ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ກໍລະກົດນີ້, ສະພາສູງອາເມຣິກາໄດ້ຜ່ານຍັດຕິສະບັບໜຶ່ງດ້ວຍຄະແນນສຽງຫຼາຍທີ່ສຸດ ໂດຍຮຽກຮ້ອງໃຫ້ລັດຖະສະພາເສີມຂະຫຍາຍບົດບາດຫຼາຍກວ່າເກົ່າໃນເວລາລັດຖະບານຕົນເພີ່ມຂຶ້ນພາສີດ້ວຍຂໍ້ອ້າງຄວາມໝັ້ນຄົງຂອງຊາດ. ເຖິງວ່າຍັດຕິດັ່ງກ່າວບໍ່ມີຜົນບັງຄັບໃຊ້ກໍຕາມ, ແຕ່ມີຫາງສຽງທົ່ວໄປວ່າ, ນີ້ສະແດງໃຫ້ເຫັນວ່າ ລັດຖະສະພາທີ່ນຳໂດຍພັກສາທາລະນະລັດ ຫຼື ຣິພັບບຣິກັນ ບໍ່ພໍໃຈຕໍ່ນະໂຍບາຍຂຶ້ນພາສີເລື້ອຍໆຂອງທ່ານປະທານາທິບໍດີ ໂດໂນ ທຣຳ ໃນຫວ່າງມໍ່ໆມານີ້.
ໃນມື້ດັ່ງກ່າວ, ສະພາສູງໄດ້ຮັບຮອງຍັດຕິດັ່ງກ່າວດ້ວຍຄະແນນສຽງ 88 ຕໍ່ 11 ສຽງ. ຍັດຕິດັ່ງກ່າວຂຶ້ນກັບແຜນງົບປະມານລັດສະບັບໜຶ່ງ ແຕ່ບໍ່ມີຜົນບັງຄັບໃຊ້ດ້ານກົດໝາຍ.
ສະຖານີຂ່າວ CNN ລາຍງານວ່າ: ການທີ່ສະພາສູງຮັບຮອງຍັດຕິທີ່ບໍ່ມີຜົນບັງຄັບໃຊ້ດັ່ງກ່າວດ້ວຍຄະແນນສຽງຫຼາຍຂອງສະມາຊິກສະພາທີ່ຂຶ້ນກັບຫຼາຍພັກການເມືອງນັ້ນ ເປັນການສົ່ງສັນຍານໃຫ້ທຳນຽບຂາວຮູ້ວ່າ, ບັນດາສະມາຊິກສະພາສູງຮູ້ສຶກບໍ່ພໍໃຈຕໍ່ການກະທຳທີ່ມີລັກສະນະທຳລາຍໃນດ້ານພາສີຂອງທ່ານ ທຣຳ.
ຄຳເຫັນ
0