເອົາ​ໂອ​ກາດ​ໃໝ່​ໃນ​ພາ​ລະ​ກິດ​ປະ​ຕິ​ຮູບ ແລະ ເປີດ​ປະ​ຕູ​ສູ່​ພາຍນອກ​ຮອບ​ໃໝ່​ຂອງ​ຈີນ. ທຸກ​ຝ່າຍ​ຄ​ວນ​ພິ​ຈາ​ລະ​ນາ​ເຖິງ​ການ​ຮ່ວ​ມ​ມື​ດ້ານ​ເຕັກ​ນິກ​ດ້ວຍ​ຄວາມ​ໝັ້ນ​ໃຈຫຼາຍກວ່າ​ເກົ່າ ແລະ ມີ​ທ່າ​ທີ​ທີ່​ເປີດກວ້າງກວ່າ​ເກົ່າ ໃນ​ຍຸກ​ຫັນ​ເປັນ​ຂໍ້​ມູນ​ຂ່າວ​ສານ ແລະ ການ​ປະ​ຕິ​ວັດ​ດ້ານ​ເຕັກ​ນິກ​​ທີ່​ພັດ​ທະ​ນາ​ຢ່າງ​ບໍ່​ຢຸດ​ຢັ້ງ. ໂດຍ​ຜ່າ​ນ​ຈາກ​ການ​ຮ່ວມ​ມື​ຕົວ​ຈິງ​ຕ່າງໆ, ຈີນ ແລະ ເຢຍ​ລະ​ມັ​ນ​ໄດ້​ສະ​ແດງ​ໃຫ້​ເຫັນ​ວ່າ, ສອງ​ປະ​ເທດ​​ສຸມ​ກຳ​ລັງປົກ​ປ້ອງ​ລັດ​ທິຫຼາຍ​ຝ່າຍ ແລະ ການ​ຄ້າ​ເສ​ລີ ເພື່ອ​ຊຸກ​ຍູ້​ການ​ພັດ​ທະ​ນາ​ຂອງ​ທັງ​ສອງ​ຝ່າຍ ແລະ ຊຸກ​ຍູ້​ໃຫ້​ເສດ​ຖະ​ກິດ​ໂລກ​ຟື້ນ​ຄືນ.

ທ່ານຫຼີ​ເຄີ້​ສຽງ​ຍັງ​ໄດ້​ຕອບ​ຄຳ​ຖາມ​ຂອງ​ນັກ​ຂ່າວ​ກ່ຽວ​ກັບ​ກອງ​ປະ​ຊຸມ​ສຸດຍອດ​ຈີນ-ປະ​ເທດ​ເອີ​ຣົບ​ກາງ​ ແລະ ​ເອີ​ຣົບຕາ​ເວັນ​ອອກ ທີ່​ຫາ​ກໍ່​ສິ້ນ​ສຸດ​ລົງ ໂດຍ​ກ່າວ​ວ່າ, “ຂອບ​ການ​ຮ່ວມ​ມື 16 + 1” ແມ່ນ​ເວ​ທີ​ຮ່ວມ​ມື​ທີ່​ຈີນ​ແລະ​ບັນ​ດາ​ປະ​ເທດ​ເອີ​ຣົບ​ກາງ​ແລະ​ເອີ​ຣົບ​ຕາ​ເວັນ​ອອກ​ຮ່ວມ​ກັນ​ສ້າງ​ຂຶ້ນ ແລະ ​ແມ່ນ​ສ່ວນ​ປະ​ກອບ​ສຳ​ຄັນ ແລະ ​ເປັນການ​ຊ່ວຍ​ຊູ​ຍູ້​ໜູນ​ກັນ​ທີ່​ມີ​ຜົນ​ປະ​ໂຫຍດ​ສຳ​ລັບ​ການ​ພົວ​ພັນ​ຈີນ-ເອີ​ຣົບ.

ຄຳ​ເຫັນ

0