ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ກໍລະກົດນີ້, ທ່ານຫວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ເປັນປະທານ ກອງປະຊຸມລະດັບລັດຖະມົນຕີຄັ້ງທີ 8 ຂອງເວທີປຶກສາຫາລືການຮ່ວມມືຈີນ-ອາຣັບຢູ່ນະຄອນຫຼວງປັກກິ່ງ. ທ່ານຫວາງຢີ້ກ່າວໃນກອງປະຊຸມວ່າ: ທ່າອ່ຽງເປີດປະຕູສູ່ທິດຕາເວັນຕົກຂອງຈີນກັບກະແສໃໝ່ແຫ່ງການພັດທະນາໄປສູ່ທິດຕາເວັນອອກຂອງປະເທດອາຣັບມີເປົ້າໝາຍດຽວກັນແລະສອດຄ່ອງກັນ, ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”ກຳລັງເປັນຮູບເປັນຮ່າງຂຶ້ນຢ່າງວ່ອງໄວຢູ່ເຂດຕາເວັນອອກກາງ.
ທ່ານຫວາງຢີ້ກ່າວຕື່ມວ່າ, ຈີນແລະປະເທດອາຣັບເປັນຄູ່ຮ່ວມມືແບບທຳມະຊາດ. ເມື່ອ 4 ປີກ່ອນ, ປະທານສີຈິ້ນຜິງໄດ້ເຊື້ອເຊີນບັນດາປະເທດອາຣັບໃຫ້ເຂົ້າຮ່ວມການສ້າງ“ໜຶ່ງແລວໜຶ່ງເສັ້ນທາງ”. ຫຼັງຈາກນັ້ນ 4 ປີ, ການຮ່ວມມືຕົວຈິງລະຫວ່າງສອງຝ່າຍໃນເວທີນີ້ໄດ້ຂະຫຍາຍກວ້າງອອກຢ່າງບໍ່ຢຸດຢັ້ງ, ຈີນໄດ້ກາຍເປັນຄູ່ການຄ້າໃຫຍ່ອັນດັບສອງຂອງປະເທດອາຣັບ ໂດຍໄດ້ລົງທຶນໂດຍກົງຢູ່ປະເທດອາຣັບຫຼາຍກວ່າ 15 ຕື້ໂດລາສະຫະລັດ. ຈີນແລະອາຣັບຮ່ວມກັນສ້າງ“ໜຶ່ງແລວໜຶ່ງເສັ້ນທາງ”ກຳລັງເປັນຮູບເປັນຮ່າງຂຶ້ນຢ່າງວ່ອງໄວຢູ່ເຂດຕາເວັນອອກກາງ.
ຄຳເຫັນ
0