ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ກໍລະກົດນີ້, ນັກເຕະບານເຍົາວະຊົນ 4 ຄົນ ແລະ ຄູຝຶກ 1 ຄົນທີ່ຄ້າງຢູ່ໃນຖ້ຳແຂວງຊຽງລາຍໄດ້ຮັບການຊ່ວຍເຫຼືອອອກມາຢ່າງສຳເລັດຜົນ. ມາຮອດປັດຈຸບັນ, ນັກເຕະບານເຍົາວະຊົນໄທ 13 ຄົນທີ່ຄ້າງຢູ່ໃນຖ້ຳແຕ່ວັນທີ 23 ມິຖຸນາຜ່ານມານັ້ນ ໄດ້ຮັບການຊ່ວຍເຫຼືອອອກມາໝົດແລ້ວ.
ເຈົ້າໜ້າທີ່ໜ່ວຍງານຊ່ວຍເຫຼືອໄທແຈ້ງວ່າ, 5 ຄົນທີ່ໄດ້ຮັບການຊ່ວຍເຫຼືອໃນມື້ນັ້ນມີສຸຂະພາບທີ່ດີ, ຂະນະທີ່ເຍົາວະຊົນ 8 ຄົນທີ່ໄດ້ຮັບການຊ່ວຍເຫຼືອກ່ອນໜ້ານັ້ນ ພວມຮັບການປິ່ນປົວຢູ່ໂຮງໝໍ ແລະ ມີສຸຂະພາບທາງກາຍ ແລະ ຈິດໃຈທີີ່ດີ. ຜູ້ໄດ້ຮັບການຊ່ວຍເຫຼືອຈະຖືກກັກກັນແລະປິ່ນປົວເປັນເວລາຢ່າງໜ້ອຍ 7 ວັນ.
ວັນທີ 6 ກໍລະກົດນີ້, ອະດີດສະມາຊິກກອງທະຫານພິເສດກອງທັບເຮືອໄທທີ່ເຂົ້າຮ່ວມການຊ່ວຍເຫຼືອຜູ້ໜຶ່ງເສຍຊີວິດ ຍ້ອນຂາດອົກຊີ ແລະ ເມື່ອຍເກີນໄປ ໃນເວລາປະຕິບັດໜ້າທີ່ຂົນສົ່ງຖັງອົກຊີ. ຊ່ຽວຊານຈີນທີ່ເຂົ້າຮ່ວມການຊ່ວຍເຫຼືອຄັ້ງນີ້ກ່າວວ່າ, ການຊ່ວຍເຫຼືອຄັ້ງນີ້ເປັນໜຶ່ງໃນການຊ່ວຍເຫຼືອທີ່ລຳບາກທີ່ສຸດ ແລະ ອັນຕະລາຍທີ່ສຸດໃນໂລກ.
ຄຳເຫັນ
0