ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມລະດັບລັດຖະມົນຕີຄັ້ງທີ 8 ຂອງກອງປະຊຸມເວທີປຶກສາຫາລືການຮ່ວມມືຈີນ-ອາຣັບໄດ້ຈັດຂຶ້ນຢູ່ນະຄອນຫຼວງປັກກິ່ງໃນຕອນເຊົ້າວັນທີ 10 ກໍລະກົດນີ້. ທ່ານສີຈິ້ນຜິງ ປະທານປະເທດຈີນ, ສົມເດັດອານ-ຊາບາຮ ອາເມຍແຫ່ງລັດກູເວດທີ່ພວມຢ້ຽມຢາມຈີນທາງລັດຖະກິດ, ລັດຖະມົນຕີກະຊວງການຕ່າງປະເທດ ຫຼື ກະຊວງອື່ນໆຂອງ 21 ປະເທດອາຣັບ ພ້ອມດ້ວຍທ່ານອາເມັດ ອັບບູນ ເກອິດ ເລຂາທິການໃຫຍ່ສັນນິບາດຊາດອາຣັບໄດ້ເຂົ້າຮ່ວມພິທີໄຂກອງປະຊຸມ. ທ່ານສີຈິ້ນຜິງກ່າວປາໄສສຳຄັນ ເພື່ອເຜີຍແຜ່ນະໂຍບາຍສຳຄັນຂອງຈີນໃນການຮ່ວມມືກັບໂລກອາຣັບ.
ຂ່າວແຈ້ງວ່າ, ໃນເວລາກ່າວປາໄສ, ປະທານສີຈິ້ນຜິງໄດ້ບັນຍາຍຄວາມເຫັນຂອງຈີນກ່ຽວກັບບັນຫາຕ່າງໆ ເຊັ່ນ: ເພີ່ມທະວີການອອກແບບຊັ້ນສູງສຸດໃນການຮັດແໜ້ນການພົວພັນຈີນ-ອາຣັບ, ວາງແຜນການຮ່ວມມືເປັນໝູ່ຄະນະ, ການສ້າງເວທີປຶກສາຫາລືຊີ້ນຳ ແລະ ອື່ນໆ ທັງໄດ້ມີຂໍ້ລິເລີ່ມສຳຄັນສຳລັບຈີນກັບອາຣັບໃນການເພີ່ມທະວີການຮ່ວມມືພາຍໃຕ້ຂອບ “ໜຶ່ງແລວໜຶ່ງເສັ້ນທາງ” ແລະ ບັນຍາຍ “ແຜນການຂອງຈີນ” ເພື່ອແກ້ໄຂບັນຫາພົ້ນເດັ່ນຕ່າງໆທີ່ຕາເວັນອອກກາງຜະເຊີນ ແລະ ຕອບສະໜອງກັບຄວາມຮຽກຮ້ອງຕ້ອງການຂອງບັນດາຝ່າຍ.
ຄຳເຫັນ
0