ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານໂຢນຮັບ ສ.ເກົາຫຼີລາຍງານໃນວັນທີ 12 ກໍລະກົດນີ້, ໃນເວລາໃຫ້ສຳພາດຕໍ່ສື່ມວນຊົນສິງກະໂປ, ທ່ານມູນເຈອິນ ປະທານາທິບໍດີ ສ.ເກົາຫຼີກ່າວວ່າ, ສະເພາະປີນີ້, ການປະກາດສິ້ນສຸດພາວະສົງຄາມຢູ່ແຫຼມເກົາຫຼີເປັນເປົ້າໝາຍຂອງລັດຖະບານ ສ.ເກົາຫຼີ, ສຳລັບເວລາ ແລະ ຮູບການ, ສ.ເກົາຫຼີຈະປຶກສາຫາລືກັບຝ່າຍຕ່າງໆຢ່າງໃກ້ຊິດ.
ທ່ານມູນເຈອິນກ່າວວ່າ, ຄືດັ່ງທີ່ໄດ້ລະບຸໄວ້ໃນ “ຄຳຖະແຫຼງການປານມູນຈອມ”, ປີນີ້ ຄືປີລົງນາມໃນສັນຍາຢຸດຍິງຄົບຮອບ 65 ປີ, ການປະກາດສິ້ນສຸດພາວະສົງຄາມ ແມ່ນເປົ້າໝາຍຂອງລັດຖະບານສ.ເກົາຫຼີ, ສຳລັບເວລາ ແລະ ຮູບການ, ສ.ເກົາຫຼີຈະປຶກສາຫາລືກັບຝ່າຍຕ່າງໆຢ່າງໃກ້ຊິດ. ປັດຈຸບັນ, ແຫຼມເກົາຫຼີພວມຢູ່ໃນບາດລ້ຽວປະຫວັດສາດທີ່ມີລັກສະນະທົ່ວໂລກ, ປະຫວັດສາດສົງຄາມເລີ່ມຫັນມາເປັນປະຫວັດສາດສັນຕິພາບ. ທ່ານກ່າວຕື່ມວ່າ, ລັດຖະບານ ສ.ເກົາຫຼີຈະພະຍາຍາມສຸດຂີດ ເພື່ອຮັກສາການສົນທະນາກັນ ແລະ ສ້າງຄວາມໄວ້ເນື້ອເຊື່ອໃຈກັນ.
ຄຳເຫັນ
0