ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI, ວັນທີ 10 ກໍລະກົດນີ້ຢູ່ນະຄອນຫຼວງເນປີດໍ ສະຫະພາບມຽນມາ, ທ່ານນາງອ໋ອງຊານຊູຈີ ປະທານພັກສັນນິບາດແຫ່ງຊາດເພື່ອປະຊາທິປະໄຕ, ທີ່ປຶກສາແຫ່ງລັດມຽນມາໄດ້ຕ້ອນຮັບການເຂົ້າຢ້ຽມຄຳນັບຂອງທ່ານຮວງຄຸນມິງ ກຳມະການກົມການເມືອງສູນກາງພັກ,ຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນທີ່ນຳພາຄະນະຜູ້ແທນພັກກອມມູນິດຈີນ ຢ້ຽມຢາມມຽນມາ.
ທ່ານຮວງຄຸນມິງໄດ້ຝາກຄວາມຢື້ຢາມຖາມຂ່າວອັນສະໜິດສະໜົມຂອງທ່ານເລຂາທິການໃຫຍ່ສີຈິ້ນຜິງ ເຖິງທ່ານນາງອ໋ອງຊານຊູຈີ ແລະກ່າວວ່າ: ສາຍພົວພັນຈີນ-ມຽນມາໄດ້ຮັກສາໃຫ້ມີທ່ວງທ່າຂະຫຍາຍຕົວເປັນຢ່າງດີ, ການນຳຂັ້ນສູງຂອງສອງປະເທດໄປມາຫາສູ່ຢ້ຽມຢາມກັນເລື້ອຍໆ, ຄວາມໄວ້ເນື້ອເຊື່ອໃຈທາງການເມືອງເຂົ້າສູ່ລວງເລິກຢ່າງບໍ່ຢຸດຢັ້ງ. ຈີນສະໜັບສະໜູນມຽນມາທຳຄວາມພະຍາຍາມເພື່ອຮັກສາສັນຕິພາບແລະສະຖຽນລະພາບພາຍໃນປະເທດຕົນແລະ ໃຫ້ປະເທດບັນລຸການພັດທະນາ, ຈີນຍິນດີຕັ້ງໜ້າຈັດຕັ້ງປະຕິບັດຄວາມເປັນເອກະພາບທີ່ສຳຄັນລະຫວ່າງຜູ້ນຳສອງປະເທດ,ເສີມຂະຫຍາຍສາຍພົວພັນຄູ່ຮ່ວມມືຍຸດທະສາດຮອບດ້ານຈີນ-ມຽນມາໃຫ້ຂຶ້ນສູ່ລະດັບສູງໃໝ່.
ທ່ານນາງອ໋ອງຊານຊູຈີໄດ້ຝາກຄຳອວຍພອນອັນປະເສີດຜ່ານທ່ານຮວງຄຸນມິງ ໄປເຖິງທ່ານເລຂາທິການໃຫຍ່ສີຈິ້ນຜິງແລະກ່າວວ່າ, ມຽນມາຂອບໃຈຢ່າງສູງນຳຈີນທີ່ໃຫ້ການຊ່ວຍເຫຼືອທີ່ຈິງໃຈແລະໃຫ້ການສະໜັບສະໜູນອັນປະເສີດແກ່ມຽນມາໃນໄລຍະຜ່ານມາ, ແລະຍິນດີຮ່ວມກັບຈີນຊຸກຍູ້ການສ້າງແລວທາງເສດຖະກິດມຽນມາ-ຈີນ, ເພີ່ມທະວີການແລກປ່ຽນດ້ານວັດທະນະທຳລະຫວ່າງສອງປະເທດ, ຊຸກຍູ້ສາຍພົວພັນມຽນມາ-ຈີນໃຫ້ຂະຫຍາຍຕົວກ້າວໄປໜ້າຢ່າງບໍ່ຢຸດຢັ້ງ.
ຄຳເຫັນ
0