ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກົມອຸຕຸນິຍົມຈີນໄດ້ໃຫ້ຮູ້ວ່າ, ໃນວັນທີ 10 ກໍລະກົດນີ້, ກອງປະຊຸມລະດັບລັດຖະມົນຕີຄັ້ງທີ 8 ຂອງເວທີປຶກສາຫາລືການຮ່ວມມືຈີນ-ອາຣັບໄດ້ຈັດຂຶ້ນຢູ່ນະຄອນຫຼວງປັກກິ່ງ. ໂດຍກອງປະຊຸມໄດ້ສະເໜີໃຫ້ຮ່ວມກັນສ້າງຖານຂໍ້ມູນລຽບຕາມ “ໜຶ່ງແລວໜຶ່ງເສັ້ນທາງ”, ການພັດທະນາການຮ່ວມມືດ້ານການບິນອະວະກາດ,ຊຸກຍູ້ໃຫ້ເຕັກນິກດາວທຽມວັດແທກອຸຕຸນິຍົມໄລຍະໄກແລະລະບົບນຳທາງເປີຍໂຕວຂອງຈີນບໍລິການການສ້າງສາຂອງປະເທດອາຣັບ.
ຂ່າວແຈ້ງວ່າ, ປະເທດອາຣັບສ່ວນຫຼາຍຕັ້ງຢູ່ລຽບ “ໜຶ່ງແລວໜຶ່ງເສັ້ນທາງ”. ຕາມສະຖິຕິຈາກສູນຂໍ້ມູນໄພພິບັດສາກົນສະແດງໃຫ້ເຫັນວ່າ, ຜົນເສຍຫາຍຍ້ອນໄພພິບັດຢູ່ລຽບ“ໜຶ່ງແລວໜຶ່ງເສັ້ນທາງ”ແມ່ນ 2 ເທົ່າຂຶ້ນໄປຂອງຕົວເລກສະເລ່ຍຂອງໂລກ ແລະ ສ່ວນຫຼາຍແມ່ນໄພພິບັດອຸຕຸນິຍົມ. ດ້ວຍການຊ່ວຍເຫຼືອຈາກດາວທຽມອຸຕຸນິຍົມເຟີ່ງຢຸນຂອງຈີນ, ປະເທດອາຣັບທັງໝົດຈະສາມາດໄດ້ຮັບຜົນການວັດແທກອຸຕຸນິຍົມຈາກດາວທຽມທີ່ສອດຄ່ອງກັບສະພາບຕົວຈິງຂອງປະເທດຕົນເຊັ່ນ: ດິນຟ້າອາກາດ,ເທິງບົກ ແລະທະເລເປັນຕົ້ນ, ບາງປະເທດອາຣັບຍັງຈະໄດ້ຮັບການບໍລິການດ້ານການຕິດຕາມວັດແທກອາກາດທີ່ມີການປ່ຽນແປງຖີ່ອີກດ້ວຍ.
ຄຳເຫັນ
0